2 THESOLONIKAMEI 3
3
Nyii jangpii riita seilo
1Kalui kito kangsanamei, Bang- piimah samtam tei gonyiinii doukalu takumpii, kalangsii tam ralipyii kabui sateichii ngam kabwi tiisii, nyii jangpiinii riitaseilo, 2Sateichii nyiigo kashyii kahongmei ninado mei kashyiimei dateito Sa- raanii keipyii kabui tiisii riitaseilo; kadapokii meihangnii kamalum tei leimakle.
3Nlenii malum kabui tei Bang- piile, mpounii gonyiigo tiisangting pyii tangle, sateichii kashyii kahong kiteito koipyii tangle. 4Sateichii nyiinii kapyii kakhatsam tei gonyii- nii tiisii leile, ninado tiido tiitangle katu tei gonyiimah kaang kito nyiinii Bangpii zei kito maning malumle.
5Sateichii Bangpiinii gonyii lung- tei Saraamah lungkasyii ninado Kristamah lung leh kati kiteikii chyiitat pyii matulo.
Ngam kiteikii lung kapyii
6Sateichii kangsanamei, nyiinii gonyiigo Bangpii Jisu Krista zei kito kakhat leile, katunii, mahat kashyii tiilung lungsii kalei ninado gonyiinii nyii dato doukalu tam ralipyii kabam hang taiswi kasumei dateito mpaa wolo. 7Kadapokii kada takumpii gonyiinii nyii jai rali tangpo katu tei gonyii sekpiinii tile; kadapokii nyiinii gonyiigo kaswisii kalei kak nyiinii mahatshyii makle. 8Sateichii nyiinii mei hangninii datodo matapii chiimakle, nlenii nyiinii gonyii mei kata hangninii kagodo tiimaswi kasu tiisii, nyiinii teisii tha katii kapung tei njasii tinghum tingna tha tiile; 9kadapokii nyiimah majyii kaga jangpii makle, nlenii gonyiinii nyiijai rali matutang karam jangpii, nyiimah jairali kito gonyiigo nda tiisii tiima- ngou tang karam jangpiile. 10Kada- pokii nyiinii gonyiigo kaswisii kalei kak, nyiinii gonyii dakii kakhatsam ai pyiitakle: katunii, mei kata hangninanii tha tiisu leponii, ahnii chiido chiisu matulo. 11Kadapokii gonyii kak kito mei kangkii mahat kashyii tiilung lungsii, tha tiisang tiisupii, katijai tiisii leile katu nyiinii shiile. 12Aitoinii tei kakum mei teinii majungsii tha tiisii mpou mpoumah malot chii matu tang karam jangpii, nyiinii ahnyiigo Bangpii Jisu Krista zei kito kakhatsii lung tiimadi leile. 13Nlenii kangsanamei, gonyiinii kabi katii kito set sulo, 14sateichii mei kata hangninanii nyiimah chiti ailung kikii ryii kabam aigo swisu leponii, teimei gotei jutiwolo, sateichii mpounii nrou matu tang karam jangpii gonyiinii mpougo nja sulo. 15Teitii kado mpougo ngou karoumei hangninii takumpiinii poisulo, nlenii sanapii hangninii takumpii mpougo tiiloi sulosii tam kakhatpyiilo. Kalui sam 16Aitoinii kamajung mah Bang- piinii gonyiigo tinglang kaleita pwidi hang kito kamajung tei gonyiigo pyii matulo. Bangpiinii gonyii hang go kaswipyii matulo. 17Pol, Inii salam kapyii sam ai gubah sekpiinii ryiile; gumah chiti karyii hang kito Inii siiti tiikalei tei aile. 18Nyii Bangpii Jisu Krista mah jumage kapyii tei gonyiihang go kaswipyii matulo.
Currently Selected:
2 THESOLONIKAMEI 3: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
