EZRA 1
1
Reng Kura’n Judahai kîr hranga thupêk
1 #
Jer 25.11; 29.10 Persia rêng Kura#1.1: Kura hi Persia rêng a nia, B.C. 53 vêla khan Babulon khopui hi a hong luaa, Babulon ram pumpuia rêng a hong ichang phut tâk a ni. inlal kum khatna deipu Jeremia hmanga a lei ihril tâk kha Rengpa’n an tungtir tâka. Ama thupêk, a ram pumpuihai inhriat hranga tep suak hrangin Rengpa’n Kura lungrîl an thor pea.
2 #
Isa 44.28
“Persia rêng Kura’n hiang hin a ti, ‘Rammuala ram murdi chu Rengpa irvân Pathianin a ni pêk ta; khan Judai rama Jerusalema in sin hrangin thu a ni pêka. 3Nin laia ama mihai murdi chunga Pathian chu om ri se; khanchu Judai ram Jerusalema fehai sian, Rengpa Israelhai Pathian, ama chu Jerusalema om Pathian in chu hong sin ri sehai; ama chu Pathian a ni. 4Mi tukhom, kho hmuna khom inhnotsuaka om khom ni sian, an omna hmuna Pathian in hrangin, an nuam thua tho hrang ni loiin, sumru, le rângachak, bungruahai le sahai khom lei changpui ri sehai,’ tiin.
5Khasikin, Juda le Benjamina irchi, in sûnga a lu u ualhai, ochaihai, Levi hai, Jerusalema Rengpa in hong sin hranga Pathianin an lungrîla a inthorhai chu an hong sina. 6Anni lungrîl nuamlam anga ni loiin, an kôla mi tamtak sumrua siam bungrua, rângachak, sahai, le thil hlu tamtak pêkin, an changpuihaia. 7Reng Kura khomin, Nebukadnezara’n Rengpa ina bungrua Jerusalem ata a lâk suaka, a pathian ina a isiahai kha a lâksuak nôka, 8a isiahai kha Persia rêng Kura’n a enkoltu Mithredata kha an kêlsuatira, a tepa, Judahai hruaitu Sesbazara kuang a pêka. 9Khan hihai hi a om zât chu a ni: rângachaka siam tâbor sômthum, sumrua siam tâbor sângkhat chemte sômhni kuak; 10rângachak khilât sômthum, sumrua khilât chi da dang irzaminli sômkhat, bungrua dang sângkhat le 11Rângachak le sumrua bungrua murdi chu sângringa irzaminli a ni. Sal intânghai chu Babulon ata Jerusalema an hruaihai lai khan Sesbazara khan hihai murdi hi a hong ichôi a ni.
Currently Selected:
EZRA 1: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
