PHILIMON 1
1
1Krista jangpiinii kabang kilungto kalei Pol ninado nyii kangsanapii Timothi dato–
Nyii kangpii ninado nyiigo njoisii tha tiikalei Philemon. 2Sateichii gokito gong kadousii kalei charsh ninado nyii taipwi Aphiya ninado nyiigo njoisii Saryii tiikalei Archipas dakii.
3Nyii pfii Saraa ninado Bangpii Jisu Kristanii jumage kapyii ninado kamajung tei gonyiigo pyii matulo.
Philemon mah lungkasyii ninado kamalum
4Kangsanapii Philemon, Inii kariita tatei Inii n-go maningsii gu Saraa go Inii hakalang tei pyiile. 5Kadapokii Saraamah meihang jangpii nangnii lungkasyii kabam ninado Bangpii Jisugo nangnii kamalum kabam tei Inii shiitakle. 6Gumah kariita teinii kamalum meihang tiisii nyiinii n-go nja katu aipiinii Kristago njasii hangninii tiikalu nyiimah tiilung kito doukalu satoi hangmah kaang kito tuksii kati tei poigong matutang karam aile, 7lungkasyii, kangsanapii gomah lungkasyii teipiinii n-gu hangkapii ka-nta ninado lung tiikamadi tei pung gongpyii takle; Saraamah meihangmah lung hangtei nangnii tii ntapyii takle.
Onesimas jangpiinii kakhang
8Kaang aijangpii tiikamajyii tha tei tiimatu tang karam jangpii, godakii kakhatsii tam tang karam tei Krista zeikito Inii madupii tiiwo buile. 9Nlenii aitungpii Inii n-go lungkasyii jangpii aikakum mei tiisii kalei tingkalei ninado Krista Jisu- mah kaang kito aitoi bangkabam mei hangninii tiisii kalei Pol Inii khangleile. 10Inii kabang kilungto lungkalu gunah sapfii mpou Onesimas mah kaang kito Inii n-go khangleile. 11Tinglang hangninii kinii mpou ai gojangpiinii samah kado kabi tei gasii leile, nlenii aitoinii gojangpii- niido, gujangpiiniido kabi tei tiitakle.
12Mpoupum sekgo katunii, gumah rangii sek tiisii kalei mpougo, godakii Inii lang magongloi leile. 13Mpounii gotung tiisii kabi rasam mah kaang kito bangkabam tinglang kak gumah nga nga matutang karam jangpii n-gu kaswisii mpougo kaibam nyiile. 14Nlenii Inii n-go tanchyii- piinii n-gu tiiha matunyii makle, nlenii gomah kamaning kamazhii piinii teitei Inii n-go tiimatunyiile, teipiinii nangnii mazhii kasuta Inii samah kado tiiroule.
15Onesimasnii godato tinglang shangniikii tat katu ai tinglang ka- leita nangnii mpougo douloi wokabui jangpiinii kido malahle; 16Aitoinii kikaleimei hangninii takumloi supii- nii, kikaleimei sung kaki lungkasyii kangsanapii hangninii tiisii routiisii gudato, nlenii godatonii pumzai kitodo, Bangpii zai kitodo, kadazii- kapii kisii lungkasyii tei tiitakpo.
17Teijangpii nangnii n-gu go kangpiilesii maningleponii, nangnii n-gu lukaipyii tang karam takum- piinii mpougo lukaipyiilo. 18Mpounii n-go tiima bamleponii mak-kii gopow punglei leponii, teitei guphyiiryiikii ryii kaiseilo. 19Pol Inii ai gubah sek- piinii ryiile. Inii powtei rui kaleipyii tangle. Gopum katangdo gupow pungleile, nlenii Inii godakii teitei tam nyiimakle. 20Teipiinii gusanapii tiikaha khangkalei ai Bangpii zeikito lungsyiisii n-gu tiiseilo, Krista zei kito sanapii hangninii tiisii tii-ntapyiilo.
21Gomah katam kaswi kito maning kamalum tei leisii Inii katam sungdo kisii nangnii tiipyii tangle katu tei Inii godakii ryiileile. 22Sa- teichii gujangpiinii ki shang hang- ninii tiikadalo, kadapokii gonyiihang mah kariita tei Saraanii khepyii tangle ninado n-gu ai gonyii dakii pyiiloi tangle katu ai Inii maning malumle.
Kaluimah salam kapyii
23Krista Jisu jangpii n-gu kaswi- sii bangkabam Ipaprosnii gonyiigo salam pyiileile; 24Sateichii n-gu njoisii tiikaleimei, Mark Aristarkas, Demas ninado Luk ahnyiiniido Salam pyiileile.
25Bangpii Jisu Krista mah jumage kapyii tei gonyii hang phyiiryiikii kaswipyii matulo.
Currently Selected:
PHILIMON 1: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
