ISAIA 6
6
Deipu ni hranga Pathianin Isaia a koina
1 #
2 Rng 15.7; 2 Tsn 26.23 Reng Uzia thi kum khan Rengpa ki hmua, a rêngtoihmun irsâng tak chôiirsângin a toia, a songkol hmorin Tempil chu a sip vinga. 2A kôla khan Serafhai an oma, an rêngin mitha kiruk an nei chita, inhnihaiin an hmâi an hîpa, inhnihaiin an ke an tuama, inhni chu an vuanga: 3#Thup 4.8 “Itinrêng Rengpa chu a’rthiang e, a’rthiang e, a’rthiangliai, irnêng pumpuia a roiinpuina’n a sip,” tiin an irsam irhlôm, an irsam irhlôma. 4An khêk irhâi khan Tempil irnghatna bul an hnîng dur dura, tempil chu meikhu a sip zoi ta. 5#Thup 15.8 Keima’n chu, “E hei! ki ithi a ni ta! hmûr saloia sip, hmûr porinchea siphai laia om, Anchungtak itinrêng Rengpa chu ki mitin ki hmu ta,” ki tia.
6Seraf inkhat a zuang vuanga, meichep leh maichâma mei chu a zuan chepa, 7ki hmûr a hon tôna, “Hi hin ni hmûr a tôn tâka, ni sualna lâkpai a ni ta, ni porinchena infâi a ni zoi ta,” a tia. 8Khan, “Tu mo ki itîr hrang, tu mo keini hranga fe hrang?” tiin Rengpa irhâi kin hriata. Keima’n, “Keima fe ki ti! ni tîr ro,” ki tia.
9 #
Mt 13.14-15; Mk 4.12; Lk 8.10; Joh 12.40; Tîr 28.26-27 Ki kuanga khan, “Fe’n lân, hi namhai hi va hrilhai ro: Irngai ngot khom unglân, inhre thei no chin ni, en mai khom unglân hmu ual no chin ni,” tiin. 10Hi mihai lungrîl hi inchotir pehaiin lân, an beng sêt sianlân, an mit inthim pehai sian. Anino’nchu, an mitin hmu an ta, an mikuarin inhrena an ti, an lungrîla inhre mai an ta, irletin indam nina an ti, a tia. 11Keima’n chu “Rengpa i dôr ten mo khaang khan an iom hrang?” ki tia. Ama’n chu, “Khopuihai chu a luatu om loiin a ram zoia, inhai khom an lumtu om loiin a ram zoi mâka chu! 12Rengpa’n mihai chu hlataka thon paihai a ta, ram pumpui insiat zoi ni a ti. 13Sôma inkhat irang maiin pe khom sian ite a’rfêna om no nia, Sesua le thing irkit zoia a bula a’rzung la om ang hi ni a ta. Ama kha irchi irthiang bul chu a ni,” a tia.
Currently Selected:
ISAIA 6: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
