1 THESSALONIMAI 2
2
Paul nou Thessalonika hinou Vah Souyu
1Eh thaihou jürai khemai, Ehnou neletao hi taveyu hai raohamoe touyu sü lah neletao-a süwe. 2Ehnou neletao hi vemo jübühi Ehye kabüa Philippi hinou souvea ea sou-ahrao peisa touyu sü neletao nou süwe. Alia Ehye ngaobamainou sühao-a bukhaia Ramai nou Eh hi puh hinou veyu Ko Avei nasü neletao hi khuveia paongao peire khoukosü peie. 3Daiolouzü Ehnou nelehi paokhai khaiyuhai kao-zümoyu moa sheemoyu tsü hinou vemoe, moa Ehnou maitaliye lare donou temoe. 4Ana Ehye panou Ramai nou paonüyu sünanou Ehnou teisanou paobaiwe, daiolouzü Ko Avei nasü Ehyenou paodouzüe tea puhnou Eh bah hi lüthou peire. Ehnou mai züpa soure temoe, ana Eh tsüle süa buyu Ramai puh züpa soure donou baie. 5Daiolouzü neletao nou sükhaiwe süolouzü Ehnou achechekho souyu chi-lako veinou paoa nelehi vemoe, moa loküyu naye hongi khaire chipao Ehnou seimoe. Süsü Ramai nou Ehye süwe! 6Ehnou Khrista vei sei-atamaitao büa neletao hinou kholou veiyu buyuma, neletao hinou moa kukhe maitao hinou süolouzü maitalinou paoshoyu sü Ehnou phoumoe. 7Ana pfümai alinou puh nahmaitaoye kitou peiyu büa, Ehnou neletaoye koa hrübu kisü natai-a hrüe. 8Haibüyu leshiyu hai Eh hi buyu donou Ramai vei chipao aveina likheithe baimoa lah Eh hrümai koute-a Ehnou neleye koa zha ngaozho loure soudawe, daiolouzü chuo Ehnou neleye soutaosoua leshi loure. 9Eh thaihou jürai khemai, Ehnou kabüa te-a ea veashoa vah sousa touyu sü neletao-a veimosoua liwulai! Süolouzü Ehnou nelehi Ramai vei Ko Aveina paodou peibu kisü nele pei hi kou süyu hatali pokhai peimore donou Ehnou khei-hea somoa vah soue.
10Lüloumai neletao hi kabüa Ehnou Ehvei zhai-hrühai sheetoua, cheche-a ea kao-zümoyu alia ha-a tapeisa touyu sü neletao nou zhopaoh souwe ea Ramai-a süsü aetouwe; 11daiolouzü kabüa Ehnou neletao ali lihi puo alinou lah puh nahmaitaohi tayu zhai sübüa tapeisa touyu sü neletao nou süwe. 12Alia Ehnou neleye le soudu, souva peiwe ea neleye lah puhvei vedei ea khouko ava nasü zha ngaozho loure donou ku-a buyu Ramai puhye sousa loure hrü nasü hrüloure donou Ehnou neleye tobai soumoa süpeiwe.
13Alia Ehnou daidonou teisanou Ramai hi kalo pao-a busa touyuvei qo kukhe ali bue, süolouzü Ehnou nelehi Ramai chipao nasü poveyu kisü nelenou süsü chouloua mai hinou veyu chipao moe ana süsü Ramai hinou vebaie tea poloure ea süsü chekhaoe. Daiolouzü louche-a buyu neletao hisü Ramai nou koa vah soua bue. 14Eh thaihou jürai khemai, Judea hi buyu Ramai vei lüloumaimetao, süolouzü, sühi buyu Jisu Khrista vei maikhe maitaohi payu sübütoua neletao hi-a paloure. Puletaoye lah pule Jihudi mai tao nou souvea peiyu büa neletaoye-a lah nele teidei maitao nou souvea peiwe. 15Pule Jihudi maitao nou Mapao Jisu ea rachipaola maitaoye southea-e, alia Ehye souveasho peiwu-a hutare. Daizhozhou puletao nou Ramai züphi sousa! Daizhozhou puletao nou maikhe maiye ngaobasa! 16Ehnou tahrüh kukhe maitao hi puletaoye khailu peiloure chipao nasü paodou peire hinou puletao nou Ehye nuwure donou te-e. Sübüa souyu hinou puletao nou teisanou soua buyu mahtaovei kou nasü panou phou chekhou loure. Alia chuo akhai hinou Ramai vei rarouyu nasü puletao pei hi koulou loure!
Paul nou Puletaoye Tave Daopu Nüyu
17Ana leshiyu thaihou jürai khemai, Ehye nele hinou panou teile phajü donou kukua butayu kisü—süolouzü vasou likheithe kuta baie, lewo louzü kuta moe, Ehnou kazhou koute lenoua ea züpa-a neleye tave zhu kheihao-a daopure donou te-a busa! 18Ehnou nelehi khaive puyusü züpashoe, alia Paul E vuzüa vere donou teshoe, ana Saitan nou Ehye sü baloure. 19Daiolouzü chechenou Ehnou rei-a buyu moa sayu moa Eletao Mapao Jisu veyuki puh nghojünou kathesoua rüpfü loure veopeirüsü neletao moanou kukhe thaoh bue? 20Chekhao-a neletao hai Ehvei kathe ea asah nasüe!
