HOSEA 5
5
1O nangni, ochaihaio, hi hi inhre unglân, nangni Israel sûngkuahaio, irngai unglân, o inlaltak sûngkuahaio, mikuar sung roi, roirêlna kha nin ta hrangin a nia; Mizpa châng le Tabor tânga lên inzar nin ni sikin. 2Mi tehelhai khan thatpai an uar tak taka, kei rêkin chu an rênga halirchutu ki ni. 3Efraima kin hriat, Israel kha keima ata thup ni mah; atûn hin o Efraim, notizuar ni uar sikin Israel kha porinchetir a ni.
Millim biak loi hranga irdîn
4An Pathian tiang irheitir hrangin, an thilthohai kha masan mahaia, notizuar lungrîl an laia a iom a ni, Rengpa kha an inhriat thei loi a ni. 5Israel kôkpoploihai khan a makunga an inhriattira, khanchu Israel le Efraima kha an pualoinaa tûk an ta, Juda khom an kuang tûk sa a ti. 6An belra pâlhai le an sehrât pâlhai le Rengpa zong hrangin fe an ta, khannisianlân ama kha chu hmu no nihai, anni ata a irkiang tâk a ni. 7Rengpa chunga vâr irlet takin an ichai a ni, nam dang nâihai an neia; tha thar khan an loihai le ileh irhmangna tung a ti.
Juda le Israel irdoina
8Gibia khuaa bekul tum unglân, Rama khuaa bekul mût roi; Bethaven-a khêk mur mur roi, o, Benjamina, ni hnung tiang kha, tiin. 9Efraima kha hremna nikhuaa khan inram ni a ta: thil hong ni ngêt hrang kha Israel irchihai laia kin hriattir tâk a ni. 10Juda milianhai kha ramri sontuhai ang an nia; an chunga ki ninginmurna kha tui angin bunthuan ki ti. 11Efraima khan sirbe a uara, dikna a paltana, ite ni loi a’rzûla. 12Khasikin Efraima hrangin irthî ang ki nia, Juda sûngkua ta hrangin hmonna ang ki ni.
13Efraima khan a natna a hmua, Juda khan a pop a hmua. Kha khan Efraima kha Assuria kuang a fea, inlaltak Jareba kuanga khan mi a tîra: khannisianlân ama khan nangni indamtir thei maka, nin ipop kha nangni a indamtir thei sa loi a ni. 14Efraima hrangin chu kâmkeibaknei ang, Juda hrangin chu kâmkeibaknei vânglai ang ki ini hrang a nia; keima, keima ngeiin kaithêr ki ta, fe ki ta, rotpui ki ta, sansuaktu tûte om no nihai.
15An thiam loina an irhriata, ki hmêl an zong mâka chu, fe ki ta, ki hmun tiang kîr ki ta, an tuangna khan ni zong an ta, hiang hin ti an ti.
Currently Selected:
HOSEA 5: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
