HAGAIA 1
1
Tempil inding thar nôk hranga Rengpa thupêk
1 #
Ezr 4.24—5.2; 6.14 Rêng Daria inlal kum hnina, a tha rukna, kha tha nikho masa taka khan, deipu Hagaia kuanga Rengpa thu kha, Sealtiela nâipa Judai ramoptu#1.1: Persia sorkâr sin irhming a ni, Zerubabela hi Juda mi ni khomsian a sân a kâi irsânga; khannisian, rêng thu ni loiin chu hiang thupui hi tho ngam mah. Zerubabela kuang le Jehozadaka nâipa ochai intaltak Josua kuang a zuang tunga, hiang hin a ti. 2Sipaihai Rengpa khan hiang hin a ti, “Hi mihai hin, Rengpa in sin hrang zoro chu la hong tung ma, an ti e,” tiin. 3Khan, deipu Hagaia kuang Rengpa thu a zuang tunga; 4“Hi in hi a ram chian laia nangni in chung irchuan neia lêng hi a zoro ma ni? tiin. 5Atûn chu sipaihai Rengpa khan hiang hin a ti: Nin lampuihai ngûk takin sût infel roi. 6Tamtak nin songa, tômte nin inlût ngaia; nin fâka, khop ual mak chêi; nin ina, khop mak chêi; nin sila, lum ual hliak mak chêi; irhlo fâk khan zêp cheta tha hrang piala a ihlo a ni. 7Sipaihai Rengpa khan hiang hin a ti: Nin lampuihai kha ngûk takin sût roi. 8Tânga hong kâi unglân, thing hong la unglân, in kha sin roi; kha khan lôm ki ti, chôiindômin om ki ti, Rengpa’n a ti. 9Hmu nghek nin sabeia, irngai u ta, tômte a lei ni; ina nin hong tunga, ki lei sêm irhmangpaia. Itho sika mo? ti hi Sipaihai Rengpa thu suak a ni. Nangni mâni in tiang pan senga nin intân lat ngaia, ki in kha chu a ram chian sika a ni. 10Khasikin irvânin irdorfîm tâk hrang nangni a khappai pea, irnêngin a ra nangni a khappai pe sa a ni. 11Irnêng chunghaia, tâng chunghaia, bu chunghaia, uain chunghaia, hriak chunghaia, irnêng chunga thil hong suak chunghaia, mihriam chung haia, sa chung haia, kuta tho suak murdihai chunga khua kin kangtir a ni,” a tia.
Mipuihaiin Rengpa thupêk an zôm
12Khanchu Sealtiela nâipa Zerubabela le Jehozadaka nâipa ochai inlal tak Josua le mi la omsun#1.12: Sala intâng loihai hrilna a ni theia; aniachu, sala intâng thi ban, Babulon rengata suakhai kha ni le an irhoi. murdihai khan Rengpa an Pathian irhâi le Rengpa an Pathianin a itîr anga hong, deipu Hagaia thu kha an irngai tâka; mihai khan Rengpa kha an chi tâka. 13Khanchu, mihai kuang Rengpa chongbe hmang khan Rengpa tîrtôn Hagaia khan an sîra, Nin kuang ki iom a nih, ti hi Rengpa thu suak a ni, tiin. 14Khan, Rengpa khan Sealtiela nâipa, Judai ram optu Zerubabela lungrîl le Jehozadaka nâipa, Ochai inlaltak Josua lungrîl le mi la omsun murdihai lungrîl kha a kai har tâka; khanchu an honga, Sipaihai Rengpa an Pathian ina khan sin an tho tâka; 15rêng Daria inlal kum hnina, a tha rukna, kha tha sûn sômhni le sûn minlinaa khan.
Currently Selected:
HAGAIA 1: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
