HOSEA 6
6
Irletna tak ni loia mihaiin an irlet thu
1Thoi, Rengpa kuanga khan kîr ta ei ti; a ni lei inpopchit tâk nâkin, a ni indamtir nôk hrang a ni, a ni lei zêm tâka chu, a ni ituam nôk hrang a ni. 2Sûn hni tena nin hringtir a ta; sûn thum nia ni kaithoi a ta, a makunga om ei ti. 3Rengpa inhriatna kha irzûl mai ei ti duah, inhria ei ti. Zîng anga irkhêl loiin a hong pûtsuak ngêt ngai a ni; ei kuang rua angin, rua hnungkhôn, irnêng induitu ang dênin zuang tung a ti.
4O Efraima, itin mo nang ki ilô hrang? O Juda, itin mo nang ki ilô hrang? ni lungthungna kha zîng sûmphâi angin, inrang taka irdo irhmang nôk angin a ni. 5Khasikin, deipuhai hmangin anni kha nôia; ki bâia thuhaiin anni kha ki ithat a ni. Ni chunga roirêlnahai kha vâr fe suak zut zut ang a ni. 6#Mt 9.13; 12.7 Irbôlna nuam loiin lungkhamna ki nuam a ni; hâlirvôm thil inhlanhai nêkin Pathian inhriatna ki nuam ual a ni.
7Khannisianlân, Adama angin thuthung kha an tho’nsuala, khataka khan vâr irlet takin ki chunga an itho a ni. 8Gilead kha tho’nsualna tho tuhai khopui a nia, thisen a kop mer mur a ni. 9Hrâtlâksong pâlin mi an irdîp ngai angin ochai pôlhai khan Sekem lampuia mi an that ngai a ni, thil sual an tho tâk a ni. 10Israel sûngkuaa khan thil irkhêl tak ki hmu, Efraima khan nôtizuarna a oma, Israel kha porinchetirin a iom a ni.
11Ki mihai sal intângnaa irthokin ki hruai kîrhai tika chu, o Juda, ni ta hrang khoma ra ât hrang inkung a ni.
Currently Selected:
HOSEA 6: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
