NAMBAR 34
34
Ramrihai chu
1Khan Rengpa’n Mosia kuang, 2Israel mipuihai ta hrangin hi thu hi a pêkhaia: “Ram nangni ki ipêk, Kanaan ram chu nin tung tena, nin ramri hrang chu hiang hi ni a ti. 3Sim tiang ramri chu Tuipui thi hekna rengata sak tiang pang ni a ta. 4Khan nin ramri chu Akrabim hai fena sim tiang khan kôi a ta, Zin fe pat a ta, kha a hong suakna chu Kades-barnea sim tiang ni a ti. 5Khan Hazaradhara fe pat a ta, Azmon-a dên thaiin; khan ramri chu Azmon ata kha Aigupta tuidung dênin kôi a ta, a suakna chu Tuikhangliana ni a ti. 6Khan nitâk tianga ramri hrangin Mediteranean tuipui ata thengthai a ta, Hor tâng huam sa a ti. 7Khan hmâr tianga ramri chu Mediteranean Tuipui ata thengthaiin Hor tâng huam sa a ta, 8Hor tâng ata kha Hamath lûtna dênin siam ni ta, khan ramri suakna chu Zedad ni a ti. 9A ramri chu Zedad ata kha Zefron fe thengin Hazar Enana sun a ti, kha kha hmâr tianga ramri kha ni a ti.
10“Khan, nisua tianga ramri chu Hazar Enana ata kha fe nôk a ta, Sefam dênin. 11Kha rengata kha Harbel sak tiang, Ain nisua tiang fe a ta, Galili tuipui nisua tâng dung hro a ti. 12#Nam 26.52-56 Kha rengata kha Jordan tuidung sim tiang hroin Tuipui thi dênin ni a ti. Hi irki minli hi nin ramri ni a ti, ti ro,” tiin.#Jos 14.1-5
13Khan Mosia’n Israel irchihai chu thu a pêka, “Hi hi Rengpa’n panam kuak le a chimriphai pe hranga a inkung, tasâna nin irsem hrang chu a ni. 14Reubena le Gada le Manasea panam chimriphai khomin. 15Khan Jeriko irdîn Jordan nisua tiang pang an lei dong tâk sikin,” a tia.
Hruaituhai ram sem hranga mophurna
16Khanchu Rengpa’n Mosia kuang, 17“Ochai Eleazara le Nuna nâipa Josua’n ram chu mipuihai lei sem an ta, 18khanchu nam tin ata hruaitu inkhat chit an ni san hrangin lahai sa ro,” a tia.
19Juda panama hruaitu Jefunea nâipa Kaleba, 20Simeona panama irchi Amihuda nâipa Semuela, 21Benjamina panam hruaitu Kislona nâipa Elidada, 22Dana panama hruaitu Joglia nâipa Bukkia, 23Manasea panama hruaitu Efoda nâipa Haniela, 24Efraima panama hruaitu Siftana nâipa Kemuela, 25Zebulun panama hruaitu Parnaka nâipa Elizafana. 26Isakara panama hruaitu Azana nâipa Paltiela 27Asera panama hruaitu Selomia nâipa Ahihuda, 28Naftalia panam ata hruaitu Amihuda nâipa Pedahela.
29Hihai hi Rengpa’n Kanaan rama Israel irchihaiin ram an ilua hranga semtu hranga inthanghai chu an ni.
Currently Selected:
NAMBAR 34: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.