LEVITICUS 4
4
Tihpalh sual thawina
1 Lalpa chuan Mosia chu a bia a, 2“Israel fate hrilh rawh, mi tu pawhin Lalpa thupêk an bawhchhiat palh#4:1 He thilhlan hi a hmingah ‘Sual thawina’ tih theih a ni, a vun chenin an hâl ral vek, hâlral thilhlanah erawh chuan a vun an hâl tel lo. chuan hetia tih tûr hi a ni: 3Thil tisual palhtu chu puithiam lalber a nih a, mipuiin a sual mawh an phurh dâwn chuan, a sual thawi nân bâwngtuai, hmêlhem lo, Lalpa hnênah a hlân tûr a ni. 4Lalpa hmaah, Inbiakna bûk kawtah, bâwngtuai chu a rawn kai ang a, a lu-ah a kut a nghat ang a, a talh tûr a ni. 5A thisen ṭhen chu a keng ang a, Inbiakna bûk chhûngah a luhpui ang a, 6a kutzungchalin Hmun Thianghlim puanzâr chu thisen chuan vawi sarih a theh ang a; 7rimtui hâlna maichâm kila ki-ah#4:7 maichâm kil li, kil tinah a pâwng sâng bîk, ‘ki’ tih mai tûr a awm. chuan thisen ṭhen chu a tât ang a, a bâng zawng chu bûk kawta thilhlan hâlna maichâm bulah a leihbaw vek tûr a ni. 8Bâwng thau, a rîlbawh thau zawng zawng te, 9a kal te leh a bawhtu thau te, a thin hlâwm ṭha lai hlehte chu 10puithiam chuan a la ang a, a thaute chu remna thilhlan tih dân ang khân hâlral hlanna maichâmah a hâl ral tûr a ni. 11A vun te, a sa te, a lu te, a ke te, a kawchhûng zawng zawng leh a rîl te nên#4:11 hâlral thilhlanah chuan a rîl zût fai tûr a ni (1:9), he thilhlanah hi chuan a rîl zût fai a ngai lo, a vaia hâl mai tûr a ni. 12riahhmun daipâwnah hmun serh, maichâm vut paih khâwmnaah meipui a chhep ang a, a hâl ral tûr a ni.
13“Israel hnam pumin thil sual an tih palh a, hre chhuak mai si lovin Lalpa thupêk an bawhchhiat chuan, 14an thil sual tih chu an hriat chhuah veleh hnam pum chuan sual thawi nân bâwngtuai Inbiakna bûk kawtah an rawn la tûr a ni; 15hnam hotute chuan a lu-ah kut an nghat zet ang a, talh tûr a ni. 16Puithiam lalber chuan bâwng thisen chu Inbiakna bûkah a keng lût ang a, 17Hmun Thianghlim Ber puanzâr chu vawi sarih a zungchalin thisen chu a tât tûr a ni. 18Bûk chhûnga rimtui hâlna maichâm kila ki-ah chuan a tât bawk ang a; bûk kawta thilhlan hâlna maichâm bulah a bâng zawng chu a leihbaw tûr a ni. 19A thaute chu maichâmah chuan a hâl ral tûr a ni. 20Sual thawina bâwngtuai a cheibâwl ang khân a ti ve vek ang a, mipui sual thawina chu a hlân#4:20 ‘Sual thawina hlân’ tih a, ‘hlân’ tih hi Thuthlung Bâwm ‘kafar’ tih nên thuhmun bawk a ni leh, ‘khuh’ tihna a ni bawk, ‘sual khuhsak, ngaidam’ tih a kâwk, Mizo ṭawnga thawina tih hian ‘tidam’ tih a kâwk bawk. tûr a ni; tichuan, an sual chu ngaihdam a ni tawh ang. 21Bâwngtuai chu riahhmun daipâwnah, ama sual thawina ang bawk khân a hâl ral tûr a ni. Hei hi hnam pum sual thawina atâna thilhlan ṭhin tûr chu a ni.
