THUHRILTU 8
8
1Mi vâr vaiin kêng thil omzia takhai chu an hriat thei ngai, vârna’n a hmêl an vârtira, a hmêl inhripna khom an dang ta.
Reng thu zôm hrang a ni
2Pathian makunga chong ni inkung tâk ang khan, rêng thupêk chu zôm roh. 3A makung ata fe suak hrangin irhnot no’n lân, thilsual chu ngîrpui ngai no ro; ama’n chu a nuam nuam a tho thei sikin. 4Reng thu chu a’rsângtak sikin, tu’n mo a kuang, “Imo ni itho tâk hi?” ti thei hrang? 5A thupêkhai ni zôm sûng chu lungthi takin om ni ta, khan milung vârin thil tinrênga a zoro diktak le a dânhai chu an hriat ngai. 6Thil tinrêng hin zoro le dân diktakhai an nei senga, khannisian eini’n chu a chînte kêng ei inhriat! 7Thil la hong tung hrang chu inhre maka, a hong ni hrang lam chu tu’n mo hril thei a ta? 8Irtha chel theina le thi nî chunga ircham nei tûte om mahai; irdoi sûngin irngam om maka, pualoina’n ama chu sansuak no ni.
Mi fel le sual
9Kha thil murdihai kha ki hmu tâka, khanchu misa hnuaia thil tung murdihai hi a sân ki ngaituaa; khanchu mi inkhatin mi dang chunga ama le ama dengtheina hrang pialin irchamneina a nei zoro hi a oma. 10Khan, mi pualoi an iphûm lai tak ki hmua, khannisian thân ata an kîrin chu mipuihai khan sual#8.10: Hebraiin irchâng 10-na hi fel ma. an ithôna khopuihai kha an inpâka, hi khom hi chanlamboi a ni.
11Sin siat chunga hremna intung zôi loi a ni ngai sikin, mihriamhai milunga chu thilsual tho hrangin a ingam tâk a ni. 12Mi sualin sinsiat voi irzakhat thoin, a hring sûng nikhuahai chu lei sôt khom sianlân, Pathian mahrip thoa zôm ngêt hi a sa ual ti hi ki inhriat a ni: 13khannisian mi pualoi ta hrangin chu sa no nia, an dam sûng nikhuahai khom kha misa a tâka irhlîm ang a nia, Pathian chitna an nei no sikin. 14Khanchu irnêng chunga hin thil fel nia inlang loi hi a tung saa, a kâra chu mi sualhai chunga hremna chu mi felhai chunga a tung ngaia, mi felhai lômman khom chu mi sualhaiin an dong ngaia; hi khom hi keiin chu chanlamboi a nih ki iti a ni.
15Khasikin nunkhonhoi taka hringnun hmang hi a poimo a nih ti kin hriata, i sika mo ei tia ni’n chu mihriamin hi hring sûnga, a ta hranga satak le a itho theisun chu fâk le nêka nunkhonhoi hmang hi a ni sikin. Kha kha irnêng chunga Pathianin an sin hrang a ipêkhaia khan raifânna’n zuihai ta a ti.
16Vârna inhre hrang le hnuai chunga sintho tâk murdi inhre hrangin, sûn le zân meng khom inlân, Pathian sinthotheihai chu itiklai khom inhriat suak thei ni mah ti kin hriat suak tâka, 17Pathian sintho chu inhresuak thei viat ni ma, ni thei dôr khomin tumin lân, hmusuak viat no chi ni. Mi vârhaiin chu inhriatin an irti theia, khannisian inhre mahai.
Currently Selected:
THUHRILTU 8: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
