EZRA 6
6
Reng Kura thupêk tep suakna
1Khanchu rêng Daria’n thu a pêka, Babulon-a an irchon bukkhômna, lekhabu in chu an zonga. 2Khanchu Media biala Ekbatan khuaa rêkin chu hi thu chuangna hi an hmu suaka: 3“Jerusalem Pathian in chungchânga rêng Kura’n an lal irphut kumin hiang hin thu a pêka: an irbôlna ngai in chu siaminsat nôk ni sian; a lungphûm khom dettaka phûm ni sianlân. 4A’rsânglam mûk sômruk, a’rza lam khom mûk sômruk, lung lianpahai zora thuma irchuan hnungin, thing phêk leh irmîltir hrang a nia, a sinna hi rêng sumpuan ata pe hrang a ni. 5Khan Pathian ina rângachak le sumru bêl le bûr chu Nebukadnezara’n Jerusalem biak in ata a ilâksuak Babulon-a omhai khom pe kîr nôk ni sian, Jerusalema an omna hmun chita sia ni sianlân, Pathian ina hrê hrang a ni,” tiin.
Reng Daria’n a sin sunzom thu a pêk
6Reng Daria khan hiang hin a sâma: “Eufrates nitâk tianga ram optu Tatenaia hai, Sethar-bozenaia hai le an isinpui Eufrates nitâk tianga omhaio: Tempil chu hong nâi no roi, 7hi Pathian biak in an isin nôk hi ite tihai ta no roi; Judahai optu le Juda hruaituhaiin hi Pathian in hi a hmun pangaia sin ri sehai. 8Kha in an isin nôkna hranga changpui hrangin thu nangni ki pêk. Sin a’rngam loina hrangin Eufrates tuidop tianga bialhaiin, rêng sum hranga an isia kha pe lat hrang a ni. 9Irvân Pathian ta hrangin hâlirvôm thil inhlan hrang an innang murdi, sehrâtchaltuai, Belrachal le a tê, fachî, uain, sahriak hai, Jerusalema deipuhai thu ang takin a nitina pe ngêt hrang a ni. 10Khan kêng irvân Pathian kha mirimhoi irbôlnahaiin an irhlan thei hrang, rêng le a nâihai an dam sôt theina hrangin an ichongchai thei pehai hrang. 11Mi tukhom hi thu indanglamtirtu chu a ina pakhalâi kaidoka, ama chu khatak khan inkhâi ni ri se, hi sika hin a in chu êk painaa siam ni ri seh ti thu nangni ki pêk. 12khan khataka ama irhming inomtirtu Pathian khan Jerusalema Pathian in insiat tuma kut thâkhai chu, an rênghai le nam om murdihai inboipai ving hrang a ni. Kei, Daria hin thu ki pêk a nia; a zôm khom an izôm zôi zêl hrang a ni.
Tempil inhlan
13Khanchu tui varâl tianga ram optu Tatenaia le Sethar-bozenaia le a rualhaiin rêng Daria lekhathon sikin, khaang tak khan an tho tâka. 14#Hag 1.1; Zak 1.1 Khan deipu Hagaia le Idoa nâipa Zakaria thuhril sikin Juda ulianhaiin an sin tâka; Israelhai Pathian thupêk ang le Persia rêng Kura le Daria le Artazerzia hai thupêk angin an sina, an zoi tâka. 15Kha in kha rêng Daria inlal kum rukna Adar tha sûn thum niin chu zoi a ni tâka.
16Khanchu, Israel irchihai, ochaihai, Levia irchihai le sala intâng hong zôkhaiin, kha Pathian kha lôm takin inhlanna an hmang tâka. 17Khan, kha Pathian in inhlanna hrangin sehrâtchal irzakhat, kêlbelrachal irzahni, bêlrate irzaminli an irhlana; khan Israel mi om murdi’n an sual irbôlna hrangin kêlchal sômkhat inhni seng an pêka. 18Mosia lekhabua chuang angin Jerusalema Pathian sintho hrangin ochaihai, Levi irchihai chu a pôlin an inomtirhaia.
Ferkân kût
19 #
Fes 12.1-20
Khan sala intâng zôkhai khan tha khatna, sûn sôm sûn minli nî chu Ferkân kût chu an hmang tâka. 20Ochaihai le Levi irchihai chu an bingin an lei irthiang tâk sikin, an rêngin irthiang an ni tâka. Khanchu ferkân kûtna hrangin sala intâng zôkhai leh an urêng ochaihai le, anni ta hrangin an that tâka. 21Israel irchi sala zôk nôkhai le Rengpa Israelhai Pathian zong hranga kha rama Pathian thu zômloi porchena ata irthianga, anni zômhai murdi kha an fâka, 22chol koploi bai kût chu lôm takin sûn sari an hmanga: Rengpa’n anni kha an lômtirhaia, Pathian, Israelhai Pathian in sinna hrangin an kuthai inhrâttir hrangin Assuria rêng lungrîl chu anni tiang a irheitir a ni.
Currently Selected:
EZRA 6: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