22“Rorêltuin thil sual a tih palh a, Lalpa thupêk a bawhchhiat chuan, 23a thil sual tih chu an hrilh a, a hriat chhuah veleh, a sual thawi nân kêlpa, hmêlhem lo a hlân tûr a ni. 24Kêl lu-ah a kut a nghat ang a, maichâm hmâr lam, hâlral thilhlan an talhna hmunah chuan a talh tûr a ni. 25Puithiamin a thisen chu a la ang a, maichâm kila ki-ahte chuan a tât ang a, a tah bâng chu maichâm bulah chuan a leihbaw tûr a ni. 26A thau zawng zawng chu Remna thilhlan a tih angin maichâmah chuan a hâl ral tûr a ni; chutiang chu rorêltu sual thawina puithiamin a hlan dân tûr chu a ni; tichuan, a sual chu ngaihdam a ni ang.
27“Mi narânin thil sual a tih palh a, Lalpa thupêk a bawhchhiat chuan #Num. 15:27,28. 28a thil sual tih a hriat chhuah veleh kêlnu, hmêlhem lo, a sual thawi nân a rawn hlân tûr a ni. 29Kêl lu-ah a kut a nghat ang a, hâlral maichâm hmâr lamah hâlral thilhlan an talhna hmunah chuan a talh tûr a ni. 30A thisen chu puithiamin maichâm kil kiahte chuan a zungchalin a tât ang a, a tah bâng chu maichâm bulah a leihbaw tûr a ni. 31A thau zawng zawng chu remna thilhlan a tih ang chiah khân maichâmah a hâl ral tûr a ni; chu chu Lalpa lâwmzâwng tak a ni. Chutiang chuan thil sual titu sual thawina chu a hlân ang a, ngaihdam a ni tawh ang.
32“Sual thawi nân berâm a rawn ken chu, a nu, hmêlhem lo a ni ngei tûr a ni. 33Berâm lu-ah chuan a kut a nghat ang a, hâlral thilhlan an talhna hmun, maichâm hmâr lamah chuan a talh tûr a ni. 34A thisen chu hâlral maichâm kila ki-ahte chuan a zungchalin puithiam chuan a tât ang a, a tah bâng chu maichâm bulah a leihbaw tûr a ni. 35Remna thilhlan berâm ang khân a thau zawng zawng chu a la ang a, Lalpa tâna buhbâl thilhlan nên khân a hâl ral tûr a ni. Chutiang chuan sual thawina chu puithiam chuan a hlansak ang a, a sual chu ngaihdam a ni tawh ang.
Currently Selected:
LEVITICUS 4: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
LEVITICUS 4
4
Tihpalh sual thawina
1 Lalpa chuan Mosia chu a bia a, 2“Israel fate hrilh rawh, mi tu pawhin Lalpa thupêk an bawhchhiat palh#4:1 He thilhlan hi a hmingah ‘Sual thawina’ tih theih a ni, a vun chenin an hâl ral vek, hâlral thilhlanah erawh chuan a vun an hâl tel lo. chuan hetia tih tûr hi a ni: 3Thil tisual palhtu chu puithiam lalber a nih a, mipuiin a sual mawh an phurh dâwn chuan, a sual thawi nân bâwngtuai, hmêlhem lo, Lalpa hnênah a hlân tûr a ni. 4Lalpa hmaah, Inbiakna bûk kawtah, bâwngtuai chu a rawn kai ang a, a lu-ah a kut a nghat ang a, a talh tûr a ni. 5A thisen ṭhen chu a keng ang a, Inbiakna bûk chhûngah a luhpui ang a, 6a kutzungchalin Hmun Thianghlim puanzâr chu thisen chuan vawi sarih a theh ang a; 7rimtui hâlna maichâm kila ki-ah#4:7 maichâm kil li, kil tinah a pâwng sâng bîk, ‘ki’ tih mai tûr a awm. chuan thisen ṭhen chu a tât ang a, a bâng zawng chu bûk kawta thilhlan hâlna maichâm bulah a leihbaw vek tûr a ni. 8Bâwng thau, a rîlbawh thau zawng zawng te, 9a kal te leh a bawhtu thau te, a thin hlâwm ṭha lai hlehte chu 10puithiam chuan a la ang a, a thaute chu remna thilhlan tih dân ang khân hâlral hlanna maichâmah a hâl ral tûr a ni. 11A vun te, a sa te, a lu te, a ke te, a kawchhûng zawng zawng leh a rîl te nên#4:11 hâlral thilhlanah chuan a rîl zût fai tûr a ni (1:9), he thilhlanah hi chuan a rîl zût fai a ngai lo, a vaia hâl mai tûr a ni. 12riahhmun daipâwnah hmun serh, maichâm vut paih khâwmnaah meipui a chhep ang a, a hâl ral tûr a ni.
