INPÂKNA HLAHAI 52
52
Pathian roirêlna le lungkhamna
Hla hruaitu hrangin, Davida Maskil: Edom mi Doega khan Saula kuang, “Davida Ahimeleka ina a fe,” tia, a hong hril laia
1O, mi hrât, ithoa mo thil tho’nsual ni isong?
Pathian lungkhamna chu a iom mai a ni.
2Sûn nitâkin mi dang insiat hrang ni ngaituaa;
Ni milei chu luvoina chemte ngaihdak ang a nia,
milak vai ni tho.
3Sat nêkin sual nir ngaipoimo uala;
Felna thu’nsîr nêkin milak thu’nsîr nir ngaipoimo uala.
4O, nang milei huang hmang,
Thu, mi lungrîl inna thei murdi chu nir ngaipoimo ngaia.
5Pathianin kumkhua hrangin nang insiat a ti,
Nang chel a ta, ni omna ata nang hnûk suak a ta,
Mihring ram ata hi nang inpot suak pat a ti.
6Mi felhai khomin nang hmu’n nang chi an ta,
Nang innuisan an ti.
7“En u ta, hi mi hi kêng,
zôkna hranga Pathiana irnghat loia,
A’rchongna irkhêltak tûng uala,
A sualnaa hrât irti chu a ni tiin.
8Keima rêk chu, Pathian ina Oliv thing cher indônnut ang kha ki nia;
Pathian lungkhamna chu kumkhontuangin iam ki ti.
9Kha kha ni tho sikin, kumkhua’n lômthu insîr mai ki ti:
Ni mi irthianghai mithmua khan nir hming chu nghâk mai ki ta, a sa sikin.
Currently Selected:
INPÂKNA HLAHAI 52: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
