SAM 6
6
Mangan laia ṭanpui dîlna
Hla hruaitu tân, ṭingṭang nên: a ki hniama#6: Sâm hming. Heb. ‘Neginoth Seminith.’ Seminith tih hi pariatna tihna a ni, ‘d lai’ leh ‘d sâng’ inkâr hi ki riat a ni a, chutiang deuh chu ani ang. sak tûr: Davida Fakna hla
1Aw Lalpa, thinrimin min zilh suh la,
Thinurin min thunun hek suh ang che. #Sam. 38:1.
2 Lalpa, min khawngaih teh, ka chauh êm hi,
Ka ruh lamin a na zo ta, min tidam ang che.
3Ka mang a va ang êm!
Lalpa, eng chen nge mi ngawihsan dâwn?
4 Lalpa, lo hawi kîr la, min rawn chhan la,
I ngilneih êm vângin min hum ang che.
5Thi tawhte, tu mah hre reng che an awm lo va,
Seol aṭang pawhin tu nge fak che?
6Rûmin ka chau zo ta,
Zan tin ka mittuiin ka mutna chu a far ṭhîn a,
Ka khum a huh vek ṭhîn.
7Lungngaih vângin ka mit a thim zo va,
Ka hmêlmate avângin ka chau zo ta.
8Thil sual ti zawng zawngte u, min kalsan rawh u.
Lalpa chuan ka ṭap thâwm chu a lo hre ta si a.#Mt. 7:23; Lk. 13:27.
9 Lalpa chuan khawngaih ka dîlna chu a ngaithla a,
Lalpan ka ṭawngṭaina chu a lo pawm ta.
10Ka hmêlmate zawng zawng chu zak takin an chiai ang a,
Mualpho takin an tlânchhe nghâl ang.
Currently Selected:
SAM 6: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
