FESUAKNA 33
33
Rengpa’n Sinai tâng masan hrangin Israelhai thu a pêk
1 #
Irp 12.7; 26.3; 28.13 Rengpa’n Mosia kuang khan, “Nangma le ni mipui Aigupta ram ata ni hong ihruaisuakhai khan hi hmun hi masan unglân, Abrahama, Isaka le Jakoba le an irchihai pe hranga ram ki inkungna khan fe roi. 2Nin matona hruaitu hrangin vântîrtôn tîr ki ta, Kanaan mihai, Amor mihai, Periz mihai, Hiv mihai le Jebus mihai chu irzûlpaihai ki ti. 3Ram irchong irnêng sa hmuna nin ife hrang a ni, keima chu ni kuang hong ual no ning, tukullian mi an nia, lam laia nangni ki that irhmangtir duaiin chu,” a tia.
4Mipuihaiin kha thu kha an inhriatin chu an irpei a tema, tûte an irchon sa leh irvo nuam ta mahai. 5Rengpa khan an kuanga hril pehai hrangin Mosia kha thu a pêka, “Mi tukullian tak nin ni. Zoro sôtnotea hrangin ni pôla fe sa hrang khomin, nangni ki’rhmangtir chit khom a ni thei. Atûn hin nin irvôna thil mantamhai kha khek unglân, imo nangni ki ilo hrang infel ki ti,” tiin. 6Khaang khan Sinai tâng an mâksan hnungin chu an thilhluhai leh irvo ta mahai.
Rengpa omna puan in
7Israelhai riakbuk siamna hmun tina khan Mosia puan in irthiang kha hlavita khan a siam ngaia. A’rhming hrangin Rengpa omna puan in iti a nia, mi tukhom Rengpa chongpui nuam murdi’n kha khan an ife ngai a ni. 8Kha hmuna khan puan in kotbâihaia ngîrin Mosia kha an ithîr ngai a ni. 9Mosia kha a sûnga a lût zoiin chu sûm ir-al zuang chumin puan in kotbâia khan a oma, sûmkâr ata khan Rengpa’n Mosia kha a chongpui ngai. 10Sûm ir-al kha puan in mikota khan an hmu le chu mipuihai an lu an kûn ngaia; 11mi an rualhai leh an ichong ngai angin, Rengpa khan Mosia kha hmâi ir-enin a ichongpui ngai a ni. Kha hnung chu Mosia kha riakbuk tiang a kîr nôk ngai, a chongpuitu ngai ruatharte Nuna nâipa Josua chu puan ina khan a iom ngai a ni.
A mihai laia om hranga Rengpa chonginkung
12Mosia khan Rengpa kuang, “Hi mihai hi kha ram tianga hruai hrangin ni ni hril ngaia, kha kha tu mo a ni fepui hranga ni itîr hrang chu ni la hril pe mak che. Ni nin hriat infelna thu le ki chunga ni lungdo thu khom ni hril ta. 13Ni milung ki ichuk ta tak a ni’n chu, ni sin ki thoa, nang kin lômtir mai theina hrangin ni inthang ki nih ti kin hriat infel theina hrangin,” a ti pea.
14 Rengpa’n Mosia kuanga, “Nin kuang hong sa ki ta, inhnêna nangni pe ki ti,” a tia. 15Mosia khan, “Kin kuang ni hong no’n chu, hi hmun hi nin masantir viat no roh. 16Kin kuang ni hong sa no’n chu, ni mihai le ki chunga hin ni milung a chuk a nih ti itin mo kin inhriat thei hrang? Ni ompuina khan irnêng chunga mi danghai laia danglamna tak a ni inneitir hrang a ni,” a tia.
17 Rengpa’n Mosia chu hiang hin a ti pea, “Nang kin hriat infela ni chunga ki milung a chuk sikin ni iti ang lam takin tho ki ti, 18Mosia ingên angin ngaihoi takin ni hmêl nir hmutir ro,” a tia.
19 #
Rom 9.15
Rengpa khan a sâma, “Ki roiinpuina vâr irkhêl ni matona intungtir ki ta, ki’rhming irthiang khom nangma inhriat hrangin inpuang ki ti, Rengpa ki ni hi, ni khonzana le satna ki inthanghai chunga ki inlangtir ngai a ni. 20Ki hmâi chu nang irhmutir no ning, mi tukhomin an ni hmu’n chu an ihring ngai loi a ni. 21Khan lung chunga ni ngîrna hrang hmun chu ki kôla hin a om. 22Ki ompuina vâr irkhêl a tung zoroa lungpui kika khan nang thun ki ta, ki fe zoi mâka chu nang ilhlî mai ki ti. 23Khanchu ki kut khâipai ki ta, ki hmâi ni loiin ki ruang tiang kai hmu ni ti,” a tia.
Currently Selected:
FESUAKNA 33: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
