KOLOSSEMAI 2
2
1Enou neletaoye donou, Laodikia hi maitao donou ea Azhu ngaomoyu puletao hrülai donou daizhozhou te-a vah sousa touyu sü neletao hi paongaolai. 2Haisü Enou puletaoye panou khuveisho loure donou ea leshi hinou alinou liye paimu loure donou soue, alia sübüa sücheche-a sülouyu nanou poveyu latou louyu vei kini teiteisü buloulai. Sübüa puletao nou Khrista puh baiyu Ramai vei kheitsü nasü süloulai. 3Puh hai Ramai vei ratsü ea tsüvei pokukhai touyu kinou teitei houpa peiloure khareih nasüe.
4Maitalinou neletaoye madayu chipao nou lalou more donou chi haisü Enou neletao hi paowe. 5Daiolouzü pfüzhonou neletaoye koa Enou bumo khaia-a, rako hinou Esü neletaoye koa bue, alia neletao nou veishoa koa buyu ea Khrista hinou neletao lü latoua buyu sü ngaoloua sawe.
Khrista hinou Ha Teitei Chekhouyu
6Südonou neletao nou Khrista Jisu ye nou Mapaowo süe tea polouyu donou, puhye koa ali soua hrülai. 7Neletaoye doupeiyu sübüa neletao maasü puh hi tsüloulo, puh vanou neletao hrümaisü soushu palo, alia neletao lüsü khoupu palo. Alia kalo paoyu nou phoupeia bulo.
8Südonou Khrista hinou moa emainou doupeiyu zhai hinou shoshonou lapoa kouyu ea teideiphaoye tukha sahrüyu rakotao hinou vebaiyu emai tsüvei muh hayu dokaina vanou maitaliye panou neletaoye kilai souwuso. 9Daiolouzü, puhvei emai hrü hisü, Ramai zhai teiteisü buchewe, 10alia puhye koa ali soulouyu hinou neletao hisü phoutaopfüa buyu ahri nasü peiwure. Puhnou rako hilo paopumai ea peichamai hrülai vei peichawo nasüe.
11Khristaye koa ali soulouyu hinou neletaoye hee rode peiwure, süsü emai bahnou hee rodeyuna moe, ana mah pfüphao hainavei khouko hinou do soupeiwuyu Khrista nou hee rode peiyu sünasüe. 12Daiolouzü neletao nou dzükhao dalouyu kisü, neletaoye sü Khrista hinou povuwure, alia dzükhao dayu hinou Khristaye athai hinou souhrishu peiyu Ramai puhvei chihshoyu khouko nou neletao vei lü vanou neletaoye-a Khristaye koa souhrishu peiwure. 13Neletaosü teileli hisü neletao mah vanou ea neletaosü razhai hayu tahrüh kukhemai baiyu donou rako hilonou thaie. Ana chuo Ramai nou neletaoye Khristaye koa ahri hi pove peiwure. Ramai nou Eletao vei mah pfüphou hai khaipeire; 14zhai thaifüa Eletao pei hi motoua phukhai touyu raiphu süsü puhnou pheipa peiwure; haisü puhnou kros vanou veatheawu-a souhare. 15Alia kros süna vanou Khrista nou lah puhye rako hilo paopumai ea peichamaitao khouko hinou do soupeire; alia puhnou kolouyu hinou puletaoye popa dua sou ahrao peiwure.
16Südonou maitaliye panou neletaoye touso vanou moa kho-nüh reiyu vanou moa Khou Ashu reiyu vanou moa Soteithe reiyu vanou chi kuwuso. 17Haitao teitei hai thaikhai hi vere nataovei khu baie; chekhaoyu nawo louzü Khrista baie. 18Maitaliye panou puletao vei zho veishoa ngaowe touyu vanou, alia khao-zhai hinou natai-a hrüyu hrü vanou ea rakivamaiye thoyu vanou neletao vei khailu louyu vei buu nasü saopoa tayu souwuso. Daiolouzü ko lia hazheia haibüyu mainou puletao vasou vei tsüdo hinou khaophu souwe, 19alia pfüphao vei peina soua buyu Khristaye poa buyu sü thaowure. Khrista vei kharokhe hinou pfüphao teiteisü soudupa peiwe ea süna boutao ea soura taonou paimupoa bue, alia sünanou Ramai puhnou panou dushu nüyu thaifüa dushuloue.
Khristaye koa Thaiyu ea Hriyu
20Neletaowo Khristaye koa thaiwure ea neletaoye sü teideiphao vei paopumai souyu rakotao hinou do soupeire. Sükulouzü neletao daidonou deiphao haina vei maibüa hrüwe? Neletao daidonou haibüyu zhaitao sü züwe; süolouzü 21“Seiso, chiso, deiso?” 22Zhai haitao teiteisü teile lihi tayu ana chuo hakobaiyu zhaitaoye paowe; sütaosü emainou souyu ea doupeiyu zhaitao baie. 23Ovai, nutai-a panou rakivamaiye thoyu, khaozhai hinou natai-a hrüyu ea pfüphaoye tudei-tukhayu zhai haitaosü emai vei tsüdo hinou soushuloue: ana zhai sütaonou pfüphao vei züpa naye khaloure halia koyu hae.
