1 THESOLONIKAMEI 1
1
1Pol, Sailas ninado Timothi dato– Pfii Saraa ninado bangpii Jisu Krista dato kalei Thesolonika ki charsh dakii:
Jumage kapyii ninado kamajung tei gonyiimah matulo.
Thesolonikamei mah tiilung ninado kamalum
2Nyiimah kariita hang kito taksupii gonyii jangpii nyiinii riitasii gonyiihang jangpii taksupii nyiinii Saraago hakalang tamsii leile. 3Kadapokii gonyiimah kamalum tei dakumpii poisii tha tiileipo, gonyii mah lungkasyii teinii dakumpii gonyiigo teisii tha tiimatupo, satei- chii nyii Bangpii Jisu Krista dakii gonyii maning kamalum tei daziikapiinii sangtingpo katu tei nyiinii maningle. 4Nyii kangsa- namei, gonyiigo Saraanii lungsyiile, sateichii mpoumah tiimatu tang karam jangpii gonyiigo kalaiwo takle katu nyiinii tile, 5katunii, nyiinii ralikapyii kabi rasam tei gonyiida samtampii roinii pung gong makle, nlenii teimahamdo, rangii kama- teido, sateichii kasang kati tei kaswisii pung gongle; gonyii jangpii nyii ai kada takum katumeipo katu nyiinii tiikamangou tei gonyiiniido tile. 6Sateichii nyiinii rangii kamatei mah ka-nta tei njasii kamage kalak kadaziikii kito samtam tei douwosii, nyiimah ninado Bangpiimah jaika- tiimei tiitakle. 7Teipii gonyiinii Mesidoniya kito kalei ninado Akaiya kito kalei kamalum meihang jangpii tiikamangou nda tei tiitakle. 8Kadapokii Bangpiimah kaang kito kabi rasam tei gonyii dato Mesido- niya ninado Akaiya ki roinii kahi- makle, nlenii Saraa dakii gonyiimah kamalum mah nha tei bamlyii hangki shiigong takle, teipiinii nyiimah hangninii kado tam tang karam kabi tei gale. 9Nyiinii gonyiida kagong kak gonyiinii nyiigo kada takumpii lukaipyiipo, sateichii gonyiinii tingtugo matasii kalei kito, kasang ninado karing Saraago nga ngatang karam jangpii, 10sateichii gongkalei Saraamah rakarhii kito nyiigo poi mpat kapyii, mpounii kataimei kak kito tiimaring kapyii mpou nah sapfii mpou Jisugo, sating gamto kahum koitang karam jangpii gonyiinii kada takumpii Saraada nryiigong wopo katu tei ahnyiinii tam leile.
Currently Selected:
1 THESOLONIKAMEI 1: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
