MIKA 1
1
1 #
2 Rng 15.32-38; 16.1-20; 18.1—20.21; 2 Tsn 27.1-7; 28.1-27; 29.1—32.33 Juda rêng Jothama, Ahaza, Hezekia hai inlal laia Moreset mi Mika kuang Rengpa thu zuang tung, Samari khua le Jerusalem khua chungchâng thu a ihmu chu.
2Nangni nam murdihaio, nin rêngin inhre unglân;
O irnêng le a sûnga om murdihaio,
irngai roi: Rengpa pathian,
Rengpa kha a biak in irthiang ata nangni doiin nin chungthu inhretu ni ri se.
3Irngai u ta, Rengpa kha a hmun ata zuang suakin zuang chum a ta,
irnêng hmun irsânghai kha a ichîl hrang a ni.
4Mei kôla khuaihlu ang le rôla chêntâk ang dênin,
tânghai kha a hnuaia khan zôi an ta,
irhôrhai kha hong kik chat a ti.
5Hihai murdi hi Jakoba-hai tho’nsualna sika le Israel in sûng mihai sualna sika a ni.
Jakoba-hai tho’nsualna kha imo a ini?
Samari a ini loi ma ni?
Juda hmun irsânghai kha i ma ni?
Jerusalem a ini loi ma ni?
6Khasikin, Samari kha sûla thil siat om khôm angin siam ki ta,
grep irhuan hmun ang dênin:
khan, kha hmuna lunghai kha ivadung rôl tiang inhlumpai ki ta,
a lungphûmhai kha inlang ki ti.
7A millim siam chop murdihai kha inkhoi irnôi chit ni a ta,
a notizuar hlohai kha meia hâlpai zit ni a ta,
notizuar mana a ilâk khôm a nia,
a notizuar mana pe nôk an ti.
8Hi sika hin chap ki ta, khêk rak rak ki ta,
irkhek le silkai boiin om ki ti;
sihalhai angin inrung ki ta,
va ringseihai angin inhrâm ki ti.
9A sâbêhai kha indam thei ni ma:
Judai ram a tung rak tâka;
ki mihai, Jerusalem ten khom a itung a ni.
Râlhai Jerusalem an hong tung
10Gath khuaa hril no unglân, chap viat no roi:
Beth-le-Afra#1.10: Beth-le-Afra: Hmumâkrâlin Jerusalem hong doi sian, hi khuahai hi an ibei masahai hrang a ni. An khua irhming omziaa zirin deipu hin an chungthu a insîr a ni. Beth-le-Afra chu ‘vaiphin in’ tihna a nia, vaiphina an ipol hrang thu a hrila. khuaa khan vâiphina irbual roi.
11O Safir hmuna omhaio,
silkaiboi le inzak takin fe irhmang roi:
Zanan hmuna omhai chu hong suak ngam no nihaia,
Beth-ezel mihai chu kamangin an inhrûma,
kha kha nin inhriatin chu zôk thei ual bîk chi ni mah ti inhria nin ti.
12Maroth#1.12: Maroth chu ‘intak tuang’ tihna a nia, sansuak zoro an nghâkhmo tak takin an sîra. Deipu omna khua Meroset-Gath ti hi ‘Gath tâ’ tihna a nia, moi chu a pasal tâ a nia, a insûnghaiin moifam an inchôitir kha ‘inthâna thilpêk’ ni thei sa a ta, hi khua hi mi dangin an hong inei hrang a ni. mi khan dongtum sa chang a nghâkhmo tak tak a ni,
Rengpa kuang ata thil saloi kha Jerusalem mikot kôl dênin a zuang chum thâk sikin.
13O Lakis mi, tâli kha sakor hrâta khan kop ro;
hi hi Zion nâinu sualna bulpui a ni,
Israelhai tho’nsualna kha nangmaa hin a lei iom a ni.
14Khasikin Moreset-gath kuanga khan inthâna thilpêk ni ipêk hrang a ni;
Akzib inhai kha Israel ram inlalhai ta hrangin huangna ni a ti.
15O Maresa mi, nangma neitu hrang ni kuang la hong hruai ki ti:
Israel roiinpuina khan Adulam va tung a ti.
16Irziat inkolin lân, ni nâi inditom takhai sikin ep inkol ro:
râikoso angin irvoi inkol intam ual ro;
ni kuang ata sala hruaiin an om tâka.
Currently Selected:
MIKA 1: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
