MATIMANGOU KAPYII 7
7
Isrelmei 144000
1Aitaito sazyii pouryiito dwijai kito mak-kii ruibang hang phyiiryiito tingkai teinii mah kado gwimatu kasu tiisii, sating gamlui madainii sazyii pouryii ska madaito satsii sazyii pouryiimah tingkai tei jum kaleiloisii kalei tei Inii ngoutakle. 2Teito karing Saraamah seal poikalei sating gamlui kaki hangninanii leimik kapat lamto tat kapi tei Inii ngoutakle. Sateichii sazyii pouryiigo ninado dwijaigo tiimashyii matutang karam jangpii teimaham pyiikabam sating gamlui madai dateikii rok sagoisii sating gamlui teinii saasii tamle. 3“Nyiinii nyiimah Saraamah kikaleimei hang go saiphang gamkii seal kai kasuta sazyii pouryiigo, dwijai go, sateichii ruibang hang go tiimashyii aisulo.” 4Sateichii seal nam kabam mei kamoi tei Inii shiitakle, Isrelmeinah mah sadung hang kito seal nam kabam (Lakh hangninii tang rekdaisii madai nkhiile) 144000. 5Judahmah sadung kito thang keariisii nakhiigo seal nam takle, Reuben mah sadung kito, tang keariisiinakhiigo, Gad mah sadung kito thang keariisiinakhiigo. 6Ashermah sadung kito tang kea- riisii nakhiigo, Neptalimah sadung kito tang keariisii nakhiigo, Mana- shal mah sadung kito tang keariisii nakhiigo, 7Simion mah sadung kito tang keariisii nakhiigo, Levimah sadung kito tang keariisii nakhiigo, Isakkar mah sadung kito tang keariisii nakhiigo, 8Zebulun mah sadung kito thang keariisii nakhiigo, Joseph mah sadung kito tang keariisii nakhiigo, Benjamin mah sadung kito tang keariisii nakhiigo seal nam aitakle.
Meimoi moisang
9Aitaito Inii ngoutakle, sateichii julo, mei kaniido meiphyii fiipei kalak, lui hang kito sadung, mei, ninado lat hang kito paijou kathang kaha nat kai kalei sateichii bah hang kiteikii kananhii poi kalei meimoi moisang sagongbam ninado Jaonah dateito satsii, 10rok sagoisii saa mpatle, “Keikapyii karing teinii sagongbam gamto bam kalei nyiimah Saraa ninado Jaonah dateitole!” 11Sateichii sating gamlui hang teinii sagongbam ninado katingmei ninado karing kounah madai gotei sat ma- guibang wotakle, sateichii ahnyiinii sagongbam doiteito makumpii koumang Saraago matasii tamle. 12“Amen! Sadoi kabi, pumtei kava, swirek kabi, tam kamatoi, sadzyii ngariit katii, teimaham ninado kalui gasii katei kamaham tei nyii Bangpii dakii matulo, Amen.”
13Sateichii katingmei kak kiteito mei hangninanii gudato n-nhiile, “Paijou kathang kaha kai kaleimei hang ai tapo? Sateichii ahnyii tei kada kito gongpo?” 14Inii mpou dakii tamle, “Oja, nangnii tile,” sateichii mpounii gudakii tamle, “Ahnyii hang teinii kamage kalak kadi kiteito pat kalumei teile, sateichii ahnyiimah paijou kathang tei shyii mateisii jaonah mah zai kito tiimaha aitakle. 15Teijangpii ahnyiinii Saraamah sagongbam doiteito leile, ninado ahnyiinii tinghum tingna mpoumah kamatei kiteito mpougo nga ngasii bamle. Sateichii sagongbam gamto bam kalei ahteinii mpoumah taksupii haikalei teipiinii ahnyiigo dangpyii tangle. 16Ahnyii teinii nlailoisii moi mazyii lakle, nlailoisii saryiilakle sateichii ahnyii phyiiryii teikii leimik ninado mi kamagaa kata hangninii kaniido rulakle. 17Kadapokii sagong- bam sum taito kalei Jaonah tainii ahnyiimah Jaokakoipii tiitangle, sateichii karing dwipokni katang tei ahnii chyiimang pyiitangle, sateichii ahnyiimah mik kiteito mikdwi hangtei Saraanii piit toipyii tangle.”
Currently Selected:
MATIMANGOU KAPYII 7: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
