FESUAKNA 20
20
Thupêk sôm
(Dhn 5.1-21)
1Pathianin thu a hrila, a thu hril chu hihai hi a ni: 2“Suaka nin omna Aigupta rama irthoka nangni hruai suaktu, Rengpa nin Pathian chu ki ni. 3Keima ti no chu Pathian dang reng nei no roi. 4#Fes 34.17; Lev 19.1; Dhn 4.15-18; 27.15 Nangma hrang millim khom siam no ro, chung tianga irvâna om mo, irnênga om mo, irnêng hnuaia om mo, ir-angpui ite ni isiam hrang ni mah. 5#Fes 34.6-7; Nam 14.18; Dhn 7.9-10 Annihai kha chubai ni imûk hrang khom ni ma, an sin khom ni itho hrang ni mah. Keima Rengpa ni Pathian hi Pathian nunsetak ki nia, a ni hualtuhai chu an irchi khom irlo thum irlo minli dênin an pahai sualna sikin an nâihai deng kin theitir ngai. 6Khan lung ni thunga ki thupêk zômtuhai chu an irchi sâng tamtak tena khom lungkham insua mai ki ti.
7 #
Lev 19.12
“Rengpa ni Pathian irhming sâmin minlak tho no ro, minlaka a’rhming sâmtu chu Rengpa’n dengintheitir loiin om no ni. 8#Fes 16.23-30; 31.12-14 Sabat nî chu ni iser hrang a nih ti inhre mai roh. 9#Fes 23.12; 31.15; 34.21; 35.2; Lev 23.3 Nangma hrangin sûn ruk sûng sin thei ni ta; 10Sûn sari nî chu Rengpa ni Pathian ta hranga irngam nî a nia; Kha nî sûn khan chu ite ni isin hrang ni ma, ni nâipasal le nupanghai, ni suakhai, ni sahai, nam dang nin rama om khomin sin an izong hrang ni ma; 11#Irp 2.1-3; Fes 31.17 Rengpa khomin sûn ruk sûnga khan Tuikhanglian, irnêng le irvân le a sûnga om murdi a siama, sûn sari nî chu a irngam chian a ni, satakin sat a vura a iser a ni.
12 #
Dhn 27.16; Mt 15.4; 19.19; Mk 7.10; 10.19; Lk 18.20; Efe 6.2-3 “Ni nu le pa mahrip tho’n lân, khanchu Rengpa ni Pathianin ram nang a ipêka hin hring dam sôtin om ni ti. 13#Irp 9.6; Lev 24.17; Mt 5.21; 19.18; Mk 10.19; Lk 18.20; Rom 13.9; Jak 2.11 Mi ni ithat hrang ni ma,
14 #
Lev 20.10; Mt 5.27; 19.18; Mk 10.19; Lk 18.20; Rom 13.9; Jak 2.11 Ni iuirê hrang ni mah.
15 #
Lev 19.11; Mt 19.18; Mk 10.19; Lk 18.20; Rom 13.9 Inru ni itho hrang ni mah.
16 #
Fes 23.1; Mt 19.18; Mk 10.19; Lk 18.20 Ni tualbômhai chunga inhriattu mi laka ni irsiam hrang ni mah.
17“Ni tualbômhai neinun ni irzuk hrang ni ma, ni bômhai dôngma ni irzuk hrang ni ma, a suakpa mani, a suaknu mani, sehrâtchal mani, sakuartung mani ni bômhai ta rêng rêng chu ni irzuk hrang ni ma,” tiin. #Rom 7.7; 13.9
Mipui irtha’nvâi
(Dhn 5.22-33)
18 #
Heb 12.18-19
Mipuihai khan khonri tho’n kôlirtêk an hmua, bekul irhâi an inhriata, tâng sîpa meikhu hlet hlut an hmu’n chu, an phûk an thinga, hlatak ata an thîra. 19Mosia kuang, “Kin kuang thu insîrin lân, irngai kin ti, Pathian ngêtin kin kuang thu an sîrin chu, kin thi duai ngânin te, iti hi kin ichi a ni,” an tia. 20Mosia khan, “Chi viat no roi, ama chitna lungrîl nin nei maia, sual sin ta loia nin omna hrangin nangni en irsin hrang vaia Pathian chu a izuang a ni,” tiin a sâma. 21Khan khoma mipuihaiin hlatak ata an thîr maia; Mosia vaiin Pathian omna sûm duk kha a va nâia.
Maichâm hmang hrang dân
22 Rengpa’n Mosia kha Israelhai laia ti pe hrangin thu a pêka; “Atûn hin irvâna irthokin keima Rengpa’n nangni ki ichongpui a ni, ti nin inhriat ta. 23Sumru mo, rângachakin mo, nangni hrang siam no roi, keima ti no chu chubai mûk hrang ite siam no roi. 24Nin ni chongpuina hrang hmun ki indangna tina pil maichâm siam unglân, kha khan hâlirvôm thil inhlan le irbôlna thil inhlan kêlbelra le sehrât inhlan roi, zuang ki ta, sat nangni vur ki ti. 25#Dhn 27.5-7; Jos 8.31 Ki ta hrangin lung maichâm nin siamin chu, incher no unglân, nin lung sukna hmang sika khan nin iporinchetir a ni ta. 26Kalbi siam nang raka irsângin maichâm ni siam pe no roi, nin siamin chu nin lui tena nin ithuphai an lang duai itinin,” a tia.
Currently Selected:
FESUAKNA 20: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
