NAMBAR 33
33
Aigupta ram ata Moab panna
1Mosia le Arona hruaina hnuaia Aigupta ram ata a papâlin suaka an ife lam chu hiang hin a ni. 2Rengpa thupêkin Mosia’n riakbuk an ikhuarna murdi irhming chu a’rziaka. 3Israel mipuihai chu tha khatna, sûn sômhleiringa nî khan Ramases ata an suaka, 4Ferkân kût nî khan Aigupta mihai mithmua, an nâilutîr murdi Rengpa’n a ithat pehai kha an phûm laiin Israel irchihai chu irkhêl takin an suaka. Rengpa’n an pathianhai khom a hrem pehaia. 5Khan Israel irchihai chu Ramases ata kha an suaka, Sukoth-ah khan omhmun an khuar tâka. 6Khan Sukoth ata kha an suak nôka, ramchâr kôl Etham-ah khan omhmun an khuar nôka. 7Khan Etham ata kha an suaka, Baal-Zefon nisua tiang Pi-hahiroth tiang an kîr nôka, Migdol kôla omhmun an khuara. 8Khan Pi-hahiroth ata kha an suaka, Tuipuisen hroin Etham ramchâra sûn thum an fea, Mara hmuna omhmun an khuara. 9Khatak ata kha Elimah an fe, khataka khan tuihnâr sômhleihni le tûm kung sômsari a oma, kha khan omhmun an khuara.
10Elim mâksanin Tuipuisen kôla omhmun an khuara. 11Khan Sin ramchâra omhmun an khuar nôka. 12Khan Dophkah hmuna omhmun an khuar nôka, 13kha zoiin Alus hmuna an om nôka. 14Khataka khan tui in hrang om loina, Refidim-ah irpuk an siama.
15Khan, Refidim ata kha an suaka, Sinai ramchâra omhmun an khuara. 16Sinai ramchâra irthokin an suaka, Kirot-hatava-ah omhmun an khuara. 17Kirot-hava-ah irthokin an suaka, Hazerot-ah omhmun an khuara. 18Hazerot-ah irthokin an suaka, Ritma-ah khan omhmun an khuara. 19Ritma-ah irthokin an suaka, Rimon-perez-ah khan omhmun an khuara. 20Rimon-perez-ah irthokin an suaka, Libna-ah omhmun an khuara. 21Libna-ah irthokin an suaka, Risa-ah omhmun an khuara. 22Risa-ah irthokin an suaka, Kehelatha-ah omhmun an khuara. 23Kehelatha-ah irthokin an suaka, Sefer tânga omhmun an khuara. 24Khan, Sefer tânga irthokin an suaka, Harada-ah omhmun an khuara. 25Harada-ah irthokin an suaka, Makheloth-ah omhmun an khuara. 26Makheloth-ah irthokin an suaka, Tahat-ah khan omhmun an khuara. 27Tahat-ah irthokin an suaka, Tera-ah khan omhmun an khuara. 28Tera-ah irthokin an suaka, Mithka-ah omhmun an khuara. 29Mithka-ah irthokin an suaka, Hasmona-ah khan omhmun an khuara. 30Hasmona-ah irthokin an suaka, Moseroth-ah omhmun an khuara. 31Moseroth-ah irthokin an suaka, Bene-jaakan-ah omhmun an khuara. 32Bene-jaakan-ah irthokin an suaka, Hor-hagidgad-ah omhmun an khuara. 33Hor-hagidgad-ah irthokin an suaka, Jothbatha-ah omhmun an khuara. 34Jothbatha-ah irthokin an suaka, Abrona-ah omhmun an khuara. 35Abrona-ah irthokin an suaka, Ezion-geber-ah omhmun an khuara. 36Ezion-geber-ah irthokin an suaka, Zin ramchâra omhmun an khuara, kha kha Kades an ti sa. 37Kades-ah irthokin an suaka, Edom ram dep Hor tânga omhmun an khuara. 38Khan, ochai Arona khan Rengpa thupêkin Hor tânga khan a hong fea, Israel irchihai Aigupta rama irthoka an hong suak kum sômminli tha ringana, sûn khat nîin khataka khan a thi tâka. 39#Nam 20.22-28; Dhn 10.6; 32.50 Khanchu, Arona kha Hor tânga a thia khan kum irzakhat sômhni inthum a ni.
40 #
Nam 21.1
Khan Kanaan sim tianga Arad rêngin Israelhai an hong ti a len hriata.
41Khan, Israelhaiin Hor tâng ata kha an suaka, Zalmon-ah omhmun an khuara. 42Zalmon-ah irthokin an suaka, Punon-ah khan omhmun an khuara. 43Punon-ah irthokin an suaka, Oboth-ah khan omhmun an khuara. 44Oboth-ah irthokin an suaka, Moab ram dep Ije-abarima khan omhmun an khuara. 45Ijima irthokin an suaka, Dibon-gada khan omhmun an khuara. 46Dibon-gada irthokin an suaka, Almon-diblathaim-ah khan omhmun an khuara. 47Almon-diblathaim-ah irthokin an suaka, Nebo kôla Abarim tânghaia khan omhmun an khuara. 48Abarim tânghaia irthokin an suaka, Jeriko irdîn Jordan ivapang, Moab phâia omhmun an khuara. 49Jordan vapang, Bethjesimoth-a irthokin Abel-sitim dênin Moab phâia omhmun an khuara.
Jordan kâi mâna an tho hranghai
50Khan, Jeriko irdîn Jordan ivapang, Moab phâizôla Rengpa’n Mosia a chongpuia, 51“Israel irchihai kha hrilhaiin lân, an kuang, Jordan tuidung nin kâia, 52Kanaan ram nin lût tika chu kha rama om murdihai chu inhnotsuakhai ving an ti, lung leh thîra millim an isiamhai le an irbôlnahai insiatpai pehai hrang a ni. 53Khanchu kha ram kha lua nin ta, khataka khan om nin ti, keiin kha ram kha nangni ki pêk sikin. 54#Nam 26.54-56 Khan kha ram kha panam tinhai laia tasânin sem nin ta, panam tam ualhai chu a tam ual pehai nin ta, a tôm ualhai chu a chîn ual pehai nin ti. 55Khannisian kha rama omhai kha nin irzûlpaihai noa ni’n chu, nin mita hranga minim le nin panga hrangin ilhling ang ni an ti: nin omna ram khan nin milung lan zîngtir a ti. 56Khanchu hiang hi hong ni a ti, an chunga tho ki inuam chu nin chunga tho ki tih ti ro,” tiin.
Currently Selected:
NAMBAR 33: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.