1 TIMOTHI 6
6
1Saraa zeigo sateichii nyiimah karali gotei mei kaniido tam mashyii matu kasu tiisii, kikaleimei hangnii ahnyiimah apum katiimeigo sadzyii ngariit tiimajyiilesii maning matulo, 2sateichii kamalum apum katiimei ki kalei ahnyiinii kangsa- namei katu jangpii ahnyiigo kamanyii kamala tei tiimatu sulo, nlenii kabi tha mah njai dou njoisii kaleimei hang teinii kamalum ninado lung- kasyiimei katu jangpiinii, ahnyiigo ahnyiinii kisiipou nga ngamatulo, sam hang ai ralido ralipyiilo, tiilo sii tamdo tam katwi pyiilo.
Kasang kasu ralikapyii ninado kasang kani kahii
3Mei kata kangkanii kataam dormo mah karaligo sateichii nyii Bangpii Jisu Krista mah kasang samtam gotei mazhii supii kaki ka- tham ralipyiisii leileponii, 4mpounii tang katii teipii sagoitu takle... sateichii mpounii samah kado timakle. Mpounii samtam hang jangpii ka n-gi kazyii kanyii, pumzai mah matou kasu kamarei ka-ntha tei leile, sateichii aipiinii kamaimhii katu, swilung nja kasu, tam kamashyii, kashyii swi kamaning, 5sateichii swikaga sateichii kasang kagamei dato tak supii kazyii katu hang ai pung gongle. Dormo ai mahni tang karam pwidilesii ahnyiinii maningle.
6Mpou mah kabam teipii lung shaat woleponii, dormo kito hang- kasii doutang karam liipat tei leile; 7kadapokii nyiinii mah hangninii kado sazyii pouryii pung gong makle, sateichii sazyii pouryii aito mah hangninii kado nyiinii poitu wolakle. 8Teitii leponii, kachii kasak ninado peimani tei nyiinii doutakpo dinchii, nyii jangpiinii teiteipii moi wobui tang karamle. 9Nlenii mahni kanyii- mei hangteinii kahem ki, mphee ki, kapang kamang hangki, sateichii meigo deng mashyii tang karam pumzai mah kamarei ka-ntha hang kitei takliitle, ai kakum ainii meinahgo tiikamaga ninado tiikakou kikii chyiikai matule. 10Kadapokii sanahgo kamarei ainii kashyii hangmah abang teile, mei kangkanii ai ai hangkapii doukanyii kito ahnyii tei kamalum kito dhiisii tat tutakle sateichii ahnyii lungtei swi kamage katu teipiinii ngiipii kahui kumpii hui aitakle.
Timothigo lung tiimadi kapyii
11Nlenii Saraamah mei, gojang- piinanii aihang ki aito pakgalo; sateichii kasang kamajyii, Saraa kamaning, kamalum, lungkasyii, lung leh kati, ninado lung kamanoi kiteikii mik leenglo. 12Kamalum mah kabi saryii katii tei tiilo, sakchyiimei hangkii doito nangnii tam ka-mpat kak, n-go latkalu kalui kaga mah karing tei jumlo. 13Mahlyii hang go karing pyiisii kalei Saraa sateichii Pontios Pailat doito mpoumah kamalum tei sang- tingsii tam ka-mpat Krista Jisu doito, Inii n-go kakhat leile. 14Nyii Bangpii Jisu Kristanii gong kasuta katang kahong karum jai kashyii tei gasii kakhatsam tei ryii wolo; 15satoi pyii kati sateichii hangniniisang hangninii roinii kalei teimaham dikalei, sagong phyiiryiito sagong, Abangmei mah Bangpii, 16hang- niniisang hangninii roinii kalei katai nlai kaga, sateichii da manangkhii wokalak kava kito kalei, mei kaniido ngoukasu ninado ngoupeiwo kalak mpounii mangou kapyii tei tinglang kabi kito mangoupyii tangle, sadzyii ngariit katii sateichii kalui gasii magongsii kalung tei mpougo matulo! Amen.
17Aitoi sazyii pouryii aito mah kanimei hang go tam kakhat pyiilo, katunii, ahnyiinii detdi matu sulo, nlenii tisek kasu kani kahii hang kikii supiinii, nyiigo samou matu tang karam jangpii mahlyii hang mah lasii kapyii Saraa dakii ahnyii mah kamaning kamalum tei sat matulo. 18Ahnyiinii kabi tei tima- tulo, kabi tha kito mahni matulo, meigo pyiiti matu katu ninado seiti matulo; 19ahnyiinii kasang karing tiilung tei doutang karam jangpii, gong tang karam tinglang jangpii kabi bangmaa takumpii ahnyii pumsek jangpii poi ndwi matulo.
20He Timothi, tiilosii godakii pyii kabam tei ryii wolo, mei kangkanii “Swirek kati” lesii lat kalei kiteito kapat Saraa haikasu sam katam kamalhii hang kito sateichii kaka- daksam kazyiisii kalei hang kiteito mpaa wolo. 21Kadapokii swirek kati ai mei kangkanii tam mpatsii ahnyiinii ahnyii mah kamalum mah pwidi tei maga aitakle. Saraamah jumage kapyii tei n-go kaswipyii matulo.
Currently Selected:
1 TIMOTHI 6: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
