LEVITICUS 1
1
Hâlral thilhlan
1Inbiakna bûk aṭangin Mosia chu Lalpa chuan a ko va. 2“Israel fate hnênah heti hian ti rawh: ‘Lalpa hnêna thilhlan in rawn kenin in ran vulh, bâwng zînga mi emaw, berâm leh kêl zînga mi emaw in rawn la ṭhîn tûr a ni. 3Thilhlan chu hâlral thilhlan#1:3 ‘hâlral thilhlan’ tih hi a Hebrai ṭawng chuan ‘kal chho’ tihna a ni. A kâng ral a, boruakah a chho tihna a ni, a vun tih loh chu an hâl ral vek tak tak a ni. Mizo ṭawnga inthawina kan tih ṭhin chu dam loh vânga dam nâna ran talh hi a ni ber, Baibulah hi chuan ‘thilhlan’ tihna a ni. tûr a nih chuan ranrual zînga a pa, hmêlhem lo a ni ang a, Lalpa lo pawm atân Inbiakna bûk kawtah a hlântu chuan a rawn la tûr a ni. 4Hâl ral tûr ran lu-ah a kut a nghat ang a, a sual thawina atân pawm a ni ang. 5Bâwngpa chu Lalpa hmaah a talh ang a, Arona fa, puithiamte chuan a thisen chu an hlân ang a, Inbiakna bûk luhna bula maichâm chu an theh kual chhuak tûr a ni. 6A vun chu a lip ang a, a sa chu a chan sawm ang a. 7Arona fa puithiamte chuan maichâmah thing an lo dah ang a, mei an chhêm ang. 8A sa chu a thau leh a lu nên puithiam chuan meiah chuan an rawh ang. 9A kawchhûng leh a bawpte chu sil fai tûr a ni a, a hlântu puithiam khân maichâmah a vaiin a hâl ral tûr a ni. Hei hi hâlral thilhlan tih dân tûr chu a ni; chu chu Lalpa lâwmzâwng#1:9 Heb. ‘Meia thilhlan, IAHUA rimtui tih zâwng’ tih a ni. A khu rim hi Pathian tui tih zâwng niin an ngai, thilhlana hâl chi rêng rêng kha ‘Pathian lâwmzâwng’ tiin an sawi ṭhîn. tak a ni.
10‘Berâm emaw, kêl emaw hâl rala a hlan dâwn chuan a pa, hmêlhem lo a ni ngei tûr a ni. 11Lalpa hmaah, maichâm hmâr lamah chuan a talh ang a, a thisen chu puithiamin maichâm a theh kual chhuak ang. 12A sa chu a chan darh ang a, maichâm chunga thing alh hluah hluahah chuan puithiamin a lu leh a thau nên a rawh ang. 13A kawchhûng leh a bawpte erawh chu sil fai phawt tûr a ni; a vai chuan puithiam chuan a hâl ral vek tûr a ni, hâlral thilhlan a ni a, Lalpa lâwmzâwng a ni.
14‘Lalpa hnêna thilhlan tûr chu sava#1:14 ṭhuro leh pârva a ni ber. hâlral thilhlan a nih chuan ṭhuro emaw, pârva emaw rawn keng sela, 15puithiam chuan a lo la ang a, maichâmah a hlân tûr a ni; a ring a ṭhuai chhum ang a, a thisen chu maichâm sîrah a far kangtîr ang a, a hâl ral tûr a ni. 16A chawkchaweng leh a chaw pai chu maichâm khawchhak lama vut dahnaah paih tûr a ni. 17Pawt thla lovin a thla ki-ah keu phel tûr a ni, maichâmah hâl ral vek rawh se, hâlral thilhlan a ni a, Lalpa lâwmzâwng tak a ni.
Currently Selected:
LEVITICUS 1: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