13“Israel hnam pumin thil sual an tih palh a, hre chhuak mai si lovin Lalpa thupêk an bawhchhiat chuan, 14an thil sual tih chu an hriat chhuah veleh hnam pum chuan sual thawi nân bâwngtuai Inbiakna bûk kawtah an rawn la tûr a ni; 15hnam hotute chuan a lu-ah kut an nghat zet ang a, talh tûr a ni. 16Puithiam lalber chuan bâwng thisen chu Inbiakna bûkah a keng lût ang a, 17Hmun Thianghlim Ber puanzâr chu vawi sarih a zungchalin thisen chu a tât tûr a ni. 18Bûk chhûnga rimtui hâlna maichâm kila ki-ah chuan a tât bawk ang a; bûk kawta thilhlan hâlna maichâm bulah a bâng zawng chu a leihbaw tûr a ni. 19A thaute chu maichâmah chuan a hâl ral tûr a ni. 20Sual thawina bâwngtuai a cheibâwl ang khân a ti ve vek ang a, mipui sual thawina chu a hlân#4:20 ‘Sual thawina hlân’ tih a, ‘hlân’ tih hi Thuthlung Bâwm ‘kafar’ tih nên thuhmun bawk a ni leh, ‘khuh’ tihna a ni bawk, ‘sual khuhsak, ngaidam’ tih a kâwk, Mizo ṭawnga thawina tih hian ‘tidam’ tih a kâwk bawk. tûr a ni; tichuan, an sual chu ngaihdam a ni tawh ang. 21Bâwngtuai chu riahhmun daipâwnah, ama sual thawina ang bawk khân a hâl ral tûr a ni. Hei hi hnam pum sual thawina atâna thilhlan ṭhin tûr chu a ni.
22“Rorêltuin thil sual a tih palh a, Lalpa thupêk a bawhchhiat chuan, 23a thil sual tih chu an hrilh a, a hriat chhuah veleh, a sual thawi nân kêlpa, hmêlhem lo a hlân tûr a ni. 24Kêl lu-ah a kut a nghat ang a, maichâm hmâr lam, hâlral thilhlan an talhna hmunah chuan a talh tûr a ni. 25Puithiamin a thisen chu a la ang a, maichâm kila ki-ahte chuan a tât ang a, a tah bâng chu maichâm bulah chuan a leihbaw tûr a ni. 26A thau zawng zawng chu Remna thilhlan a tih angin maichâmah chuan a hâl ral tûr a ni; chutiang chu rorêltu sual thawina puithiamin a hlan dân tûr chu a ni; tichuan, a sual chu ngaihdam a ni ang.
27“Mi narânin thil sual a tih palh a, Lalpa thupêk a bawhchhiat chuan #Num. 15:27,28. 28a thil sual tih a hriat chhuah veleh kêlnu, hmêlhem lo, a sual thawi nân a rawn hlân tûr a ni. 29Kêl lu-ah a kut a nghat ang a, hâlral maichâm hmâr lamah hâlral thilhlan an talhna hmunah chuan a talh tûr a ni. 30A thisen chu puithiamin maichâm kil kiahte chuan a zungchalin a tât ang a, a tah bâng chu maichâm bulah a leihbaw tûr a ni. 31A thau zawng zawng chu remna thilhlan a tih ang chiah khân maichâmah a hâl ral tûr a ni; chu chu Lalpa lâwmzâwng tak a ni. Chutiang chuan thil sual titu sual thawina chu a hlân ang a, ngaihdam a ni tawh ang.
32“Sual thawi nân berâm a rawn ken chu, a nu, hmêlhem lo a ni ngei tûr a ni. 33Berâm lu-ah chuan a kut a nghat ang a, hâlral thilhlan an talhna hmun, maichâm hmâr lamah chuan a talh tûr a ni. 34A thisen chu hâlral maichâm kila ki-ahte chuan a zungchalin puithiam chuan a tât ang a, a tah bâng chu maichâm bulah a leihbaw tûr a ni. 35Remna thilhlan berâm ang khân a thau zawng zawng chu a la ang a, Lalpa tâna buhbâl thilhlan nên khân a hâl ral tûr a ni. Chutiang chuan sual thawina chu puithiam chuan a hlansak ang a, a sual chu ngaihdam a ni tawh ang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.