ISAIA 11
11
Irngeina ram
1 #
Thup 5.5; 22.16 Thing phûrna bul a hong incher nôk ang hin, Jesaia irchi ata rêng thar hong suak a ti: 2Rengpa irtha’n ompui a ta, vârna le inhriattheina hai, irfûktir theina le hâina hai, Rengpa chitna le inhriattheina irtha inneitir a ti. 3Rengpa chi hi a lôm lamtak a nia, an lang dân ang hin roirêl no nia, mikuara a inhriat mai maihai hin thurêl insat ual no ni. 4#2 Thes 2.8 Inrianghai chu diktakin rêl pehai a ta, a ram sûnga mi irngaiin tômtehai khom chôiirsânghai a ti. Ama thua om nuamhai chu irnêng hi vîkhaina a ta, mi sualhai chu sêm thathai a ti. 5#Efe 6.14 Dikna chu kongkhitin hmang a ta, iamomna chu a konga khit a ti: 6#Isa 65.25 Inehai chu kêlbelrahai leh omsuam an ta, kâmkei le kêl khom kual suam an ti. Sehrât te le kâmkeibaknei têhai chu, satêhai leh omsuam an ta, Nâipangtein hruaihai hluk a ti. 7Sehrâtpui le savom khom omsuam an ta, an têhai khom kual suam an ti. Kâmkeibakneihai khomin sehrât angin fapôl fa ta an ti. 8Irhnu nêk laihai khom soksapho kôla lêng suam an ta, irhnu mâk chakhaiin sokngân kuaa an kut sia an ti. 9#Hab 2.14 Ki tâng irthiangna tinrênga chu, tûte a na tuang ta no nihaia, an siat khom insiat no nihai; tuikhanglian tui a ibit angin Rengpa an inhriatna hin ram hi bit ta a ti.
Sala intânghai kîrna
10 #
Rom 15.12
Kha ni tena khan chu Jesaia irchia rêng hong suak kha nam tinhai hranga irsinsiana ni a ta, a omna hong pan an ta, chôiindôm an ti. 11Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti. 12Nam tinrênghai mithmua irsinsiana târsuak a ta, Israel an inhnotsuakhai le Juda a rothai khom kôlkil minli ata hruai suakhai a ti. 13Efraima hnarsa siatna om ta no nia, Juda doihai ngai khom om ta no nihai. Efraima’n Juda chu hnarsa ta no ni. Juda rêngin Efraima chu inbuai ta no ni. 14Nitâk tianga om Filistia chu doi intam nôk an ta, nisua tianga omhai khom rok pehai an ti. 15#Thup 16.12 Rengpa’n Suez-ah irkuang irngamna khom inkangtir a ta, Eufrates tuipui khom phâivua lum hmangin inkangtir a ta, an kezapha lua dui loiin irkân thei an ti. 16Aigupta ram rengata Israelhai an suak theina hrangin, lamlian a iom ang khan, a mi la omhai hrang Assuria ram ata khom, lamlian om rum thei ta a ti.
Currently Selected:
ISAIA 11: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
