LEVITICUS 2
2
Buhbâl thilhlan
1‘Lalpa hnêna Buhbâl#2:1 Buhbâl thil hlan tih hi ran thilhlan sa nêna ei tûr a ni a; chhang, a phutin emaw, siam hmin sa-in emaw a ni ber. Hriak leh in tûr pawh a huam tel. Ei tûr thilhlan tih a ni bawk. thilhlan pe chuan chhangphut ṭha chi#2:1 Chhangphut ṭha chi tih hi huit chhangphut a ni ber, barli ni lovin. Dip taka râwt chu a ban duh hle a, a dip lutuk lo, ei nuam tâwka râwt dip a ni. han la sela, oliv#2:1 Oliv hriak hi inchulhah te, eiah te an hriak hman ber a ni. hriak leh beraw telh rawh se. 2Puithiam chuan chhangphut chu a ṭhâm ang a, hriak tlêm leh beraw zawng zawng nên chuan maichâmah a hâl ral tûr a ni, chu chu a vaia hâl ral a ni tih entîrna a ni; hâlral thilhlan a ni a, Lalpa lâwmzâwng tak a ni. 3Thilhlana hâl bâng chu puithiam chanpual tûr a ni a, Lalpa hnêna hlan tawh, serh hran tlat a ni.
4‘Buhbâl thilhlanah thuka hem hmin a rawn ken chuan dawidim telh loh chhang a ni tûr a ni, hriak nêna hmeh a nih loh pawhin pan taka nuai, hriak chulh ni rawh se.
5‘Thîr thlêng kuma kan, buhbâl thilhlan chu chhangphut ṭha chi, dawidim telh loh, hriak nêna hmeh a ni tûr a ni. 6Hlan dâwnah tihsawma hriaka tâl tûr a ni.
7‘Buhbâl thilhlan chu, chhangphut ṭha chi, thîrbêla#2:4-7 Hlumbêlah mei an chhêm sa a, a sa-ah chuan chhangpêr an dah hmin ṭhîn. Thîrkum tih hi, khuhhriang aia dar deuh, Vai ṭawnga ‘tava’ an tih ang hi a ni âwm e. Chhangpêr hlai deuhte pawh an ur hminna a ni, thîrbêlah hi chuan hriak nêna chhang kan theih a ni, thîrkumah hian hriak tâla kan theih a ni. hriaka kan a ni tûr a ni.
8Chutiang thil chu Lalpa hnêna i hlan dâwn chuan puithiam pe la, ani chuan maichâmah a keng ang a, 9a ṭhen a sâwk thla ang a, a sawh thlâk chu a hâl ral tûr a ni; chu chu a vaia hâl ral entîrna#2:9 A ṭhen chauh pawh hâl se, a vaia hâl tluka ngaih a ni ta. a ni ang. Hei hi hâlral thilhlan a ni a, Lalpa lâwmzâwng tak a ni. 10Hlan bâng la awm chu, puithiamte ta tûr a ni, Lalpa hnêna hlan a ni tawh a, serh hran tlat a ni.
11‘Buhbâl thilhlan, Lalpa hnêna hlan rêng rêng chu dawidim telh tûr a ni lo; dawidim leh khawizu telh rêng rêng Lalpa hnênah hâl ral atân hlan tûr a ni lo. 12In buhbâl seng hmasak ber erawh chu Lalpa hmaah kum tin in rawn hlân tûr a ni, maichâmah hâl ve tûr a ni lo. 13Buhbâl thilhlanah hian chi a tel zêl tûr a ni, chi hi Pathian nêna in thuthlung entîrna a ni a, in thil hlanah telh zêl tûr a ni.
14‘In buhbâl thar hmasa in rawn hlan hunah chuan chhangpêr hlan tel ṭhin tûr a ni a, 15oliv hriak leh beraw telh bawk tûr a ni. 16Puithiam chuan chhangpêr leh hriak tlêm, a vai aiawh tûrin, a la ang a, beraw nên chuan buhbâl thilhlanah Lalpa tân a hâl ral tûr a ni.
Currently Selected:
LEVITICUS 2: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
