2 TIMOTHI 3
3
Kashyii tinglang nakagong sam
1Nlenii kana tinglangki kashyii kahong tinglang gongtangle katu ai tiwolo, 2kadapokii meinahnii mpouroipii mpougo lungkasyii, sanahgo kamarei, palhii kadi, det kadi, meigo kalet kalou katii, pwi pfiinii katam swikasu, tiikapyii mai tikasu, mateikasu. 3Meigo lungka- syii kaga, lungset kaga, kasang kasu kashyii sam katam, mpouroinapii mpoupumgo jum matwi kasu, kaika- shyii, kabigo ngou karou; 4malumpei kalak, rumrumsii adok tiikasu, kashyii kahong swipii katokryii, Saraago lungkasyii sung pumzai mah kasamou go kisii kamarei. 5Saraago kamaning jai kapoi, nlenii teimah teimahamgo mazhii kasu, tei kakum meihang dateito nlek wolo. 6Kadaponii ahnyiihang aikak kito mei kangkanii kikilung tatliitsii kem mah kamaswi pungkalei ninado pumzaimah kamarei ka-ntha hang teipiinii chyiitatsii kalei, 7ralipyii kado kasang tei madou kado tigong- pei kalak, kasui sapwimei hang go kajum mei leile. 8Jens nei Jamresnii Moses go mazhii kasu takumpiinii lungto kasang gakalei kamalum kito mazhii kasu mei aimei ainiido kasang go mazhii sutakle. 9Nlenii ahnyiinii thang lakle daponii ahnyii ai daziikapii swigapo katu tei meihangnii ngoutangle, Jens nei Jamres dato pat kalei tei teichiikok thiile.
Kalui kito ralikapyii sam
10Nlenii gumah ralikapyii, gu jairali sateichii Gutiilung kito Inii mikleeng kalei gumah kamalum, gulung lum kati, gu mah lungkasyii, gumah lung leh kati; 11Gumah kaset kalak kapyii ninado tiikamage katuhang taitei nangnii swiwo takle; Antiyok kito Ikoniam kito sateichii Lustra kito gudato kada dapei pat takpo, kadaziikapii kaset kalak tei Inii leh takpo katu nangnii tile, Nlenii teihang kiteito Saraanii n-gu keipyiile. 12Krista Jisu dato Saraa kamaning tiilung lung kanyiimei hang gotei kaset kalak pyiisii tiikamage tangle, 13Sateichii kashyii kahongmei sateichii ashoi katimei ahnyii roinapii ahnyiigo kasang kasu choisii hem wosii mei kakimeigo kasang kasu teipii choisii hemsii kashyii kiteito kisii kashyii kitei tatsii leitangle. 14Nlenii gojangpiinii nangnii ralikalu sateichii sangtingsii malum kalu kasang hang kiteito tatsii leijoulo. gomah madhiikapyii mei tei tatapo katu nangnii tile. 15Sateichii Krista Jisugo kamalum kito keikapyii karing kiteikii pang kagong n-go swirek kabi pyii kabui kamatei kabi rasam hangtei tiina kaleidouto nangnii titakle katu nangnii maning ziile. 16Kabi rasam hang ai Saraanii chyii ngaikai pyiile sateichii Saraa nga kangamei hangnii kabi tha hang jangpiinii matwi mashangsii mahlyiihang tiida kabui tiisii. 17Madhii pyiitang karam jangpii kama gotei n-gitang karam jangpii, tiimajyii pyiitang karam jangpii, sateichii kasang kamajyii tiilung lungtang karam mah kaang kito tiiralipyii tang karam jangpii ai bile.
Currently Selected:
2 TIMOTHI 3: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
