EZRA 5
5
Tempil sin phut nôkna
1 #
Hag 1.1; Zak 1.1 Kha zoroa khan deipu inhni Hagaia le Idoa nâipa Zakaria haiin Judai ram le Jerusalema Juda omhai laia Israelhai Pathian irhmingin thu an hrila. 2#Hag 1.12; Zak 4.6-9 Khanchu Sealtiela nâipa Zerubabela le Jozadaka nâi Jesua’n Jerusalema Pathian in chu an hong sin phut nôk tâka; khan an kôla Pathian deipuhai chu anni changpuihai hrangin an oma.
3Khaangin tui varâl tianga ram optu Tatenaia le Sethar-bozenaia le an rualhai an kuang an va fea, hiang hin an va ti pehaia, “Hi in sin nôk hrang le hi kul zoi hrangin tu’n mo thu nangni a ipêk?,” an tia. 4Khanchu hiang hin an kuang, “Hi in sintuhai hi an irhming tuhai mo an ini?,” kin tia. 5Khannisianlân an Pathian mit chu Juda ulianhai chunga a chuma, Daria kuang an thu kha a tunga, a sâmna an inhriat nôk mâka chu an ram optuhai khan inmatirhai ual mahai.
6Tui varâl ram optu Tatenaia le Sethar-bozenaia le a rualhai, varâla om, Apharsak-haiin rêng Daria kuang lekha an thona, hiang hin an irziaka: 7“Reng Daria kuang irngeina om ri se: 8hi hi rêngin len hre ri se, Judai rama Pathian roiinpui takin, lung liantak taka sin le thing banga sung, takirtâina insua an lei idoina hmun kin fea. 9Khanchu hi in sin hrang le kul zoi hrangin tu’n mo thu nangni a ipêk? tiin an ulianhai kin irdona. 10An hruaituhai irhming kin irziaka, kin infelhai theina hranga an irhming nangni kin irdon a ni.
11“Hiang hin an ni sâma, ‘Irnêng le irvân Pathian siahlohai kin ni, kha dôr kuma sin, Israel rêng roiinpui tak inkhat lei isin sai kin isinsiam nôk a ni. 12#2 Rng 25.8-12; 2 Tsn 36.17-20; Jer 52.12-15 Khannisianlân kin pi le puhaiin irvân Pathian kha a ning an inmurtir le a milung an inchuk no sikin Kaldai mi Babulon rêng Nebukadnezara kuta a pêka, hi in hi a insiat a nia, mihriamhai chu Babulon tiang a hruaia. 13#Ezr 1.2-11 Khannisianlân Babulon rêng Kura inlal kumin, rêng Kura’n hi Pathian in sin insa nôk hrangin thu a pêka. 14Khan Pathian ina rângachak le sumrua siam bungrua Jerusalem Pathian ina mi Nebukadnezara ilâksuak, Babulon biak ina a isiahai kha rêng Kura’n Babulon biak in ata a lâksuak nôka, mi inkhat ar hming Sesbazara, ram optu kuang a pêka; 15A kuanga khan hi bungruahai hi lan la, fe ro, Jerusalem biak ina sian lân, khan biak in chu a hmun pangaia sin ni ri se, a tia. 16Khanchu Sesbazara kha a fea, Jerusalem biak in lungphûm chu a phûma, khatak ata chu atûn ten hin sin a ni ta; khannisian la’rzoi loi a la ni maia.
17“Khan rêngin sa a ti a ni’n chu, a iti lam a ni le ni loi, Babulon sum ina mi kha hong zong sianlân, rêngin hi thua hin a inuam lam ni hon hril nôk ri se,” tiin.
Currently Selected:
EZRA 5: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
