GALATIMEI 3
3
Ajaitingshang mak-kii kamalum
1Oh kapang Galatimei gonyii doi- sekto Jisu Kristago krosh gamkii dhangsii gikalei tei mateitengsii mangoupyii takle; Gonyiigo tanii riikuhii pyiibam takpo? 2Gonyii dato Inii airoinii tinhyiile, katunii ajaitingshang tei gonyiinii ryiikalu swikalu jangpii rangii tei doumanii mak-kii, gonyiinii shiiwosii malum kalu kito rangii tei gonyiinii doupo? 3Gonyii teiziikapii pang takpo? Rangiipanii tiimakhiibam sanii, pum zai teipii aitoinii gonyii tiimashang leitakpo? 4Mahkado kasu jangpiinii gonyii hangkapii kamage kalak pungbam takpo, ai ai mahkado kasu jangpiisang leponii? 5Saraanii gonyii- go rangii kapyii sateichii gonyii kak kito sung kaga tha hang tiikapyii tei gonyiinii ajaitingshang go ryii- kalu jangpii manii, mak-kii gonyiinii kabi rasam tei shiiwosii malum kalu jangpiipo?
6Teitakumpii Abrahamdo, “Saraago kamalum jangpiinii mpougo kasang kamajyiimeisii lukei wole.” 7Tei- tiileponii, Abraham mah kasang ataa anah meihang teinii kamalum mei hangteile katu tei gonyiinii tiwolo. 8Sateichii Saraanii luikakimei hang go kamalum teipiinii tiimajyii tii- matuipyii tangle katu tei reipii ngou wosii; Abraham dakii kabi rasam tei aitiisii tam ralipyiisii tamle, “Godato luihang go satoi pyii tangle.” 9Teipiinii kamalum meihang go satoi pyiitakle, kamalum kalei Abrahamgo kaswisii.
10Ajaitingshang mah tha hang go bhangsii ringkalei meihangtei Saraa- mah kaseeng kangto leile. Kadaponii aitiisii tamle, “Ajaitingshang bung kikii ryiikabam mahlyiihang tei tinglang kaleita swikasu mei teinii Saraa mah kasheeng kangto leile!” 11Aitoinii mei hangninii kagodo Saraa doito ajaitingshang teipii tiimajyiipyii womakle katu tei ngoutakle, “Kada- pokii kamalum paikito kasang kama- jyiimei teinii ringtangle.” 12Nlenii kamalum gotei ajaitingshangnii tiitang karam samah kado gale. Teisungnii, kabi rasam kito katam takumpii, ajaitingshang go ryiima- shang kalumei teinii ringtangle.
13Nyiijangpii Kristanii kasang tei tiisii, ajaitingshang mah kasheeng kiteito kalei mpatpyii takle kada- pokii aitiisii ryiibamle, katunii, “Ating gamto njusii siikaksii taikalei meihang tei Saraamah kasheeng tei doutakle.” 14Teipiinii Krista Jisu paito Abraham dakii Saraanii satoi pyiitanglesii riishii tiikabam tei Jehudimei kasu luikakimei hang dakii gong matu tang karam jangpii, sateichii nyiinii kamalum paito ra- ngiimah rashii tiikabam tei doutang karam jangpiile.
Ajaitingshang ninado rashii tiikabam
15Gu kangsanamei, tingnei ma- tuita tatsii kalei meinah mah jairali kito nda hangninii tiisii Inii tam leile, katunii, mah hangninii jangpii mei hangnanii mazhiihiitsii ahnei hangna kakto kamazhii mah bah soi tei pyii aisekchii, mei hangninii kaniido teitei tiipak wolakle, mak-kii teikikii mah kado kai mpam wolakle. 16Riishii tei Abraham dakii ninado mpounah mpou taamei dakii tiibamle, Mpounii meimoigo katam takumpii, “Gotaa gonahmei hang dakii” sii tam makle. Nlenii mei hangninii kaang kito tam kalei takumpiinii, Gotaa gonah dakiisii tamle, taa nahtei Krista teile. 17Inii tam kalei teinii aile, Saraanii reipii mazhiisii riishii tiikabam gotei, tingkum Haimadai tamrhii tainii kagong ajaitingshang teinii ti mati matulak tang karam jangpii piit toipei wolakle. 18Kadapokii Saraamah luha doutang karam tei ajaiting- shang kito leileponii teitei riishii tiikabam kito suloi takle. Nlenii Saraanii Abrahamgo riishii tiikabam jangpiinii jumagepyii takle.
Ajaitingshang mah kaang
19Teitiileponii, ajaitingshang ai kadapei kaang jangpii pyiibampo? Riishii tiikabam Abraham mah taa nahmei teinii gong kasuta leimatu tang karam jangpii, sateichii kakui kama katii katu ai kadapeipo katu mangou tang karam jangpii teitei kai mpam bamle. Ajaitingshang ai akakto katat meinah jaikatii, sating gamluinii punghum kabaila pyiile. 20Aitoinii akakto katat hangninii teinii matikapyii tei hangninii sung kile, nlenii Saraanii hangniniile.
21Teitiileponii ajaitingshang ai Saraamah riishii tiikabam hang gotei mazhii sutakpo? Teisang tei makle! Kadapokii karing pung gong kabui mah ajaitingshang ai mei- nahnii doutakponii teigotei majaisii meihang ai Saraa doito matwi majyiiwo buitakle. 22Nlenii kabi rasam kito katamnii, sazyii pouryii mpum madum ai kem mah teimaham kangto leile, Teijangpii Jisu Kristago kamalum meihang go pyiitang lesii riishii tiikabam luha teinii malum katu meihang go pyiile.
23Nlenii tinglang tei kamalum jangpii gong kasunii, gong kalei kamalum tei mati mangou kasuta teinii kabang kito kaleimei takumpii ajaitingshangnii nyiigo bangnei aitakle. 24Teipiinii kamalum paikito nyiigo tiimajyii pyiimatu tang karam jangpii Kristanii gong kasuta katang tei, ajaitingshang teinii nyiigo kaswisii majang tatpyiile. 25Nlenii kamalum jangpiinii aitoinii aiki gongsek-kii, ajaitingshang teinii nyiigo tung tiisii majangtat loilak takle.
26Kadapokii gonyiihangnii kama- lum paito Krista Jisugo gonyiinii njasii hangninii tiikalu kito Saraamah Nah meihang takle. 27Kadaponii Krista dato dwi mpum kalumei ahnyiihangnii pei kaba kumpii Kristago bawotakle. 28Jehudimeido, Jehudimei kasu luikakimeido thamki makle, apum meido, kikaleimei do taamki makle, sapfiimeido, sapwi- meido tam kimakle, kadaponii gonyiinii Krista Jisugo kaswisii hangninii tiikalu kito gonyii hang ai hangniniile. 29Sateichii gonyii ai Kristamah leponii gonyiinii Abraham taa, nahmei, riishii tiikabam taiswisii mahtou toutang karam mei teile.
Currently Selected:
GALATIMEI 3: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
