DANIELA 7
7
Sakawlh pali Danielan a hmu
1Babulon lal, Belsazara lal kum khat kum khân mang ka nei a, zâna ka mangah hmuh ka nei a, ka ziak chhuak a, hei hi chumi zâna ka thil hmuh ziakna chu a ni:
2Kil tin aṭangin thli a lo tleh a, tuifinriat chu a chhêm vak a. 3Tuifinriat aṭang chuan sakawlh lian pui pui pali, inang lo ṭheuh hi an lo chhuak a.#Thup. 13:1; 17:8. 4Pakhatna chu sakeibaknei ang hi a ni a, mupui angin thla a nei a. Ka en reng lai chuan a thla chu an pawt kawlh a, lei ata an kaitho va, mihring angin ke pahnihin an dintîr a, mihring rilru ang an puttîr a. #Thup. 13:2.
5Sakawlh pahnihna chu savawm ang hi a ni a, a ke hnung lamin a ding a, nâkruh pathum hi a seh a, aw lo chhuak chuan, “Ei rawh, i duhtâwkin sa ei rawh,” a rawn ti a.
6Ka en reng lai chuan sakawlh dang a lo lang leh a, keite ṭial ang hi a ni nâ a, a hnungzângah chuan sava thla ang hi thla pali a awm a, lu pali a nei bawk a, thuneihna an pe#7:6 Aramaik thu pahnih, a awmze hriat loh, lehlin tel loh he laiah hian a awm. a.
7Ka en reng lai chuan sakawlh palina pawh chu a lo lang a, hlauhawm tak leh râpthlâk tak, awmkhauh tak a ni. Thîr ha lian pui pui a nei ṭeuh mai a, a seh tawh chu a seh sawm a, a chîl nek ṭhîn. Sakawlh dang ang lovin ki sâwm a nei a. #Thup. 12:3; 13:1. 8A kite chu ka en reng lai chuan ki tê tak tê pakhat, ki dang zîngah chuan a lo chawr chhuak a, ki pathum lo awm sa chu a tâwn phawng a. Chu ki chuan mihring angin mit a nei a, a uangthuang thei zat zat hle a.#Thup. 13:5-6. 9Ka en reng lai chuan:
Lalṭhutthlêng an lo hûng a,
Tah chuan Hmakhawsânga chu a ṭhu a;
A silhfên chu vûr anga vâr a ni a,
A sam pawh sahmul vâr ang a ni.
A lalṭhutthlêng chu meialh a ni a,
A ke tawlailîr pawh mei kâng a ni. #Thup. 20:4; 1:14.
Hmakhawsânga inlârna
10Chuta ta chu mei a lo alh chhuak a,
A rawngbâwl tûr mi sâng tam an awm a,
A vêlah a sînga sîng têl an ding a,
Rorêl chu an ṭan a,
Lehkhabute chu an keu ta a.#Thup. 5:11; 20:12.
11Ka en reng lai chuan ki tê tak tê kha inchhuang taka a uang ta pâng pâng thâwm chu ka hre zui a. Ka hmuh lai chuan sakawlh palina chu an that a, a ruang chu meiah chuan an vawm lût a, a kâng ral ta. 12Sakawlh dangte thuneihna pawh an lâksak a; amaherawhchu, hun eng emaw chên an nun zêl an phalsak a ni.
13Zâna ka thil hmuhah chuan hei hi ka hmu bawk:
Vân chhûma inthuam hringfa ang tak
A lo kal a,
Hmakhawsânga lam a pan a,
A hnênah chuan an hruai a.#Mt. 24:30; 26:64; Mk. 13:26; 14:62; Lk. 21:27; Thup. 1:7,13; 14:14.
14A hnênah chuan lalna te,
Ropuina te, ramte an pe a.
Tichuan, hnam tin, chi tin, ṭawng tin hmangte chuan
Chibai an bûk a, kumkhuain thu a nei ang a,
A lalna chu a tâwp ngai lo vang. #Thup. 11:15.
Inlârna hrilhfiahna
15Kei, Daniela hi zâna ka thil hmuh chuan min tithlaphâng a, ka buai rilru hle a. 16Chûng thil te chu engtihna nge tih min hrilh fiah tûrin chuta ding zînga pakhat chu ka pan a. 17Ani chuan, “Hêng sakawlh palite hi leia lalram lo awm tûr palite an ni; 18mahse, Chungnungbera mi thianghlimte chuan ram chu an nei ang a, kumkhuain an nei dâwn a ni,” a ti a. #Thup. 22:5. 19Sakawlh palina chungchâng hriat chian lehzual ka duh a, sakawlh dang a ang ve lo, thîr hâ leh dâr tin nei kha a hlauhawm êm êm a. A mante chu a seh sawm a, a chîl nek a, a tiboral ṭhîn. 20A lu-a ki sâwm awm chungchâng te, ki dang pakhat lo chawr, ki dang aia hlauhawm tak, mit nei, kâ pawh nei, chapo taka uang thâwng thâwng ṭhîn ki dang pathum rawn tâwn phawngtu chungchângte chu ka hre châk hle a ni.
21Ka en reng lai chuan ki chuan mi thianghlimte chu a bei a, a hneh ta mai a.#Thup. 13:7. 22Hmakhawsânga chu a lo kal a, Chungnungbera mi thianghlimte chu thiam a rawn chantîr#7:22 ‘rorêl theihna a pe’ tih theih a ni bawk. a, mi thianghlimte lal hun chu a lo thleng ta a ni.#Thup. 20:4. 23Sakawlh palina chungchâng hetiang hian min hrilh:
“Leiah lalram palina a lo awm ang,
A dangte aia danglam a ni,
Lei pum pui a hneh ang a,
A tichhia ang a, a chîl nek ang.
24Ki sâwmte kha chu ram lal tûrte an ni,
Lal dang a lo lal ang a,
A hmasate ai chuan dang tak a ni ang,
Lal pathum chu a hneh ang.#Thup. 17:12.
25Chungnungbera kalhin thu a sawi ang a,
Chungnungbera mi thianghlimte chu a ching chau vang a,
An dânte leh kût nite tihdanglamsak a tum ang a,
Kum thum leh a chanve#7:25 Aramaik-ah ‘hmun khat, hmun hnih, hmun khat leh a chanve’ tih a ni. chu a thuhnuaiah an awm ang.#Thup. 12:14; 13:5,6.
26Mahse, rorêlna chu ṭan a ni ang a,
A lalna chu lâksak a ni ang a,
Tihchhiat hlauh a ni ang.
27Ram te, lalna te, vân hnuaia a ram ropui takte chu,
Chungnungbera mi thianghlimte an pe ang a,
Kumkhuain an lal ang a,
Leia rorêltu zawng zawngin an rawngbâwlin an thu an awih ang. #Thup. 20:4; 22:5.
28Chu chanchin chu heti zawng hi a ni.” Kei Daniela hian ka hlau êm a, ka dâng ta sâwp sâwp a, rilruin ka pai ru ta reng a.
Currently Selected:
DANIELA 7: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
