Popular Bible Verses from MATIMANGOU KAPYII 7

Share

Aitaito Inii ngoutakle, sateichii julo, mei kaniido meiphyii fiipei kalak, lui hang kito sadung, mei, ninado lat hang kito paijou kathang kaha nat kai kalei sateichii bah hang kiteikii kananhii poi kalei meimoi moisang sagongbam ninado Jaonah dateito satsii

rok sagoisii saa mpatle, “Keikapyii karing teinii sagongbam gamto bam kalei nyiimah Saraa ninado Jaonah dateitole!”

Kadapokii sagong- bam sum taito kalei Jaonah tainii ahnyiimah Jaokakoipii tiitangle, sateichii karing dwipokni katang tei ahnii chyiimang pyiitangle, sateichii ahnyiimah mik kiteito mikdwi hangtei Saraanii piit toipyii tangle.”

Teijangpii ahnyiinii Saraamah sagongbam doiteito leile, ninado ahnyiinii tinghum tingna mpoumah kamatei kiteito mpougo nga ngasii bamle. Sateichii sagongbam gamto bam kalei ahteinii mpoumah taksupii haikalei teipiinii ahnyiigo dangpyii tangle. Ahnyii teinii nlailoisii moi mazyii lakle, nlailoisii saryiilakle sateichii ahnyii phyiiryii teikii leimik ninado mi kamagaa kata hangninii kaniido rulakle.

“Nyiinii nyiimah Saraamah kikaleimei hang go saiphang gamkii seal kai kasuta sazyii pouryiigo, dwijai go, sateichii ruibang hang go tiimashyii aisulo.” Sateichii seal nam kabam mei kamoi tei Inii shiitakle, Isrelmeinah mah sadung hang kito seal nam kabam (Lakh hangninii tang rekdaisii madai nkhiile) 144000.