JONA 3
3
Jona’n Rengpa thu a zôm
1Khan, Rengpa thu kha Jona kuang a zuang tung nôka, 2“Thoiin lân, Ninevi khua, khopui roiinpui taka khan fe’n lân, thuhril hrang nang ki iti kha tânginsampui ro,” tiin. 3Khanchu, Jona kha a thoia, Rengpa thu ang khan Ninevi khuaa a fe tâka. Ninevi kha khopui roiinpui tak, a lian lam chu sûn thum fena a nia. 4#Mt 12.41; Lk 11.32 Jona kha sûn khat fe dôr khopui sûnga khan a hong lût irphut phota, “Atûn ata sûn sômminlia, Ninevi hi irhmangtir nih a ti,” tiin a khêka. 5Ninevi mihai khan Pathian an iam tâka; bu nghei hrang tiin an inpuanga, an laia a lian tak ata a chîn tak dênin bora puan an sil tâka. 6Kha thu kha, Ninevi khuaa inlaltak mikuara inhriat a ni tâka, a rêngtoihmun ata kha a thoia, a rêng puan kha a hlîkpaia, bora puan a sila, irvuta a toi tâka. 7Inlaltak le a milianhai thupêkin inlaltak khan Ninevi kho sûnga thu inpuangin a suaka, “Mihriam mani, sa mani, sehrât rual mani, belra rual mani hai khan ite irtem no ri se: fâkin tui khom in no ri sehai: 8Mihriam le sahai khan bora puan sil ualhai sianlân, a satêrengin Pathian insam ri se: a ni, mi tinin mâni lam saloi le an kuta sin sualna kha irheisan ri sehai. 9Kin irhmang loina hrangin, Pathian kha kîrin, lungrîl irheitirin, a ninginmurna irkhêltak ata kha zuang irheikîr no nih ti tu’n mo an hriat?” tiin. 10Khanchu, Pathianin an thilthohai kha enin, a lampui saloi kha an irheisan tih a hmua; an kuang a lei insîr tâk angin, tho a itum thil saloi kha Pathian khan ar hei kîra; a itho ta loi a ni.
Currently Selected:
JONA 3: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
