MATIMANGOU KAPYII 11
11
Sakchyii hangna
1Sateichii tingrang go karai mah ajhii kamashak hangninii gudakii pyiisanii tamle, “Gungkhiisii, Saraa kamaning ki, ninado Saraago pyiikatoibam tei ajhii mashak wolo, ninado Saraa kamaning kilung teito mata kaleimei hang gotei fii wolo. 2Nlenii Saraa kamaningki kajang lampang tei ajhii mashak sulo, teitei kaibamlo, kadapokii teitei Jehudimei kasu lui kakimei dakii pyii aitakle, sateichii kamatei namdi gotei ahnyiinii sakhii rekdaisiinakhii pipii kutangle. 3Sateichii Inii gumah sakchyii hangna dakii teimaham pyiitangle sateichii ahnyiinii alhiipei basii leimik tangkii haina reksarok ai Saraa sam saa mpat tangle.”
4Ahnyii tei Sazyii pouryiimah Bangpii doito sat kalei sungchyii- bang hangna ninado thaomi kadungpii hangna teile. 5Sateichii mei kata hangninanii ahnyiigo tiimashyii lesii tiileponii, ahnyiimah mwi kito mi patsii ahnyiigo ngoukaroumeigo tiimaga leile. Aitiisii mei kata hangninanii ahnyiigo tiimashyiile katumeigo tei tiitat tangle. 6Ahnyii ainii Saraa sam saa ka-mpat ting- lang kak, satingryii matulak tang karam jangpii, sating go nam wokabui ahnyiimah teimaham leile. Sateichii ahnyiinii kamareita dwipok hang gotei zai ndat matutang karam jangpii, sateichii Saraa rahum lyiipanii sazyii pouryiigo kakhii tang karam ahnyiimah teimaham leile.
7Sateichii ahnyiinii ahnyiimah sakchyii kapyii tei luisekchii, sazyii kathok nlai kaga ahom kito kapat saramkow teinii ahnyiigo saryii tiitangle, sateichii ahnyiigo ngam tangle ninado gitat tangle. 8Sateichii rangii lamto Sodom ninado Izip sii kalat, Abangpiigo gikalei, namdi kadimah pwidi lamjang kadi kiteito ahnyiimah katai pumtei leitangle. 9Sateichii meihangnii ninado lui hangnii, ninado lat hangnii sateichii meilui meirek hang teinii ahnyiimah katai pum gotei leimik hangtum phang ai jutangle. Sateichii ahnyiimah katai pumtei roukikii goimatu lakle, 10sateichii sazyii pouryiito lungkalei meihangnii ahnyiimah kaang kito nta tangle, kungsang ngi tiitangle sateichii ahnyii hangninanii hang- niniigo mah pyiikathai tangle, da- jangpiipo dinchii ai lungkakalingmei hangna ainii sazyii pouryiito lung kalei meigo tiikamage pyiitakle. 11Sateichii leimik hangtum phang tai Saraamah karing chyiingai tei ahnyii lungki liit totakle, sateichii ahnyiinii tusat totakle sateichii ah- nyiigo kangou hangteinii hingtakle. 12Sateichii “Aiki patlo” sii ahnyii dakii katam Saraa dato kasagoi rok hangninii ahnyiinii shiitakle, satei- chii mpoupiinanii kamong kito sating gam khiitutakle, sateichii ahnyiigo ngoukaroumei hangnii ahnyiigo ngoutakle. 13Teiki tinglang sek-kii, teisii malyii kachyii hangninii patsanii, namdi teimah njai kearii kito njai hangninii tei tiimaga aitakle; sateichii malyii kachyii kiteito mei thang sana taitakle. Sateichii mashaksii kaleimei tei hangkapii hingsii sating gam mah Saraago tam matoile.
14Hangna kashang mage tei maju aitakle; julo, hangtum kashang mage tei gonglei takle.
Sana kashang kachem
15Sateichii sana kashang sating gamlui teinii kongtakle, ninado “Sating sazyii tei nyii Bangpii mah ninado mpoumah Kristamah tiiwo takle. Sateichii mpounii kalui tiisupii magonglung tangle.” 16Sateichii Saraa doito sagongbam ki bamkalei katingmei makaisiimadai nkhii teinii makumpii koumang sanii, Saraago matasii 17Tamle,
“Tingneishangdo, ndoushangdo kalei malyiihang teimaham kalei Bangpii Saraa,
Inii n-go hakalang pyii leile,
kadapokii nangnii gomah teimaham kadi tei poisii apum tiipat leitakle.
18Lungkakalingmei hangteinii rarhiitu takle,
dapochiinii go rakarhii tinglang tei gongtangle,
kataimeigo samtak tiitang karam goki kaleimei lungkakalingmeigo ninado kamateimeigo,
sateichii ah zeigo kamalum kadi kacheng hang go alangh pyiitang karam,
sateichii sazyii pouryiimeigo tiikamashyii meigo tiimaga tang karam leimik tei gongtakle.”
19Sateichii sating gamto kalei Saraamah Saraa kamaning kitei laatpyii takle, sateichii mpoumah sat tang karam samtam mah rangbung tei mpoumah Saraa kamaning kilungto ngoutakle; sateichii kaka- peekmah kava, rok hang, sating katwi hang, malyii kachyii ninado hungsii kashiiti tak kamangtei pat takle.
Currently Selected:
MATIMANGOU KAPYII 11: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
