2 THURCHI SUINA 36
36
Juda rêng Joahaza
(2 Rng 23.30-35)
1Judai rama mihaiin Josia nâipa Joahaza chu rêngin an inthanga, Jerusalema sahriak an pola. 2Joahaza chu kum sômhni inthum a niin Judai rama rêng a changa, tha thum an lal irmana. 3Aigupta rêng Nekoa’n sala a chela, Judai ram chu, khâzana tangkarua her sângthum irzaminli le rângachak her sômthum minli an chôitira. 4#Jer 22.11-12 Khan, Nekoa’n Joahaza upa Eliakima chu Judai rama rêngin a siama, a’rhming khom Jehoiakima tiin a phua nôka, Joahaza chu Aigupta rama a hruaia.
Juda rêng Jehoiakima
(2 Rng 23.36—24.7)
5 #
Jer 22.18-19; 26.1-6; 35.1-19 Jehoiakima chu kum sômhni ringa a niin Judai rama rêng a changa. Jerusalema kum sômhleikhat an lala. 6#Jer 25.1-38; 36.1-32; 45.1-5; Dan 1.1-2 Babulon rêng Nebukadnezara chu Judai ram a doia, Jehoiakima chu a chela, thîrhrui leh khitpumin Babulon-a a hruaia. 7Nebukadnezara’n tempila thil hlu senkhat chu a chôi pea, Babulon khua, a ina a siaa. 8Jehoiakima sintho murdi chu, thil intirom tak tak a ithohai le thil sual a ithohai chu Israel le Juda rênghai thurchi irziakna bua a chuang ving a ni; ama irthûlin a nâipa Jehoiakina chu an lal tâka.
Juda rêng Jehoiakina
(2 Rng 24.8-17)
9Jehoiakina chu kum sômhleiriat mi a niin Judai rama rêng a changa, Jerusalema tha thum le sûn sôm an lal irmana. Ama khom Rengpa chunga thil sual a thoa. 10#Jer 22.24-30; 24.1-10; 29.1-2; 37.1; Ezek 17.12-13 Kholum a hor phut tiang chu rêng Nebukadnezara a honga, Babulon sala a hruaia; tempila thil hlu murdi a chôipai vinga. Nebukadnezara’n Jehoiakina sangpa Zedekia chu Judai ram le Jerusalema rêngin a sia tâka.
Juda rêng Zedekia
(2 Rng 24.18-20; Jer 52.1-3)
11 #
Jer 27.1-22; 28.1-17 Zedekia chu kum sômhni inkhat mi a niin Judai rama an lala. Jerusalama kum sômhleikhat sûng an lala. 12Rengpa mithmua thil sual a thoa; Rengpa thu intungtirtu deipu Jeremia thu lak irngai zât om mah a ti ngaia.
Jerusalem siatna
(2 Rng 25.1-21; Jer 52.3-11)
13 #
Ezek 17.15
Zedekia chu Nebukadnezara ata tehel a zonga, Pathian irhmingin iam omna thu an kungpuia, rêngin a siam tâka. Tukullian a songa, irlet nuam maka, Israelhai Pathian Rengpa tiang irhei nuam maka. 14Juda ulianhai, ochaihai le mipuihai lakin an kôlvêla nam sualhai omdân lâkin, Rengpa irthiangtir sai tempil chu millim biakin an innimtira. 15Tempil le a mihai chu a san nuamhai sikin, mipuihai irchutir hrangin an irchihai Pathian khan deipuhai a tîrhai maia. 16Khannisian Pathian mi tîrhai chu an lei manêphaia, an thu lak ite la pehai mahaia. Deipuhai chu innuisanhaiin, inhnung tiang chu Rengpa kha a sate’n a ning an mur pea.
17 #
Jer 21.1-10; 34.1-5 Rengpa’n anni soisak hrangin Babulon rêng a hong hruaia, rêngin Judai rama ruathartehai chu tempil sûnga khom a that phiarhaia. Ulian le nâipang lêk loiin, nupang pasal, hrisêl le sêl loi dênin ite inrenna boiin. Pathianin a kuta a ipêk ving a ni. 18Babulon rêngin tempil kha an moka, thilhlu an ihrêhai a lâka, rêng in le mi lianhai ina thil omhai khom Babulon-a a chôi vinga. 19Tempil le kho sûnga inhai chu a hâla, khopui kul bang neihai a seta. 20#1 Rng 9.8 A thi zoi loihai chu Babulon-a a hruaihaia, ama le a rualhai chu suaka, Persia hai an hong tung dênin an oma. 21#Jer 25.11; 29.10 Jeremia bâia Rengpa thu lei hril chu, Kum sômsari sûng chu nin ram châr a ta, a iti kha a hong itung a ni ta.
Reng Kura’n Judahai an fetirhai
(Ezr 1.1-4)
22Persia rama rêng Kura an lal phut kumin, Rengpa’n Jeremia bâia a thu hril hlo a hon chuktira. Reng Kura kha a kaihara, hiang hin thu an pêktirhaia: a ram sûng hmun tina tep thei hrangin irziakin thu a thon dara:
23 #
Isa 44.28
“Hi hi Persia rêng Kura thupêk chu a ni. Rengpa, irvân Pathianin rammual pumpuia roirêltu mi a siamhaia. Judai ram le Jerusalema hrang tempil sin hrangin a ni tia. Khasikin, Pathian mihaio, nin rêngin kha khan fe roi, nin Pathian Rengpa’n nangni ompui ri se,” tiin.
Currently Selected:
2 THURCHI SUINA 36: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
