ZEFANIA 2
2
Irlet hranga ngênna
1-2O nam inzakna lam inhre loihaio,
Thu’nkung a zuang suak mân le nikhua kha favâi anga a hek mân,
ki Rengpa ninginmurnaa ichiom tak kha nin chunga a zuang tung mân le,
Rengpa ninginmurna nikhua kha nin chunga a zuang tung mân hin,
Intân khôm roi,
a ni, intân khôm mur mur roi.
3Nangni irnênga mi thuhnuairôl murdi,
a thu zômtuhaio, Rengpa kha zong roi;
Felna zong unglân, thuhnuairôl tum roi:
Rengpa ninginmurna nikhuaa khan ithupin nin om thei itinin.
Israel ram vêla nam dang siat hrang thu
4 #
Isa 14.29-31; Jer 47.1-7; Ezek 25.15-17; Joel 3.4-8; Amos 1.6-8; Zak 9.5-7 Gaza khua kha rotsanin om a ta,
Askelon khua kha inrampaiin a iom hrang a ni:
Sûn laia Asdod khua inhnotsuak an ta,
Ekron khua kha khom suakin om a ti:
5Tuipui kama om Keret namhai kha an chung a rik e!
O Kanaan, Filistia mihai ram,
Rengpa thu kha ni chunga a zuang itung a ni;
Luatu omloi rakin nang inboipai ki ti.
6Khan, Tuipui kamhai kha sûl hring hmun ni a ta,
Belrapuhai irbukna siamna le belrahai zahual ni a ti.
7Khanchu, tuipui kam kha Juda sûnghaia la omsunhai ta hrang ni a ta;
kha khan an belra rualhai kha tâk an ta,
khohloi tiang chu Askelon khua inhaia riak an ti;
Rengpa an Pathian khan hong hro a ta,
An sal intângna kha irletpai a ti.
8 #
Isa 15.1—16.14; 25.10-12; Jer 48.1-47; 49.1-6; Ezek 21.28-32; 25.1-11; Amos 1.13-15 Moab mihai hrilsiatna le Amon nâihai khêk khumna,
ki mihai an hrilsiatna le an ramria an roiinpuina kha kin hriat tâka.
9 #
Irp 19.24
Khanchu, a nuna kin nun sûng chu,
Moab kha Sodom ang ni a ta,
Amon nâihai kha Gomora ang ni ngêt ngêt an ta,
an ram kha hloisûla sip,
michi khur le kumkhua lualoi ang ni a ti:
Ki mi la’rkholhai khan anni kha râllâk an ta,
ki nam la omsunhai khan lua an ta,
tih hi Sipaihai Rengpa, Israelhai Pathian thu suak a ni.
10Sipaihai Rengpa mihai chunga khan anni kha lian irtiin,
anni kha an lei hrilsiat tâk sikin,
hi thil hi an lârirpâkpuina hrangin an ihmu a ni.
11An chunga khan Rengpa kha ichiom tak ni a ta;
irnêng chunga pathianhai murdi kha a inboipai hrang a nia;
kha khan mihriamhai khan ama kha biak ta an ta,
mi tinin mâni hmun seng ata chubai mûk an ti.
12 #
Isa 18.1-7
Nangni Ethiopia mihai khom ki khandaia thatin om nin ti.
13 #
Isa 10.5-34; 14.24-27; Nah 1.1—3.19 Khan, hmâr tiang ram chunga a kut irlek a ta,
Assuria ram inboipai a ta,
Ninevi khua chînsan a ta,
ramchâr angin inchârtir a ti.
14Khan, a sûnga khan sa chi tinrêng,
ramsahai murdi riak an ti:
Simbu le sarkuhai khom a khopui laia khan riak an ta,
an hnukirhâi kha tukver ata inhriat ni a ta:
Sidar thinga siamhai khom an rongtirpai#2.14: In sinna hmangrua le in chung bungrua siamna hranga sidar thinghai khom siat a ti. tâka.
15Hi hi khopui raifân thei tak,
mâni ir-iam zoi thei tak,
a lungrîla keima hi ki ni, ki chunga tûte om mahai,
irti lungrîl kha a ni: Sahai riakna hmun hrangin,
a ramin a’rkhêl bâk tâka na!
A hong khêl murdi’n an dang inchek khum an ta,
an kut irlek khum an ti.
Currently Selected:
ZEFANIA 2: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
