ISAIA 8
8
Isaia nâipa mipuihai hranga irsinsiana
1 Rengpa’n ki kuang, “Irziakna hrang a phêk liantaka lan lân, mihai tep thei hrangin ‘Maher-salal-Khas-Baza hrang’, ti thîr irzum leh irziak ro,” a tia. 2An hriatpui hrangin mi iamom inhni ochai Uria le Jeberakia nâipa Zakaria ki koia. 3Khan, deipunu kuang ki fea, khanchu, nâi a vonga, nâipasal a neia, Rengpa’n a’rhming hrangin, “Maher-salal-khas-Baza” ti roh. 4Nâisen khan, “Ka nu, ka pa a ti thei mân Damaska irchongna le Samari khua ata râllâk sum an lâk hrang chu Assuria rêng kuanga tung a ti,” a tia.
Assuria rêng hong a ti
5 Rengpa’n a ni hril nôka, 6Hi mihai hin Silo tui, dam tui in nuam loiin, Rezina le Remalia nâipa an lei lôma, 7Keima Rengpa hin Assuria rêng le a sipaihai chu, tuilian angin inpunghai ki ti. 8A kuang bit a ta, liam irhlei ni a ti. Judai ram tiang panin, dîlhai a ti. An ring phâkin a ram pumpui dîlhai a ti. Ni ram chunga a mitha phar duai a ti. O! Immanuel ni ram irzat rêng rêng chu boi ving a ti. 9Mihaio, inhre roi, irzal nin ti, ram hlataka omhaio, nin mikuar sung roi, a ni irsiam unglân, a sân chi roi. 10Rot zoi tum unglân, hlochuk ual no ni. Nin nuam dôr ti khom unglân, ite ar fêna om no ni, kin Pathian kin kuanga a om sikin.
Rengpa’n tho loi hrang deipu a hril
11Hi mihai lampui hro hi, hro ta loi hrangin Rengpa’n ngar takin a ni hrila. 12#1 Pet 3.14-15 “Hi mihai leh hin inrualpuihai no ro, an ichi ang khomin chipuihai no roh. 13Itinrêng Rengpa hi a nih nin inza hrang chu. Ama vai hi a nih nin chia nin itho pe hrang chu. 14#1 Pet 2.8 A’rthiang hrai sikin Israel in sûng mi inhnihai hrangin irfûina hrang lung, irfûia irtetna hrang chu a ni. Jerusalema omhai hranga tâkna hrang khur an khitna hranga châng a ni. 15Mi tamtakin irfûi an ta, khit an ta, inôk mai an ti,” a tia.
Mithihai chongpui loi hrang
16Ki irchutirhaio, thu nangni ki irchuhai kha, inhre maiin, vong insa roi. 17#Heb 2.13 Keima’n chu Rengpa hi ki nghâk maia, Jakoba irchihai laia a ni la irbîk pe viat a ni hi; keima’n chu ki sabeina hi ama vai hin ki’rnghat maia. 18#Heb 2.13 En ro, keima le Rengpa ni ipêk nâipanghai hi, Zion tânga om tinrêng Rengpa’n Jerusalem mihai hranga irsinsiana thil irkhêl tak ni hrangin a ni ti a ni. 19Mithi chongpui theihai, dôi theihai, itin anga irkhek hranga a theihai irdon hrangin nang ti a ti. Ama’n chu, “Irthahai hi irdon hrang a nia, a thihai khom hi a la damhaiin irdon hrang an ni,” lei ti an ti.
20Irchutirna thu nangni ki ihrilhai kha irngaitua sabak roi, anni thuhril chu omzia nei mah.
Chardongna zoro
21Chardong le phîngchâmin ram chu irfang an ta, an phîngchâm ningmurin irvân enin an rêng le an Pathian chu khuasâl an ta. 22Hnuai tiang an enin chu chardongna le inthim irkhêl tak, an itong ngêt hrang inthim chu hmu an ti.
Currently Selected:
ISAIA 8: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
