DANIELA 12
12
Zoro hekna
1 #
Mt 24.21; Mk 13.19 “Kha irzoi tena chu ni mipui nâihai san ngaitu, hruaitu roiinpuitak Mikaela kha ngîr a ta; buaina zoro, nam om phut ata, kha ni tena la om ngai loi kha, hong om a ta: kha nî tena chu ni mihai kha sansuakin om an ta, mi tin lekhabua irhming chuang murdihai chu. 2#Isa 26.19; Mt 25.46; Joh 5.29 Khan an laia tamtak irnêng vâiphina zâlhai chu hong har nôk an ta, senkhat inzâna le senkhat chu kumtuanga hmumâkin. 3Hruaitu vârhai chu irvân vâr angin vâr an ta, mi tamtak felna tianga hong kîrhai chu ârsi angin kum kumtuangin vâr an ti. 4Khannisian nang o Daniela, thu kha thupin lân, lekhabu kha intukhak ro, a mong dênin; mi tamtak intânin, inhriatnahai hong pung a ti,” a tia. #Thup 22.10
5Keima Daniela hin ki hong ena, irngai ro, mi dang inhni an hong ngîra, inkhat chu tui kôina laia, a dang chu tui kôi loina tiang. 6khan mi tu’n mani, mi puan zerhmi sila irvo tuipui chunga om kuang khan, “Hi thil irkhêl mongna hrang hi, itika mo a ini hrang?” a tia.
7 #
Thup 10.5; 12.14 Khan mi puan zerhmi sila irvo tuipui chunga om khan, a kut chang tiang le vei tiang irvân tianga phar suakin, “Hunbi khat le a chînte, a chimrip sûnga hrang nih a ti; mi irthianghai sinthotheina chu an inkhoi zoi tena hi thil murdi hi irkip a ta; tia hring kumkhua sâmin khomâk a sâm tih kin hriata”. 8An hriat chu kin hriata, a’rngailam chu inhre ma ung: khanchu keima’n, “O Rengpa hi thilhai mongna chu itika mo a ini hrang?,” ki tia.
9Ama’n, “Daniela, fe’n lân, thu chu thup le chelkhak a ni ta, a mong dênin, 10mi tamtak chu an irthiangin an ivâr nôk a nia, an isa a ni; khannisian mi siathaiin chu sualin an la om mai, mi siathaiin ar ngai dân inhre no nihai; mi vârhaiin chu a’rngailam inhria an ti.
11“Khan hâlirvôm thilinhlan omhai lâkpai a nia, chitna intirom inding nôk a nia irthokin, sûn sângkhat irzahni le sômkuak nih a ti. 12Nghâk za zâma sûn sângkhat irzathum sômthum ringa phâkhai chu la hoi pehai a ti. 13Khannisian nang chu mongna nî dênin fe’n lân; sûnhai hekna chu irngam a ta, ni man hrang dôra om ni ti,” a tia.
Currently Selected:
DANIELA 12: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
