ZAKARIA 9
9
Hnam ṭhenawmte hremna tûr
1Hadrak#9:1 Damaska bula ram bial khat hming a ni. leh Damaska chunga thleng tûr chungchânga
Lalpa thu chu: Mite mit chuan
Lalpa a thlîr a, Israel hnamte pawhin an thlîr.#Isa. 17:1-3; Jer. 49:23-27; Amos. 1:3-5.
2An ram ṭhenawm Hamat te,
Tura te, Sidon khawpui te chu, an finnate chawpin a ta vek an ni.
3Tura chuan kulh a siam a,
Vaivut ang maiin tangkarua a chhûng khâwm a,
Rangkachak pawh kawtthlêr chirhdiak angin a chhêk khâwm.
4Mahse, Lalpan a thil neihte a chhuhsak ang a,
A hausakna chu tuipuiah a paih ang a, khawpui chu a kâng ral ang. #Isa. 23:1-18; Ezek. 26:1—28:26; Joel. 3:4-8; Amos. 1:9,10; Mt. 11:21,22; Lk. 10:13,14.
5Askelon khuain an hmu ang a, an hlau vang,
Gaza khua pawh hlauvin an khûr ang a,
Ekron khua pawh an beidawng ang.
Gaza khuaah lal chu a boral ang a,
Askelon khua chu a ram ang.
6Asdod chu sâwnin a luah ang a,
Hnam chapo Filistia chu ka titlâwm ang.
7A thisen nên sa an ei tawh lo vang a,
Sa thiang lo an ei tawh hek lo vang.
Thi bângte chu kan Pathian ta an ni ang a,
Juda hnam ang an ni ang.
Ekron mite pawh Jebus mite ang#9:7 Jebus mite hi Jerusalem-a awm ṭhînte an ni, Davida hova Jerusalem an lâk hnu khân hêng mite hi khualehtui angin an awm ve zêl. an ni ang. #Isa. 14:29-31; Jer. 47:1-7; Ezek. 25:15-17; Joel. 3:4-8; Amos. 1:6-8; Zef. 2:4-7.
8Sipai lo kal lakah ka in chu ka vêng tlat ang a,
Hnehchhiahtuten an paltlang tawh ngai lo vang,
Tûnah zawng ka vêng tlat tawh dâwn a ni.
Lal lo kal tûr
9Aw Zion fanu, lâwm hle la,
Aw Jerusalem fanu, hlim takin au rawh,
En teh, i lal chu i hnênah a lo kal a,
Mi dik tak a ni a, Chhandamtu a ni.
Tlâwm takin sabengtung chungah a chuang a,
A ni, sabengtung no chungah chuan#Mt. 21:5; Jn. 12:15.
10Efraim indona tawlailîr leh
Jerusalem sakawrte chu a tiral ang,
Hnam tin a inremtîr ang a,
A ram chu tuipui aṭanga tuifinriat thleng,.#9:10 ‘Tuipui Thi aṭanga Mediteranean tuipui’ tihna a ni.
Luipui aṭanga kâwlkil#9:10 Luipui tih hi Eufretis lui sawina a ni, kâwlkil tih hi Aigupta ram chhim tâwp, kal pawh chin sawina a ni fo. thleng a ni ang. #Sam. 72:8.
Pathian mite tundin lehna
11Nang erawh chu, kan inkâra thisen thuthlung avângin,
Khuarkhurum rova i mi tângte chu ka chhuah vek a,
12Nangni, mi tâng, chhuah beiseite u,
In kulh lamah kîr leh ang che u,
Ka hrilh a che u, in tuar man chu
A lêt hnihin ka rûl ang che u.
13Juda chu thalngul atân ka hmang a,
Efraim chu thal atân,
Grik mite dona tûrin Zion fate chu ka chawk tho vang a,
Mi huaisen khandaih angin ka hmang ang.
14 Lalpa chu an chung lamah a lo lang a,
A thal chu kâwlphe angin a de zawr zawr ang.
Lalpa Pathian chuan tawtawrâwt a hâm ang a,
Chhim thlipui na angin a lo thawk ang.
15Engkim Lalpa chuan anni chu a hum ang a,
An hmêlmate chu an hneh ang a,
Kulh denna lungte chu an chîl ang.
An hmêlmate thisenin an rui ang a,
An au chêlchûl ang.
Maichâm kila thisen tah a luang zuih ang leh
Chawhtawlha liam zawih zawih ang hi a ni ang.
16Chutih hunah chuan Lalpa,
An Pathian chuan berâm angin
A mite chu a chhanhim ang a,
Lallukhuma lunghlute angin a ramah chuan an êng ang.
17An va ṭhain an va mawi êm!
An buh chu tlangvâlten an ṭhat phah ang a,
An uain chu nulaten an mawi phah ang.
Currently Selected:
ZAKARIA 9: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
