ISAIA 12
12
Lômthu hrilna hla
1Kha ni tena chu hiang hin ti ni ti:
“O Rengpa, nang kin pâk,
ki chunga hin ni ning an mura,
Khannisian ni ningmur insum mak chea,
Irtharngam ni ni saka.
2 #
Fes 15.2; Ipn 118.14 Pathian chu a ni saninhringtu a ni,
Ama iam ki ta,
chi ta no ning.
Rengpa ki Pathian chu,
a nin hrâttu, ki hla a ni.
A ni saninhringtu a ni.
3Saninhringna tuikuang ata,
râifân takin tui chôi roi,
4Kha ni khan chu hiang hin ti ta nin ti:
Rengpa inpâk unglân,
ar hming chôiindôm roi,
A sintho chu a mihai hril unglân,
A’rhming inthang lam hi inpuang roi.
5A sintho roiinpui tak sika hin,
Rengpa chu inpâk unglân,
Rammual pumpui hi inhril roi.
6Zion tânga omhmun khuarhaio,
Râifân takin zâi unglân,
khêk suak roi;
Nin laia om,
Israel mi irthiang chu a roiinpui ok a ni.
Currently Selected:
ISAIA 12: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
