1 THESOLONIKAMEI 2
2
Thesolonika kito Polnii tha katii
1Nyii kangsanamei, nyiinii gonyiida kagong tei kadak makle katu gonyii pum sekpiinii tile. 2Nyiinii Thesolonika ki gong kasunii Philipi kito kada takumpii nyiigo tiikamage pyiipo ninado tii-nrou pyiipo katu gonyiinii tile. Nlenii teikito nyiigo mazhii kasu kadaziikii leikado, mpou dato kagong kabi rasam tei gonyii dakii tam mpat matu tang karam jangpii, nyii Saraa teinii lungkadi tei nyiigo pyii takle. 3Kadapokii nyiinii kakhang teinii kama kito, mak-kii matei kasu kito, mak-kii kasang kasu kito makle; 4nlenii Saraanii nyiigo kabi rasam tam matu tang karam jangpii mazhiikapyii takumpii, nyiinii mei dzyii karanga tei tiitang karam jangpii makle, nlenii nyii lung go jaijusii kalei Saraa dzyii karanga tei tiitang karam jangpii nyiinii tam leile. 5Kadapokii gonyiinii tisii kalei takumpii, nyiinii tam ka-mbisam, mak-kii kadi chiikanyii, mak-kii jai katii madou kado tiilei makle, Saraanii sakchyiile! 6Kristamah tiilamlwi kapyiimei tiisii nyiinii gonyii phyiiryiito teimaham leikado, gonyii dato kado, mei kakimei dato kado, mak-kii mei kata hangninii dato kado tam matoi matu tang karam tei nyiinii fiimakle. 7Nlenii gonyiinii mpounah meigo makot kalei takumpii, nyiinii gonyiigo kaswisii kalei kak, nyiinii lung ma- noile. 8Nyiinii gonyiigo lungkasyii jangpii Saraamah kabi rasam tei roisupii nyiimah karing katangpii nyiinii gonyiigo njai tang karam jangpii tiikada takle. Kadapokii gonyiinii nyiimah hangkapii lungka- syii teile! 9Kadaponii kangsanamei, nyiinii katii kapung sateichii kamage kalak kaleh tei gonyiinii maning leile, nyiinii gonyiigo kamaswi tei pung matulak tang karam jangpii, tinghum tingna tha tiisii, nyiinii Saraamah kabi rasam tei gonyii dakii tam ralipyii takle.
10Gonyii kamalum mei doito kada takumpii nyiinii mateisii, kasangsii, majyiisii sateichii sajek gasii tatpo, katu tei gonyiiniido Saraaniido sakchyiile. 11Kadapokii gonyiinii tile, katunii Saraanii gonyiigo mpoumah sating sazyii kikii sateichii mpoumah pumtei kava kikii kapyiimah lung- kamajyii tiilung tei gonyiinii lung kabui jangpii, 12nyiinii gonyiigo tam katwisii, lung tiimakhiisii sateichii sakchyii pyiisii, Pfiinii mpou nahmeigo tiikalei takumpii nyiinii gonyii hang go tiipyii takle.
13Sateichii kaang aijangpii tak- supiinii Saraago halangle, katunii gonyiinii nyii dato shiikalu Saraamah samtam tei dou wosek-kii, meinah mah samtam tei supii, gonyii kamalum mei kak kito tha tiipyiisii kalei Saraa samlesii gonyiinii lukai wotakle, teitei Saraa samtam ka- sangle. 14Kadapokii kangsanamei, Judiya kito kalei, Jisu Krista dato kalei Saraanii lat mpat kalumei jai karalimei tei tiitakle; kadapokii ahnyiinii Jehudimei dato kamage kalak doukatu takumpiinii, gonyii- niido tei takumpii njoisii gonyiinii gonyiimah sazyii kito kaleimei dato kamage kalak tei doutakle. 15Jehu- dimeinii Bangpii Jisugo, lungkaka- lingmeigo gile, nyiigo baatoile, Saraa dzyii kashyii tei tiile, sateichii meihang go tiirampou pyiile; 16Jehudimei kasu luikakimeigo keipyii tang karam sam katam tei ahnyiinii namle; teipiinii ahnyii mah kem kama mah ajhii kamashak kaleita tei tiitokryiile. Nlenii Saraa mah rakarhii tei aitoinii ahnyii phyiiryii gong takle!
Polnii ahnyiida nlaigong kanyii
17Nlenii kangsanamei, lung kito supii, pumzai kito tinglang shang- niikii jangpii nyiinii gonyiigo n-nou aikido, hangkapii kamangwi tei njasii gonyii ju ngoutang karam jangpii kisii teisii tiisii bamle. 18Nyiinii gonyiida nlaigong nyiile, Pol, Inii, gupum sekpiinii nlaigong tang karam jangpii binii roisupii tiitakle. Nlenii Seitannii nyiigo doi dangnei wotakle. 19Kadapokii nyii Bangpii Jisunii kagong tinglang kak mpou doito nyiimah maning kamalum, ka-nta mak-kii detdi tang karam kaang tei kadapeipo? 20Kadapokii gonyiinii nyiimah ju kadi ninado ka-nta teile.
Currently Selected:
1 THESOLONIKAMEI 2: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