Currently Selected:
1 THESSALONIMAI 2: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
1 THESSALONIMAI 2
2
Paul nou Thessalonika hinou Vah Souyu
1Eh thaihou jürai khemai, Ehnou neletao hi taveyu hai raohamoe touyu sü lah neletao-a süwe. 2Ehnou neletao hi vemo jübühi Ehye kabüa Philippi hinou souvea ea sou-ahrao peisa touyu sü neletao nou süwe. Alia Ehye ngaobamainou sühao-a bukhaia Ramai nou Eh hi puh hinou veyu Ko Avei nasü neletao hi khuveia paongao peire khoukosü peie. 3Daiolouzü Ehnou nelehi paokhai khaiyuhai kao-zümoyu moa sheemoyu tsü hinou vemoe, moa Ehnou maitaliye lare donou temoe. 4Ana Ehye panou Ramai nou paonüyu sünanou Ehnou teisanou paobaiwe, daiolouzü Ko Avei nasü Ehyenou paodouzüe tea puhnou Eh bah hi lüthou peire. Ehnou mai züpa soure temoe, ana Eh tsüle süa buyu Ramai puh züpa soure donou baie. 5Daiolouzü neletao nou sükhaiwe süolouzü Ehnou achechekho souyu chi-lako veinou paoa nelehi vemoe, moa loküyu naye hongi khaire chipao Ehnou seimoe. Süsü Ramai nou Ehye süwe! 6Ehnou Khrista vei sei-atamaitao büa neletao hinou kholou veiyu buyuma, neletao hinou moa kukhe maitao hinou süolouzü maitalinou paoshoyu sü Ehnou phoumoe. 7Ana pfümai alinou puh nahmaitaoye kitou peiyu büa, Ehnou neletaoye koa hrübu kisü natai-a hrüe. 8Haibüyu leshiyu hai Eh hi buyu donou Ramai vei chipao aveina likheithe baimoa lah Eh hrümai koute-a Ehnou neleye koa zha ngaozho loure soudawe, daiolouzü chuo Ehnou neleye soutaosoua leshi loure. 9Eh thaihou jürai khemai, Ehnou kabüa te-a ea veashoa vah sousa touyu sü neletao-a veimosoua liwulai! Süolouzü Ehnou nelehi Ramai vei Ko Aveina paodou peibu kisü nele pei hi kou süyu hatali pokhai peimore donou Ehnou khei-hea somoa vah soue.
10Lüloumai neletao hi kabüa Ehnou Ehvei zhai-hrühai sheetoua, cheche-a ea kao-zümoyu alia ha-a tapeisa touyu sü neletao nou zhopaoh souwe ea Ramai-a süsü aetouwe; 11daiolouzü kabüa Ehnou neletao ali lihi puo alinou lah puh nahmaitaohi tayu zhai sübüa tapeisa touyu sü neletao nou süwe. 12Alia Ehnou neleye le soudu, souva peiwe ea neleye lah puhvei vedei ea khouko ava nasü zha ngaozho loure donou ku-a buyu Ramai puhye sousa loure hrü nasü hrüloure donou Ehnou neleye tobai soumoa süpeiwe.
13Alia Ehnou daidonou teisanou Ramai hi kalo pao-a busa touyuvei qo kukhe ali bue, süolouzü Ehnou nelehi Ramai chipao nasü poveyu kisü nelenou süsü chouloua mai hinou veyu chipao moe ana süsü Ramai hinou vebaie tea poloure ea süsü chekhaoe. Daiolouzü louche-a buyu neletao hisü Ramai nou koa vah soua bue. 14Eh thaihou jürai khemai, Judea hi buyu Ramai vei lüloumaimetao, süolouzü, sühi buyu Jisu Khrista vei maikhe maitaohi payu sübütoua neletao hi-a paloure. Puletaoye lah pule Jihudi mai tao nou souvea peiyu büa neletaoye-a lah nele teidei maitao nou souvea peiwe. 15Pule Jihudi maitao nou Mapao Jisu ea rachipaola maitaoye southea-e, alia Ehye souveasho peiwu-a hutare. Daizhozhou puletao nou Ramai züphi sousa! Daizhozhou puletao nou maikhe maiye ngaobasa! 16Ehnou tahrüh kukhe maitao hi puletaoye khailu peiloure chipao nasü paodou peire hinou puletao nou Ehye nuwure donou te-e. Sübüa souyu hinou puletao nou teisanou soua buyu mahtaovei kou nasü panou phou chekhou loure. Alia chuo akhai hinou Ramai vei rarouyu nasü puletao pei hi koulou loure!
Paul nou Puletaoye Tave Daopu Nüyu
17Ana leshiyu thaihou jürai khemai, Ehye nele hinou panou teile phajü donou kukua butayu kisü—süolouzü vasou likheithe kuta baie, lewo louzü kuta moe, Ehnou kazhou koute lenoua ea züpa-a neleye tave zhu kheihao-a daopure donou te-a busa! 18Ehnou nelehi khaive puyusü züpashoe, alia Paul E vuzüa vere donou teshoe, ana Saitan nou Ehye sü baloure. 19Daiolouzü chechenou Ehnou rei-a buyu moa sayu moa Eletao Mapao Jisu veyuki puh nghojünou kathesoua rüpfü loure veopeirüsü neletao moanou kukhe thaoh bue? 20Chekhao-a neletao hai Ehvei kathe ea asah nasüe!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.