FESUAKNA 21
21
Suak enkol hrang dân
(Dhn 15.12-18)
1“Hiang hin Israelhai zôm hrang dân siam pehai ro: 2#Lev 25.39-46 Hebrai mi siahloa an irchôkin chu, kum ruk sûng chu suakin om a ta, kum sari tena chu ite pe loiin insua nih a ti. 3Ni suak a chang phuta khan dôngma a ihruai hrang ni ma; khannisian innei saia irchôk a ni’n chu a dôngma khom a ihruai sa hrang a ni. 4A pu’n dôngma a inneitir a nia, nâi a neiin chu a dôngma le a nâi le tehai chu a pu ta an nia, ama chu a bing vaiin suak thei ni a ti. 5Khannisian suak khan a pu, a dôngma le nâihai lunginkhama zalên taka om a nuam loina thu an puang suakin chu, 6a pu khan Pathian ina hruai a ta, mikot kôla inngîrtir a ta, thîr irzum leh a mikuar inver pe a ta, a hring kâr chu a suak ni mai ta a ti. 7Mi’n a nâinu suakin a zuarin chu pasal suaka an insuahai angin chu phal ni mah. 8Ama chu dôngma nei nuamtuhai hranga zuar a nia, a nuam nôk noa ni’n chu, a pa kuang zuar nôk hrang a ni, a pu’n a huang sika khan mi dang kuang a izuar thei loi a ni. 9Mi’n a nâipasal dôngma hrangin suak nupang a’rchôkin chu a nâinu ang takin a ienkol hrang a ni. 10A nâipa’n dôngma dang a nei nôkin chu a dôngma miluinu kha fâk nêk silkai le thuneina a lei hong inei ngai khom kha a la inneitir mai hrang a ni. 11Hi sintum inthumhai hi a tho pe thei no’n chu a man la loiin a insua hrang a ni.
Kuttum chungchâng
12 #
Lev 24.17
“Mi tukhomin mi vîk sianlân, a ivîk kha a thi’n chu, ama khom kha that ngêt hrang a ni. 13#Nam 35.10-34; Dhn 19.1-13; Jos 20.1-9 A tum sika a ithat a ni no’n chu, hmun nangni ki indang pena khan lût a ta, khatak khan zôk thei a ti. 14Zôk hrangin mi’n irtanhai khom sianlân, ningmur irlâka mi dang that chu kêlsuapaia, thatpai hrang a ni.
15“Mâni nu le pa chunga kut insum chu that hrang a ni. 16Zuar hranga mo, a suak ni hranga mihriam inrûk khom thatpai hrang a ni. #Dhn 24.7
17 #
Lev 20.9; Mt 15.4; Mk 7.10 “Ama mo, a pa mo, khomâk sâmtu chu thatpai hrang a ni. 18Mi irsualhai sianlân, inkhat khôkin lungtum leh suk sianlân, kut tum leh irchûm sianlân, a thi no’n chu ite dûk tho loi hrang a ni, kut tum tuangtu khan zâlhmuna inbokpui a ti. 19Zâmin hong dam a ta, tuala khianghrol chôiin a’rvâk thei mâka chu a vîktu khan a ituam ving hrang a ni.
20“Mi’n a suaknu mo, a pa mo vîk thatpai sianlân, kha mi kha dûk tho hrang a ni. 21Thi zel loiin sûn khat sûn hni la dam sianlân a pu kha dûk tho loi hrang a ni. A inei a inchân kha a ta hrangin dûk thôna a iruk pe a ni sikin.
22“Mi an irsuala, nupang inrâi an innatir duaiin chu, ama’n pop liam tong no khom sianlân, a nâi vong kha a siat pein chu, nupang pasal irphu dôrin, roirêltuhaiin a sa an iti lam taka ircho hrang a ni. 23Khan nupangin pop liam a tongin chu, hringna irthûlin hringna 24#Lev 24.19-20; Dhn 19.21; Mt 5.38 mit irthûlin mit, ha irthûlin ha, kut irthûlin kut, ke irthûlin ke, 25meia kâng irthûlin vîkirdulin a ituang hrang a ni.
26“Mi’n a suakpa mit mo, a suaknu mit moh vîk incho pe sianlân, a mit siatna man a ipêk hrang a ni. 27A ha inkham pe sianlân an ha manin an ithuan hrang a ni.
A neituhai mophurna
28“Sehrâtchalin mi tu mani sik that sianlân, sechal chu lung leh dêng that ni a ta, a hmê kha fa hrang ni ma; a chongpu khomin a kut a insum hrang ni mah. 29Sehrâtchal khan mi a lei sik mai ta ngaiin chu, sechal chu lung leh dêng that ni a ta, a chongpu khom lung leh dêng that ni a ti. 30Khannisian a chongpu kha a hringna inzôk hranga irchôk a ni’n chu a bituk zât chu a ipêk ngêt hrang a ni. 31Sehrâtchal khan nâipang pasalte mani nupang mani a that khomin ulian a isik that rêl anga rêl hrang a ni. 32Sehrâtchal khan suakpa moh suaknu moh sik that sianlân a chongpu khan suak neitu kuanga khan tangka sômthum a ipêk hrang a ni, sechal chu lung leh dêng that hrang a ni.
33“Mi’n khur sîng an hongin chu, khur thar choiin a sîng nôk noa sehrâtchal moh sakuartung moh a tâkin chu, 34a hmun a ichoi ngêt hrang a ni. A chongpu kuang khan sum chu pe a ta, a hmê chu la thei a ti. 35Mi sechalin mi dang sechal that sianlân, an ruaiin a la dam sechal kha zuar an ta, a man irsem an ta; a thi sai hmê khom kha an irsem hrang a ni. 36Khan sehrâtchal khan mi sik a lei songa a chongpu khan khit indet loi ni ta ang sianlân, a isik that pepu kha sehrâtchal ngêtin a ituam hrang a ni, a hmê chu la thei a ti.
Currently Selected:
FESUAKNA 21: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
