THUVÂRHAI 13
13
1Nâipa vârin chu a pa irchutirna ar ngaitua ngaia,
mi hmusit uar mi’n chu irchutirna irngaitua ngai mah.
2Mi sahai chu an chongbâi suakin lômman dong an ta,
milak ngaihai chu nunsiatna inlêngtir vai an inuam a ni.
3A bâi vêng insa murdi’n a hringna a ivêng insa a ni.
Chong irdîn loi chu a binga irhmangna ni a ti.
4Mi thaboiin thil tamtak irzuk khom sianlân,
hmu viat no ni.
Mi takirtâiin chu a izong murdi hmu a ti.
5Mi dikhai khan milak an khôkmâka,
mi siahai chong chu inzakna le mualinphoina a ni.
6Felna khan dik taka omhai chu a vêng insa ngaia,
Sualna chu mi sual irhmangna a ni.
7Mi senkhat chu ite nei loiin irchong om an thoa;
senkhat nôk rêk chu irchong chaka inriang om tho an om.
8Mi irchongin a hringna irtanna chu ar chon a nia,
mi’nriang rêk chu tûte’n irkôk ngai mahai.
9Mi felhai chu vâr irtêk tak ang kha an nia,
mi siahai chu meiser thi chian ang kha an ni.
10Lârirpâkna khan chu irkhalna vai a kêlsua ngai.
Irchutirna dong nuam mi kuang chu vârna a om.
11Ol tenga irchon ni ibuk chu chiam zôi zel a ta;
dengthei taka ni ibuk chu hong pung ual ual a ti.
12Sabeina a dongin chu lungrîl an natira,
lunginchong a taka hong tung chu hringna thing a ni.
13Irchutirna sa hnung songsan ka chu buaina tong an ta;
thupêk chi ka chu lômna pêk thei ni a ti.
14Mi vârhai irchutirna chu hringna hnâr a nia;
hmun ichioma hringna inzôkna hrangin changpui a ti.
15Mi bengvârhaiin mahrip an hloa,
tûng roboi mihai chu ramna lampuia an om ngai.
16Inhriatna nei mihai chu an sin mân an ngaitua bak ngaia,
intôhai chu invêtna an thanginzar ngai.
17Palai pualoiin buaina an suaktir ngaia,
palai iamom rêkin chu irngeina an tungtir ngai.
18Tukhom irchutirna dong nuam loi chu a chunga inriangna le mualphoina tung a ti.
Irchutirna irngaitu chu chôiirsângin om a ti.
19Lungdo tak tuanintunga a hong omin chu,
lungrîl hrangin a thum tak a ni.
intohai hrangin chu sualna hnung songsan kha thil intirom tak a ni.
20Mi vâr irpôlpuiin lân vâr ni ti.
Intô irpôlpui chu dengthei tuangna a ni.
21Mi sualhai chu kho hmun khoma buaina’n a zui mai ngaia,
mi felhai rêk chu thil sain thuan ni an ti.
22Mi sahaiin chu a tuhai ten irchon mâk pe hrang a nei ngaia,
mi siahai irchon rêk chu mi fel kuta pêk ni a ti.
23Ram thara khan inrianghai hrang fâk tamtak insua pehai a ta,
khannisianlân roirêl dikloi mihai khan an loi nei hrang phal pe ngai mah.
24Mi, a nâi sep nuam loi chu lung a ithung loi a nia,
lung a thungin chu a sep ngai a ni.
25Mi felhai chu an rukdôr fâk an neia,
khannisian mi siahai chu irsamin khop ni nei no nihai.
Currently Selected:
THUVÂRHAI 13: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
