2 THESOLONIKAMEI 2
2
Bangpiinii gongtang karammah kaang kito maning kama
1Aitoinii kangsanamei, nyii Bangpii Jisu Krista gong tang karam ninado nyiinii mpougo kadoutang karam jangpii, gong ndwi tang karam jangpii, nyiinii gonyiigo khangleile, 2katunii, rangii kado, samtam piinii kado, nyiinii karyiigo njoi chiti piinii kado, Bangpiimah leimik aitoi gongtakle katu teipii gonyiimah kamaning lungswi kito kalangsii tiirampou matu sulo, mak-kii lung tiimatai matu sulo. 3Mei kata kaniido gonyiigo mahjai kata hangninii piiniido chuisii hemsii ngam matu sulo, kadapokii mibamki liit tang karam jangpii mik leeng kabam, kem mah mei tei gong kasuta, Bangpiimah leimik tei gong lakle. 4Mpounii saralesii lat kalei mak-kii ting tupii tiikabam saralesii mata kalei mahlyii hang gotei mazhiilakle, sateichii ahnyiihang phyiiryii teikii mpou roinapii mpougo kaitangle. Mpounii Saraa kamaning kilung katangdo liit tangle ninado Saraale katupii tam mpat tangle.
5Inii gonyiigo kaswi kalei kak, gonyii dakii Inii aihang ai tam takle katu gonyii maningsu takpo? 6Sa- teichii mpoumah tinglangki mpougo mangou tang karam kito aitoi namsii mazhiisupii kalei ai kadapeipo katu tei gonyiinii tile. 7Kadaponii kama- kum kathokmah kashyii kahong teinii aitoido tha tiisii leitakle; nlenii aitoi namsii kalei ahgotei pwidi kiteito poitoi kasuta teinii dang tangle. 8Sateichii teitinglangki kashyii kahong ahmah mei gotei mangou tangle, teito Bangpii Jisunii mpou mwi kito ngai ka-mpat chyiingai teipiinii mpougo girang tangle, sateichii gong kalei mpoumah vakaki teipii mpougo tiimaga tangle. 9Kashyii kahongmei teinii seitan- mah teimaham teipii gongsii kasang kasu sung kaga ninado kamadatlyii hang tiimangou tangle. 10Sateichii taitang karam mei phyiiryii teito katham katham tiisii kasang kasu kachui teipii kaswi tangle. Ahnyiinii taitangle kadapokii ahnyiinii kei- kapyii doutang karam jangpii kasang gotei ahnyiinii lukai makle. 11Teijangpii kasang gotei malum supii kasang kasu mazhii kasu kito samousii kaleimei hang go tiimaga kabui tiisii, 12sateichii ahnyiinii kasang kasu gotei malum matu tang karam jangpii Saraanii ahnyii phyii- ryiikii kama mah katei teimaham tei ahnyiikak kito tha tiimatu tang karam jangpii lang magongle.
Keikapyii karing jangpiinii kalai kalu
13Nlenii Bangpiinii lungkasyii kangsanamei, gonyii jangpii nyiinii tinglang kaleita Saraago tam matoi tang karamle. Kadapokii Saraanii gonyiigo karei kito rangiimah teimaham kito sateichii kasang go malum kalu kito keikapyii karing tei doumatu tang karam jangpii kalai takle. 14Nyiimah kabi rasam paikito mpounii gonyiigo, nyii Bangpii Jisu Kristamah pumtei kava doumatu tang karam jangpii latpyiile. 15Teipiinii kangsanamei, sangtingsii satlo, sateichii nyiimah katam karali kito kado, sateichii nyiimah chiti kito kado nyiinii gonyiigo ralikapyii tei tiigatpii jumlo.
16Aitoinii nyii Bangpii Jisu Krista pum sekpii sateichii gonyiigo lung- syii kapyii, kalui gasii nyiigo tii-nta kapyii, sateichii jumage kapyii pai- kito bisii maning kamalum kapyii, nyii Pfii Saraa teinii gonyii lung tiisamoupyii matulo, 17sateichii kabi tha ninado samtam hang kito tiimashangpyii matulo.
Currently Selected:
2 THESOLONIKAMEI 2: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
