SAM 7
7
Dik taka rorêlsak tûra dîlna
Davida fakna hla#7: Sâm hming. Heb. ‘Sagaion.’ Benjamin mi Kusa chungchânga Davidan Lalpa chawimawi nâna a sak
1Aw Lalpa, ka Pathian, ka rawn bêl a che,
Mi ûmtute lakah hian min lo chhan la, min humhim ang che.
2Chutilo chuan, sakeibaknei angin min pawt thlêr ang a,
Chhantu nei lovin, min pawt sawm dah ang e.
3Aw Lalpa, ka Pathian,
Hêng thil hi ka tiha,
Ka kut hian thil sual a khawiha,
4Ka ṭhiante chu phatsana,
Ka hmêlmate chhan awm lova ka tihchhiat bawk chuan,
5Min dotuten min ûm sela, min man rawh se.
Leiah min chîl thlu sela,
Ka ruang pawh chu vaivutah zalh dêr rawh se.
6 Lalpa, thinurin lo thawk la,
Ka hmêlmate thinrim sosâng hi han hmachhawn teh,
Aw ka Pathian, harh la, min pui rawh,
Dikna hi i duhzâwng a ni si a.
7I vêlah hian mipui lo pung khâwm sela,
Chung lam aṭangin#7:7 ‘Aw, Chung lam mi’ tih theih a ni. ro han rêlsak ang che.
8Aw Lalpa, mi tin rorêlsaktu i ni,
Aw Chungnungber, mi dik leh mi ngîl ka nih ang zêlin ro mi rêlsak ang che.
9Mi suaksualte sualna chu han titâwp la,
Mi ṭhate erawh chu tinghet ang che.
Nang chu rilru leh thinlung fiahtu,
Pathian dik i ni si a. #Thup. 2:23.
10Pathian Chungnungbera chu ka phaw a ni,
Mi nun tluangte chhandamtu chu.
11Pathian chu dik taka rorêltu a ni a,
Mi sual chunga thinur reng ṭhîn Pathian a ni.
12An sim loh chuan khandaih a tât hriam ang a,
A thalngul chu kuaiin a tin bawk ang.
13Thihna hriamhrei lain,
A thal alh thei a hmang ngei ang.
14Sual ngaihtuah chhuah an thiamzia hi en teh,
A chimawm zâwnga awm an thiam hle a,
Thil khawlo tak an tichhuak ṭhîn.
15Khur an lai a, an zauh zêl a,
An hum laihah ngei chuan an tla ta zâwk.
16Mahni chunga pawi khawih an ni a,
an nunrâwnna ngei chuan a vaw lêt ang.
17 Lalpa chu a dik avângin lâwmthu ka hrilh ang a,
Lalpa, Chungnungbera hming chu fakin ka zai bawk ang.
Currently Selected:
SAM 7: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
