GALATIA 3
3
Vajeer Chonghak re Thacha
1Ipang Galatia ae, nemaekung narap Jesu Khrista enthehchu, achuw ing ichummahva taka isinsaka ymmanchaepae? 2Ki ing neningna yngkhehpang manghuw ningka kachiinah, nenuw ing vajeer chonghak nongna ynthiing laethachu nenphava? changmahka siichuwka nenthacha tahnava? 3Nenuw aajaehmeh ipang vachuw! Ynthiing laetha ing basen chuwka, atii nenghakchaang nong ing nemanchiva? 4Ikaniimahna ijachaam aajaehmeh nenphava! Jinge tatanuwve ikanii omahdehsa. 5Chukhaenache Aafhuw ing neningna ynthiing laetha ipika, nengkaarna laetho nong atu hava vakhae i vajeer chonghak nong taniiva changmahka isa chongchu nenthacha tahnava?
6 #
Rom 4.3
Abraham ing Thangnang chu athacha khaena ichum ynthiing meeva taka arupeehkha vatah. 7#Rom 4.16Chukhae-nache thacha mee aechu Abraham siti aepae ichii manghuwruw. 8Amanche Thangnang ing reentaang mee aechu thacha jaarnache manchum vaatae ichii ynthiing thiimziih ing maen ing muka, Abraham ningna maen ing isa chong jeerka ariir, “Najaar nache jaat aangkhenglaang bor pivakata achii.” 9Amachu vaniive thacha inche enuwchu Abraham thoh ynruw ing bor emphapa.
10Vajeer chonghak nong atu vakhae siraap dernache ongpae, akhaechuve ynthiing thiimziih ing ariir, “Vajeer chonghak na ynziih vakhae amanjii chehmah mee chaap Thangnang siraap derna ongva.” 11Chukhaenache Thangnang ningna vajeer chonghak inche achuw tikho manchum chehmah ichii i atatakva, akhaechuve ichum mee inche athacha nache ringvaata. 12Chukhaenache vajeer chonghak chuve thacha chumahva; changva-konchu aangkhenglaang amanjiicheh mee inche vajeer chonghak jaarna ringvaata.
13Khrista ing inuw vakhae changdenna siraap apha eensuwh peehka, inuwchu vajeer chonghak tanii siraapchu ymbaripeehpa; havi khaena ynziih vasahva amachuve, “Achuw yngkheh thingrina ynlahka ithii chaapchu siraap aphava.” 14Jesu Khrista ajaarna Abraham borchu reentaang mee ae taklina ipeehnii khaenava, amana chembe inuw ing thacha jaarnache laetha chongreepchu iphasahnii khaenava.
Vajeer Chonghak re Chongreep
15Kauw kanae ae, ki laaruw mee barungriir inuwzii ing ichongping: Laaruw mee chongiir vakhangnare amachu reepchaknave, achuw ingkho bakhiichehmah changmahka ama taklinache vemanchumhak mahchak. 16Atii chongreepchu Abraham vokhehkho atuti ningna atuvatah; ama ing atuti ae ningna tamah, changvakonchu yngkhehpang ningna achiivatah, amachuve Khrista va. 17Ki ing havi kariirnah, Thangnang ing Khrista jaarna maen ing amanreep vasah vajeer chonghakchu kum chamanrii songthum aanuwna chongiir inche chongreepchu bakhii chehmah. 18#Rom 4.14Akhaechuve iphafhuwchu vajeer chonghak tanii vaniive, chongreep chumahva; changvakonchu Thangnang chongreep ajaarnache Abraham ningna apeehsahva.
19Changchen vanave vajeer chonghakchu ynchiiva? Chongreep aphavasah tuti Khrista ing ajungtheng phanii ing isii icher om khaena ber abuva; amanche aanuwmpeeh mee yngkheh kik inche vaarmee ae jaarna aseemva. 20Atii aanuwmpeeh mee yngkheh inche yngkhehpang khaena anuwm mahva, changvakonchu Thang-nang chuve yngkhehpang vatah.
Vajeer Chonghak Khaena
21Thangnang chongreep vakhaechu vajeer chonghak ajeehniiva chang? Changmahdehva, akhaechuve iringniichu vajeer chonghak ing apeehcheh vaniive, atatak ing vajeer chonghak ajaar ing ichum ynthiingchu suwhpeh vachiiva. 22Changvakonchu Jesu Khrista ningna ithacha jaarna chongreepchu thacha ae ningna ipeehnii khaenache, ynthiing thiimziih inche aangkhenglaang isii ruwreng derna amangompa.
Thacha Aanla
23Changvakonchu thacha atheng-mah rirae, nuwting hemandang vachii thacha khaena inuwchu vajeer chonghak derna isiika ommuw. 24Chukhaena thacha inche inuwchu ymmanchumnii khaena vajeer chonghak inche Khrista ning ipha ing ynghencheerpa. 25Changvakonchu atii thachachu ahungsuwhtah nache vajeer chonghak dernache inuw ongmah samuw.
26Jesu Khrista ningna nenthacha ajaarna nenuw Thangnang siti ynsuwh sachuw. 27Amachuve Khrista ningna baptais atu mee vakhae ing peen ising vaangkhe Khrista chu ynsingpa. 28Jehudi kho Grik kho naemah; nenuw vakhae i Khrista Jesu ningnache yngkhehpang vachuw. 29#Rom 4.13Amanche nenuw Khrista mee ynsuwh tanuwve, Abraham tuti chuvachuw vokhehkho chongreep inuwzii ing lerchii ruw ikuum sitichu ynsuwh sachuw.
Currently Selected:
GALATIA 3: MOYO
Highlight
Copy
Compare
Share
Want to have your highlights saved across all your devices? Sign up or sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
