Popular Bible Verses from MATIMANGOU KAPYII 11

Share

Sateichii sana kashang sating gamlui teinii kongtakle, ninado “Sating sazyii tei nyii Bangpii mah ninado mpoumah Kristamah tiiwo takle. Sateichii mpounii kalui tiisupii magonglung tangle.”

Lungkakalingmei hangteinii rarhiitu takle, dapochiinii go rakarhii tinglang tei gongtangle, kataimeigo samtak tiitang karam goki kaleimei lungkakalingmeigo ninado kamateimeigo, sateichii ah zeigo kamalum kadi kacheng hang go alangh pyiitang karam, sateichii sazyii pouryiimeigo tiikamashyii meigo tiimaga tang karam leimik tei gongtakle.”

Sateichii Inii gumah sakchyii hangna dakii teimaham pyiitangle sateichii ahnyiinii alhiipei basii leimik tangkii haina reksarok ai Saraa sam saa mpat tangle.”

Sateichii leimik hangtum phang tai Saraamah karing chyiingai tei ahnyii lungki liit totakle, sateichii ahnyiinii tusat totakle sateichii ah- nyiigo kangou hangteinii hingtakle.

Ahnyii ainii Saraa sam saa ka-mpat ting- lang kak, satingryii matulak tang karam jangpii, sating go nam wokabui ahnyiimah teimaham leile. Sateichii ahnyiinii kamareita dwipok hang gotei zai ndat matutang karam jangpii, sateichii Saraa rahum lyiipanii sazyii pouryiigo kakhii tang karam ahnyiimah teimaham leile.

Ahnyii tei Sazyii pouryiimah Bangpii doito sat kalei sungchyii- bang hangna ninado thaomi kadungpii hangna teile. Sateichii mei kata hangninanii ahnyiigo tiimashyii lesii tiileponii, ahnyiimah mwi kito mi patsii ahnyiigo ngoukaroumeigo tiimaga leile. Aitiisii mei kata hangninanii ahnyiigo tiimashyiile katumeigo tei tiitat tangle.