ISAIA 17
17
Pathianin Suria le Israel hrem a ti
1 #
Jer 49.23-27; Amos 1.3-5; Zak 9.1 Damaska chungchâng chu: Damaska chu kho sûnga tep khom ni ta no nia, thil saloi omna ang mai ni a ti. 2Aroer khua khom rotsanin om a ta, kêlbelra omna khua ni ta a ti. Irtharngam takin sâhai om an ta, tûte’n inhnotpai thei ta no nihai. 3Efraima rama ite kul om ta no ni, Damaska ram khom om thei ta no nia, Suria rama a dama la omhai khom Israel roiinpuina chuai ta angin om a ti, itinrêng Rengpa thusuakin a ti.
4Kha ni tena chu Jakoba roiinpuina irhmang a ta, ar chonga, khannisian hon riang ok nôk ta a ti. 5Bu âttuhaiin Refaim-ah thôl bu an ât zoia, ât sel la om pherphur ang hi la ni an ti. 6Oliv ra tâk zoi sai, a rêla la om ta thei loi, a vîk irsânga minli ringa la om ang hi la ni an ta, Israelhai Pathian Rengpa thusuakin a ti.
7Kha ni tena chu mihaiin a siamtu hon hria an ta, Israel mi irthiang chu thîr an ti. 8Kut le an isin maichâmhai chu uksak ta no nihaia, anni isin Aseri le mirimhoi hâlna maichâmhai chu a en khom en nuam ta no nihai.
9Israelhai makunga Hiv mi le Amor mihai khopui mâksanhai ang khan an khopui satakhai chu rotsan an ta, a ram zoro tung a ti. 10Nangni saninhringtu Pathian nin irnghila, nin zôkna lungpui chu inhre nuam loiin. Enhoi takin irhuan nin sinhaia, nam dang pathian biak nin uara, 11Nin iphun thei dôrhai phunin hong pâr khomsian, a ra irhmal hrang om no ni, buaina le a na hek ta loi nikhua a hong tung ni tena chu.
Hmumâk ngai namhai insiat an ni
12A mipui tamtak irhâi, tuikhanglian irhâi anga om le nam tina an khêk irhâihai chu tuilian irhâi anga omhai chu na! 13Nam tinhai chu tui irhâi inring angin khêk an ti. Rengpa’n hâlhai a ta, irngam an ti, tânga bu’rsi phâivua’n a isêm inlênga nêngpila a isêm inthek ang hin. 14Khohloi tiang chu ichi an iom angin, zîng tiang chu chi hrang om ta mahai, hi hi a nin rûk pe nuamtuhai dongtum chu a ni.
Currently Selected:
ISAIA 17: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
