1 THESALONIA 3
3
1 #
Nong 17.15
Chukhaenache kenuw ing athar yndaar kenchehmah tahnache, Athens ne kanumpang ong ing sakvaata ichii kemandenpa, 2amanche Khrista isa chong itong meenae ynsuwh unae Timothi chu nenthacha nache amangiirnii vokheh-kho ynthohnii khaena kenvechiirpa, 3havi inge achuw ingkho ijachaam aajaeh inche imanlaapcheh mahnii ichii i kenlaepah ymbuwrnii chuva ichii nentaksah ing nemanghuwsa. 4Havi khaene kakhaang chehmah tahnache, ki ing nenthachachu kamanghuw chehnii ing vokhehkho ymbatheem mee inche ibatheem naka kenongchu ikaniimah ynsuwhkho arusa ichii khaena ynchik ingka kavechiirva. 5Akhaechuve kenuw ing nenuw thoh kengonglae ijachaam khaangvaan chiiva ta ungka amaensana kemanchuw pachuw; isuwhkho suwhsa ichii nenuw ingkho nemanghuwsa.
6 #
Nong 18.5
Changvakonchu atiive Timothi ing neningtanii hungkaeka nenthacha vokhehkho neningsiih om rotha rohnii chong, amanche kenuw ingkho nenuwchu munung chuwka kenchii vaang, nenuw ing kenuw chukho imunii khaena apha vakhaena isajaeh ing ymmanden nahchuw ichii keningna ariirpa; 7kauw kanae ae, ama khaenache nengkhaena ijachaam kempha aangkhengchu nenthacha ajaar inche kembarung ngamsa; 8nenuw ing Aafhuw ningnache icheepjaeh ing ngiirtanuwve kenuw iringpung. 9Thangnang maanache nengkhaena kenrotha irohsah aangkheng khaena aningting athiseh ing kemanpahsahnah, 10akhaechuve kenuw ing nemae kemusahnii vokhehkho nenthacha ivaehchu kemanpir chehnii ing, siimjaen naeru ing kenthamsahva.
11Atiive apa Thangnang vokhehkho Aafhuw Jesu inche neningting kenuw ivasinii khaena lamchu itahpeeh rasiing; 12kenuw ing neningna kentu vaangkhe, Aafhuw ing neningna yngkheh ing yngkheh vokhehkho mee aangkhenglaangna ningsiih chu hemanthirasiing. 13Aafhuw Jesu ing ynthiing mee ae aangkhenglaang thoh ynruw ing ajuwnglaenche, apa Thangnang maanache Aafhuw ing nenbarungriirchu ichum vokhehkho ynthiing inche amanpirpeeh rasiing.
Currently Selected:
1 THESALONIA 3: MOYO
Highlight
Copy
Compare
Share
Want to have your highlights saved across all your devices? Sign up or sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
