HEBRUMEI 4
4
1Aitoinii mpounii tam kalei ntakbam tei nyiinii dou kabui tiisii Saraanii nyiigo riishii tei pyiibam takle. Teitii leponii, riishii tiikabam ka-ntak tei doutang karam kito gonyii mei kado tiidou kalak tei kadou kasu tiisii nyiinii sakai wode! 2Kadapokii ahnyii dakii tam rali kapyii takumpii nyii dakiido kabi rasam tei tam ralipyii takle; nlenii shii kalu samtei ahnyii jangpii mah kado kabi gale, daponii katam kaswimei teinii kamalum tei njasii teigo tei lukai makle. 3Kadapokii malum kalumeinii ka-ntak nitei liitle, mpounii tam kabam takumpii, katunii, Inii rakarhii kito riishii tiikabam takumpii,
“Ahnyiinii gumah ka-ntak nitei liitsang liit lakle,”
mpoumah tha hangtei sazyii pouryii tii mpat saroisekto lui aikado, 4Kadapokii mpounii leimik sana ka- shangmah kaang kito mahki katonii aitiisii mpounii tam bamle, “Leimik sana kashang piinei Saraanii mpoumah tha hang kito ntakle.”
5Sateichii bam aikito mpounii tamle, “Ahnyiinii gumah ka-ntak kitei liitsang liit lakle.” 6Teijangpii mei kangkanii ka-ntak kitei liit tang karam lei katu taiswisii, sateichii kareiki kabi rasam tam ralikapyii shii kalumei teinii katam swikasu jangpii liit kasu taiswisii, 7mpounii tinglang kathangkiitai Devit paikito ndouto tam kabam takumpii,
“Gonyiinii tingnei mpoumah rok tei shii leponii,
gonyii-lung tei sulo,”
sii ‘tingnei’ katu retbak kapyii leimik hangninii mpounii nlailoisii retpyiile.
8Kadapokii Saraanii pyii tanglesii riishii tiikabam ka-ntak tei Joshu- wanii ahnyiigo pyii aitakleponii, Saraanii ataito leimik kaki mah kaang kito tamlak takle. 9Teipiinii Saraamah meihang jangpii ka-ntak leimik leile; 10Kadapokii Saraamah ka-ntak ki liit kalei meihang teinii, Saraanii mpoumah tha kito ka-ntak takumpiinii ahniido ahmah tha kito ntak tang karamle.
11Ahnyiinii katam swikasu jangpii tiidou kasu takumpii nyii kak kito mei kado tiidou kasu tei tiikasu tiisii nyiinii ngam kabuita teimah ka-ntak kitei liit kalu tiide.
12Saraamah samkang teinii ring- kalei sateichii nlaisupii bam kasu, mwi hangna kapung saryiikhang sungdo kisii mwi bikile, rakot nei rangiigo sateichii ashaang nei akeeng go jaitaam katu katang tei jowkalale, sateichii meinah mah kamaning lungswi ninado alungmah karaang kamaning hang go samtak tiile. 13Sateichii tii mpat kabam mah pot hangniniido mpou doito kakabei gale, nlenii mpou mikjot kito mahlyii hang gomnei supii laatlasii leile, sateichii nyiinii mpou dakii tam mpat tangle.
Kanat kajum tingdipii Jisu
14Saraa nah sapfii mpou Jisu, sating gam hang ki pitang kalu kadi kanat kajum tingdipii nyiimah kalei taiswisii, nyiinii tam ka-mpat tei sangtingsii jumde. 15Kadapokii nyii- mah tang kasu kasui hang go lungsyii pei kalak kanat kajum tingdipii tei nyiinii bam makle, nlenii nyii takumpii mahlyiihang kito nyiigo takumpii hem katu doukalei, nlenii kem kaga, kanat kajum tingdipii tei nyiimah leile. 16Teitii leponii nyiinii tiikaha mareisii kalei kak, lungsyii kati doutang karam ninado jumage kapyii tei nyiinii ngoutang karam jangpii, lung kalum tei kaswisii jumage kapyii mah sagongbam kitei nyiinii tat manang liitde.
Currently Selected:
HEBRUMEI 4: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
