ZAKARIA 3
3
Inlârna ochai Inlaltak hmun
1 #
Ezr 5.2; Thup 12.10 Khan, ochai inlaltak Josua, Rengpa vântirtôn makunga ngîr le a doitu hrang setana ama chang tianga ngîr kha a nin entira. 2#Jud 1.9 Khan, Rengpa khan Setana kuang,
O Setan, Rengpa khan nang hal ri se. A ni, Rengpa Jerusalem inthangtu khan nang hal ri se. Hi mi hi thingthu mei ata paisuak kha a ini loi ma ni? a tia. 3Khanchu Josua kha silkai porinche taka irbelin vântirtôn makunga khan a hong ngîra. 4Khan, a makunga ngîrhai kha a hong chongpuia, “A sil le kai porinche kha hlîk pe roi,” tiin. Khan, ama kuang khan, “Irngai ta, ni tho’nsualnahai kha kin boipai tâka; khanchu silkai hlutakin nang irbeltir ki ti,” a tia.
5Khan, kei chu, lukhum enhoi tak inkhumtir ri se, ki hong tia. Khanchu, lukhum enhoitak kha an khumtir tâka, silkaiin an irbela, khan, Rengpa vântirtôn kha a kôla a ngîra. 6Khan, Rengpa vântirtôn khan Josua kuang, 7“Sipaihai Rengpa khan hiang hin a iti a ni: ki lampuihai ni hro maia, ki thu inkunghai ni tho’n chu, ki in sûng roirêl ni ta, ki roirêl hmunhai kha vong sa ni ta, hi ngîrhai laia hin kop sa theina hrang nang pe ki ti. 8#Jer 23.5; 33.15; Zak 6.12 Atûn irngai ta, O Josua ochai inlaltak: Nang le ni rualhai ni makunga toihai leh irngai roi, thil sa hong tung lei entîrna an nia: irngai roi, ki siahlo incher irnôi kha ki hong insua hrang a ni. 9Irngai u ta, Josua makunga ki lung kha; lung inkhata khan mit sari a om a ni: Irngai roi, a chunga khan thil irziakhai irziak ki ta, kha ram saloinahai kha sûn khat zelin lapai zit ki ta, ti hi sipaihai Rengpa thu suak a ni. 10#Mik 4.4 Kha nikhuaa khan mi tinin grep kung hnuaihai le theipui hnuaihaia, mâni kôlahai fialhai seng ta nin tih, ti hi sipaihai Rengpa thu suak a ni,” tiin an kung tâk a ni.
Currently Selected:
ZAKARIA 3: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
