INPÂKNA HLAHAI 72
72
Reng ta hranga ngên pena
Solomona inpâkna hla
1O Pathian, ni roirêlnahai kha rêng pe’n lân,
Ni felna chu rêng nâipa pe roh.
2Ni mihai chu felna’n roirêl pe a ta,
Ni mi inrianghai chu roirêlna felin roirêl pe a ti.
3Tâng lian le tâng chînhai hin felna’n mihai kuang irtharngamna zuang intung an ti.
4Ama khan mi laia inrianghai chu roirêl pe a ta,
Invâi nâihai chu saninhring a ti,
Nêpsiatu rêk chu nôi a ti.
5Misa khi a om sûng chu nang chi an ti,
Tha om sûng ten khomin,
irlo om sûng murdia chu.
6Ama chu hloisûl irnoi chunga rua angin tâk a ta:
Irnêng infâtu ruatui ang dênin.
7A hring lai khan mi felhai chu indôn nut nut an ta,
Irtharngamna irkhêl tak chu indôn nut nut sa a ta,
tha a boi mâka chu.
8 #
Zak 9.10
Ama chu tuikhanglian ata tuikhanglian dang dên khomin ircham nei sa a ti,
Tuipui ata kôlkung dên khomin.
9Ramchâra omhai chu a makunga kûn an ta;
Ama doituhai khomin vâiphin inliak an ti.
10Tarsis ram le chômbung rênghaiin lômman hong inhlanhai sianlân,
Arab rêng le Seba rênghai khomin thilpêkhai hong chôi ri sehai.
11A ni, rêng murdi chu a makunga inbok an ta:
Nam tinrêngin a sintho an ti.
12Invâiin a khêkin ama chu saninzôk a ta,
Mi inriang, changpuitu nei loi khom kha saninzôk a ti.
13Mi inriang le invâihai chu lunginkham a ta,
Invâihai hringna chu saninhring a ti.
14An hringna chu nêpsiana le nunrôngna ata irtan a ta,
An thisen chu ama irngaia chu hlutak a ini hrang a ni.
15Khan, hring an ta;
Seba ram rângachak chu ama pêk ni a ta;
Mihaiin ama chu chongchai pe mai an ta;
Sûn sôtin satvur an ti.
16Irnênga, tâng chunghaia hin,
bu tamtak om a ta;
A vûi chu Lebanon angin inhnîng siam siam a ta,
Khuaa mihai chu irnêng hloisûl
angin indôn nut nut an ti.
17A’rhming chu kumkhua’n dâi no ni:
A’rhming chu misa a om sûng chu dâi loiin om mai a ta:
Mihai chu amaa khan satvurin om an ta;
Nam tinrêngin ama chu vânnei ti an ti.
18 Rengpa Pathian, Israelhai Pathian chu,
inpâkin om ri se,
Ama vai hin sinirkhêl a tho ngaia:
19A’rhming roiinpui tak hi kumkhua’n inpâkin om sa sianlân;
Irnêng pumpui khom hi a roiinpuinaa insipin om ri se.
Amen, Amen.
20Jesaia nâipa Davida chongchainahai chu a mong ta.
Currently Selected:
INPÂKNA HLAHAI 72: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