Currently Selected:
KOLOSSEMAI 2: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
KOLOSSEMAI 2
2
1Enou neletaoye donou, Laodikia hi maitao donou ea Azhu ngaomoyu puletao hrülai donou daizhozhou te-a vah sousa touyu sü neletao hi paongaolai. 2Haisü Enou puletaoye panou khuveisho loure donou ea leshi hinou alinou liye paimu loure donou soue, alia sübüa sücheche-a sülouyu nanou poveyu latou louyu vei kini teiteisü buloulai. Sübüa puletao nou Khrista puh baiyu Ramai vei kheitsü nasü süloulai. 3Puh hai Ramai vei ratsü ea tsüvei pokukhai touyu kinou teitei houpa peiloure khareih nasüe.
4Maitalinou neletaoye madayu chipao nou lalou more donou chi haisü Enou neletao hi paowe. 5Daiolouzü pfüzhonou neletaoye koa Enou bumo khaia-a, rako hinou Esü neletaoye koa bue, alia neletao nou veishoa koa buyu ea Khrista hinou neletao lü latoua buyu sü ngaoloua sawe.
Khrista hinou Ha Teitei Chekhouyu
6Südonou neletao nou Khrista Jisu ye nou Mapaowo süe tea polouyu donou, puhye koa ali soua hrülai. 7Neletaoye doupeiyu sübüa neletao maasü puh hi tsüloulo, puh vanou neletao hrümaisü soushu palo, alia neletao lüsü khoupu palo. Alia kalo paoyu nou phoupeia bulo.
8Südonou Khrista hinou moa emainou doupeiyu zhai hinou shoshonou lapoa kouyu ea teideiphaoye tukha sahrüyu rakotao hinou vebaiyu emai tsüvei muh hayu dokaina vanou maitaliye panou neletaoye kilai souwuso. 9Daiolouzü, puhvei emai hrü hisü, Ramai zhai teiteisü buchewe, 10alia puhye koa ali soulouyu hinou neletao hisü phoutaopfüa buyu ahri nasü peiwure. Puhnou rako hilo paopumai ea peichamai hrülai vei peichawo nasüe.
11Khristaye koa ali soulouyu hinou neletaoye hee rode peiwure, süsü emai bahnou hee rodeyuna moe, ana mah pfüphao hainavei khouko hinou do soupeiwuyu Khrista nou hee rode peiyu sünasüe. 12Daiolouzü neletao nou dzükhao dalouyu kisü, neletaoye sü Khrista hinou povuwure, alia dzükhao dayu hinou Khristaye athai hinou souhrishu peiyu Ramai puhvei chihshoyu khouko nou neletao vei lü vanou neletaoye-a Khristaye koa souhrishu peiwure. 13Neletaosü teileli hisü neletao mah vanou ea neletaosü razhai hayu tahrüh kukhemai baiyu donou rako hilonou thaie. Ana chuo Ramai nou neletaoye Khristaye koa ahri hi pove peiwure. Ramai nou Eletao vei mah pfüphou hai khaipeire; 14zhai thaifüa Eletao pei hi motoua phukhai touyu raiphu süsü puhnou pheipa peiwure; haisü puhnou kros vanou veatheawu-a souhare. 15Alia kros süna vanou Khrista nou lah puhye rako hilo paopumai ea peichamaitao khouko hinou do soupeire; alia puhnou kolouyu hinou puletaoye popa dua sou ahrao peiwure.
16Südonou maitaliye panou neletaoye touso vanou moa kho-nüh reiyu vanou moa Khou Ashu reiyu vanou moa Soteithe reiyu vanou chi kuwuso. 17Haitao teitei hai thaikhai hi vere nataovei khu baie; chekhaoyu nawo louzü Khrista baie. 18Maitaliye panou puletao vei zho veishoa ngaowe touyu vanou, alia khao-zhai hinou natai-a hrüyu hrü vanou ea rakivamaiye thoyu vanou neletao vei khailu louyu vei buu nasü saopoa tayu souwuso. Daiolouzü ko lia hazheia haibüyu mainou puletao vasou vei tsüdo hinou khaophu souwe, 19alia pfüphao vei peina soua buyu Khristaye poa buyu sü thaowure. Khrista vei kharokhe hinou pfüphao teiteisü soudupa peiwe ea süna boutao ea soura taonou paimupoa bue, alia sünanou Ramai puhnou panou dushu nüyu thaifüa dushuloue.
Khristaye koa Thaiyu ea Hriyu
20Neletaowo Khristaye koa thaiwure ea neletaoye sü teideiphao vei paopumai souyu rakotao hinou do soupeire. Sükulouzü neletao daidonou deiphao haina vei maibüa hrüwe? Neletao daidonou haibüyu zhaitao sü züwe; süolouzü 21“Seiso, chiso, deiso?” 22Zhai haitao teiteisü teile lihi tayu ana chuo hakobaiyu zhaitaoye paowe; sütaosü emainou souyu ea doupeiyu zhaitao baie. 23Ovai, nutai-a panou rakivamaiye thoyu, khaozhai hinou natai-a hrüyu ea pfüphaoye tudei-tukhayu zhai haitaosü emai vei tsüdo hinou soushuloue: ana zhai sütaonou pfüphao vei züpa naye khaloure halia koyu hae.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.